KAPANSIN-PANSIN na na-enjoy nina mama at Tito Louie ang pinanood naming pelikula. Magkahawak-kamay sila na tila may sariling mundo samantalang nasa likuran lang kami ni Zein at parehong nakamasid sa kanila.
Mula sa simple nilang tawanan hanggang sa marahang pag-akbay ni Tito Louie sa balikat ni mama ay naging kaakit-akit sa paningin ko. Kaygandang pagmasdan na masaya si mama sa tuwing kasama si Tito Louie. Hindi ko namalayan na tumulo na pala ang luha sa mga mata ko. I’m just so happy for my mom. Ni sa hinagap ay hindi ko inisip na makikita ko siyang tunay na maligaya.
“What are you thinking?” nakataas ang isang kilay na tanong ni Zein. Nakapamulsa pa rin siya habang diretso ang tingin sa daan.
“Paano mo naman nasabi na may iniisip ako? Ano ka? Manghuhula?” sunud-sunod kong tanong. S
