“Anika, I’m here!”
Gulat na napalingon kaagad ako sa tawag ni Triton nang makarating sa airport. Sinadya kong agahan ang pagpunta para makapagtago at makalabas na lang kapag malapit na malapit na ang oras ng flight namin. Oh well, para kahit magulat s’yang imbes na si Anika ang makakasama n’ya ay wala na s’yang magagawa dahil nandito na ako. Pero ang hindi ko ine-expect ay ang mauna pa s’ya dito kaysa sa akin. Kinagat ko ang ibabang labi nang makita kong nawala ang bahagyang ngiti sa mga labi n’ya nang mamukhaan ako.
Kung mayroon pa naman kaming hindi maloloko sa itsura namin ay si Triton ‘yon. He can easily recognize me kahit na anong pilit kong gayahin ang itsura ng kakambal ko kaya ngayon ay hindi na talaga ako nag-abalang magbago pa ng style dahil alam ko namang makikilala at m
