PUMAILANLANG ang malakas na tunog ng musika. Hudyat na ‘yon ng pagsisinula ng seremonya. Hindi naman ganoon karami ang mga bisita pero hindi ko maiwasan makaramdam ng pagkailang pa rin. It’s my first time, actually. Mabuti na lang at ni-remind ako ni Zein ng dapat kong gawin.
Maluwang na ngumiti si Tito Louie nang makasabay niya si Zein na lumakad sa aisle. Abot tainga ang ngiti nito na talagang hindi maitatatwa ang kasiyahan sa mukha. Saglit naman akong sinulyapan ni Zein saka marahang tumango.
Kasunod niyon ay ang pagpasok ng ilang bridesmaids at ako ang nasa huli. Sa rooftop nga ang naging venue ng kasal. Maluwang ang espasyo kahit na ilang table ang nakahanda para sa mga bisita.
Sa bawat paghakbang ko sa aisle ay nanunuot sa tainga ko ang liriko ng awitin. Napangiti ako. Sa musik
