PAALALA: Ang mga susunud na kaganapan ay naglalaman ng karahasan.
AKALA NI LEXINE ay tuluyan nang namatay ang halimaw. Subalit habang nangingisay si Manong Ben ay may isang kakaibang uri ng species ang lumabas mula sa bibig nito. Tila isa `yong centipede na mas maraming paa. Mahigit isang talampakan ang haba niyon at kasing taba ng hita ng tao habang nababalutan ng nakadidiring slime ang buong katawan niyon. Mabilis na gumapang sa lupa ang species at unti-unting lumobo ang likuran. Nabiyak ang gitna niyon at unti-unting lumabas roon ang isang ulo. Nanghina ang buong katawan ni Lexine at pakiramdam niya ay malapit na siyang mahimatay.
Tuluyang lumabas ang isang halimaw mula sa species. Buto’t balat ang katawan nito. Nasa pitong talampakan ang taas. Mahaba ang mga braso n
