ISANG evening maxi dress na kulay ang gray ang suot ko ngayon. Tapos na akong ayusan ng babaeng make-up artist kaya naman nagpaalam na ito. Pupuntahan niya raw si mama upang i-retouch ang make-up. Pinagmasdan kong mabuti ang imahe ko sa harap ng malaking salamin. Paulit-ulit na umuukilkil sa isipan ko ang mga iniwang salita sa akin ng babae.
Pwede raw akong maging artista o ‘di kaya ay modelo.
Kinakapa ko ang dibdib ko. Gusto kong makumpirma sa sarili ko kung malapit sa katotohanan ang sinabi niya. Tanging si mama lang ang nakakapagsabi sa akin na maganda ako at bilang anak niya, syempre, pinaniniwalaan ko ‘yon.
Ngunit iba pala sa pakiramdam na mismong ibang tao ang nagsasabi niyon. Hindi ko alam kung matutuwa ba ako o hindi. Marahan kong hinaplos ang mukha ko. Lalong pinalutang ng mak
