HULI na para bawiin ni Logan ang nasabi niya kay Angela. Ano ba kasi ang nangyayari sa bibig niya at kung anu-anong lumalabas? Baka isipin ni Angela ay may gusto siya rito at sinasamantala niya ang pagtulong na ginagawa niya. Hindi siya ganoong klase ng tao. Kapag may nais siyang gawing tulong ay hindi siya humihingi ng kahit na anong kapalit.
Ano ba, Logan? Mag-isip ka ng pambawi! Paganahin mo ang utak mo! Utos niya sa sarili.
Kanina pa sila magkatitigan ni Angela tapos iyong tingin nito sa kaniya ay parang nanghihingi ng paliwanag.
Umawang ang bibig nito na parang may sasabihin pero nagdadalawang-isip. “Ah... I-ibig mong sabihin ay para may tumulong sa akin sa paghihiganti. Tama ako sa pagkakaintindi ko sa sinabi mo, `di ba?” Si Angela ang unang bumasag sa katahimikan.
Isang
