اعداء بالدم

#الحلقة_ال19_وال20 #القوة

#اعداء_بالدم

#الحلقة_ال19_وال20

#القوة

باسل قبل عرض ا****عه السريه علشان الحمايه اصل اللي في السجون دول ناس تحب تاخد حقها ، ناس تقدر تمسح الكل في ثانيه حتي لو في ايدهم الحديد بس اقويا وقادرين وزي ما فرحات علمه لازم مبيقاش واحد قوي لازم يكون القوي نفسها اللي في ايد الناس مينفعش يكون حاكم لازم يكون كرسي العرش وبالطريقه دي يكون هو كل حاجه الكيان وع**ه كل الكلام ده كبير وصعب علشان يوصل ليه و هياخد وقت طويل

بدايه الحلقة

قاعد في اوضه الفندق وسليم كلمني من التلفون التاني

انا :: الو يا سليم

سليم : بقولك ايه في شنطه وصلتك على الفندق قلهم يطلعوها

انا :: فيها ايه دي

سليم : فيها ورق يا باسل تبع شغلك ملفات ادرسها كويس

انا :: طيب ماشي

قفلت مع سليم وكلمت الريسبشن يطلعها الشنطه بس دي مش شنطه عاديه لا دي شنطه سفر كبيره وصلتني رساله فيها ارقام كنت ارقام السريه للشنطة فتحتها كلها ورق مش كام ملف لا استعنت على الش*ي وبدات اقري وافهم الورق ملفات الشركات المساهمه والمصانع وملف الشؤون الماليه والقانونيه ورق بالطن فضلت قاعد محستش بالوقت غير على سندي

سندي : ( طلعت الصاله هي بتأوب ) صباح الخير يا نهار اسود

انا :: ايه في ايه

سندي : ايه الورق ده كله

انا ::ورق شغل

سندي : كل ده شغل

انا :: ايوه

سندي : شغل ايه ده

انا :: اشتريت مصنع حديد في مصر

سندي : مصنع كامل وجبت الفلوس دي منين

انا :: كان معايا اتنين مليون دولار خدت بيهم قرض اشريت المصنع ده

سندي : ليه كده يا باسل قرض ليه الدين وحش

انا :: اعمل ايه طيب ده شغل

سندي : طيب كنا بدانا :بحاجه صغيره فتحنا المطعم تاني وبعد كده اعمل اللي انتا عايزه

انا :: خلاص يا سندي انا اشتريت وخلاص

سندي : براحتك بس مش عايزك تغرق في الديون

انا :: متخفيش عليا انا عارف بعمل ايه

سندي : طيب اطلب الفطار

انا :: ماشي صحي باسل الاول واعملي حسابك هنروح بيتنا الجديد

سندي : طيب والبيت القديم ماله

انا :: اهو موجود بس عايز يتنظف

سندي : ماشي يا باسل براحتك بس انتا بتصرف كتير خالي بالك انا عرفاك مسرف

قعدنا نفطر وبعد كده مشينا رحنا الفيلا كانت صغيره في حته هاديه مفيش فيها جيران خالص عجبت سندي وقضينا اليوم نرتب كل حاجه وهيا خدت العربيه راحت مشوار ورجعت بليل ومعاها باسل

انا :: ايه كل ده تأخير بره

سندي : معلش بقي كنت بجيب حاجه كده

انا :: حاجه ايه

سندي : حاجه ستات

انا :: ايوه ايه هي الحاجه دي

سندي : قولتلك حاجه ستات

انا :: ( قربت منها ) ايوه ايه هيا

باسل : ايه مفيش احترام ليا ولا ايه

انا :: احنا اسفين يا بابا باسل

باسل : ايوه كده قله ادب

انا :: ( ض*بته على دماغه ) خش جوه يلا

باسل : ( ماسك دماغه ) ماشي كلامك يا كبير

دخل باسل وقعدنا نضحك شويه اتعشينا وطلعت انام علشان رايح الشركه بكره الصبح صحيت من النوم

انا :: سندي

سندي : ايه يا باسل عايزه انام

انا :: قومي اعملي فطار

سندي : قوم اعمل لنفسك انا تعبانه وعايزه انام

انا :: بقي كده يا ام باسل ماشي

قومت خدت دش ورحت الدولاب اطلع بدله لقيت بدله متعلقه في الكافر بتاعها فتحتها لقيت فيها ورقه مكتوب فيها ( احلي هديا لاحلي راجل اعمال في مصر حبيبي باسل ) ابتسمت طلعتها كانت على مقاسي نزلت تحت شربت قهوه وبعد كده طلعت بره لقيت رجاله واقفه في سور الجنينه والبواب قاعد شورت لواحد منها وجالي واحد تاني غير اللي شورت ليه

انا :: انتو مين يابني

شخص : انا سامح المكلف بحمايه حضرتك

انا :: ( تلفون سليم رن ) الو يا سليم

سليم : صباح الخير يا باسل اتعرفت على سامح

انا :: ايوه

سليم : هو المكلف بحمايتك من النهارده هيد*ك اي باد فيه معلومات كتير اقراها علشان اجتماع مجلس الاداره النهارده

انا ::طيب يا سليم بس في حاجه عايز اعرفها نسيت اسألك عليها

سليم : خير

انا :: انتا كنت امن دولة ولا مخابرات

سليم : سلام يا باسل

قفلت معاه واسلوبه اوڤر وقديم جدا ركبت العربيه مع الرجاله موكب كامل 6 عربيات كل عربيه فيها 5 وصلنا الشركه والكل بيرحب بيا دخلت المكتب وجتلي السكرتيره اسمها داليا

داليا : صباح الخير يا مستر علي انا داليا منضور السكرتيره بتاعت حضرتك

انا :: صباح النور يا داليا اولا بلاش كلمه مستر او بيه او باشا انا اسمي باسل جلال مش باسل باشا اوكي ثانيا انا عايز اجتماع مجلس اداره كمان نصف ساعه ثالثا بقي عايز الملف بتاعك

داليا : ليه يا فندم في مشكله

انا :: لا احب اعرف إمكانيات اللي شغالين معايا

داليا : تمام يا فندم حضرتك خلص الاجتماع والملف هيكون جاهز

انا :: تمام

دخلت اوضه الاجتماعات واتعرفت على الكل

انا :: استاذ احمد ( ده المسؤول عن المناقصات والكلام ده ) في مناقصه النهارده بتاعة مناجم جنوب أفريقيا وضعها ايه

احمد : احنا هنسيب المناقصة دي شركه تانيه وده لصالح الكل

انا :: ( ابتسمت ليه وكان اي باد اللي ادهولي سليم قدامي بعت لاحمد فيديو ليه وهو مع واحدة بيسلمة ورق وبيديلة شنطة فلوس فتحها بص فيها وقفلها ) وبصتله وانا مبتسم ) افتح تلفونك

احمد : ( بنظره برود فتح التلفون لقي الفيديو حاول يسيطر على نفسه شويه بس باين عليه القلق والعرق نازل منه )

انا :: بصو يا جماعه انا عايز اعرفكم بنفسي كويس انا باسل جلال راضي ابراهيم ال**دي انا صاحب الشركه دي يعني محدش زي الاستاذ احمد يجي يقولي اعمل ايه ومعملش ايه انا صاحب القرار الاول والاخير استاذ نصحي ( مسؤول عن الحسابات ) عايز كشوف الحسابات كلها وميزانية المراجعات كامل الصادر و الوارد ( كلهم بصو لبعض ) بلاش تبصه لبعض انا مش هقطع النسبه اللي بتاخده انتا وهو بالع** انا هزودها لما ازود الربح شوفته مدير طيب زي قبل كده بس مصلحتكم تحت ومصلحتي انا فوق لو حد جيه عليها هفعصه بجزمتي مهما كان مين ، احمد اتحرك بسرعه معاك سامح هيوصلك لحد هناك يلا

قام احمد مع سامح وطلعه وانا كملت الاجتماع ودخلت المكتب بصيت في الملف بتاع داليا حاجه مشرفه قوي الجامعه الامريكيا منحه من جامعه ا**فورد بعد كام ساعه جالي تلفون من سندي

سندي : ايه يا حبيبي

انا :: ايه يا قلبي صحيتي امته

سندي : من شويه خد ماما عايزه تكلمك

انا :: امي انا طيب

امي : ايه يا روح امك موضوع الشركه دي والحراسة دي كلها

انا :: ايه ده مفيش صباح الخير اي حاجه شتيمه كده على الصبح

امي : ايوه ايه الحكايه

انا :: لما اجي احكيلك سلام

قفلت مع امي ورجع سامح

انا :: ها يا سامح حصل ايه

سامح : حاول يتصل بالتلفون او يكلم حد بس انا اخدته منه ولما وصلنا واعلنه النتيجه كان نفسه الارض تنشق وتبلعه

انا : احسن يستاهل

سامح : هو حضرتك مأخر

انا : لا يلا نمشي بس بلاش حضرتك دي تاني انا اسمي باسل يلا

نزلنا كانت الساعه خمسه المغرب رجعت البيت قعدنا شويه وكل شويه تليفوني يرن من سليم وانا مردش خليت الحرس يمشو حتي الغفير مشي وقعدنا شويه واحنا قعدين الباب القزاز اللي يودي على الجنيه ات**ر وباب الفيلا الدخلي كمان ودخلت رجاله لابسه مسكات كتفونا كلنا انا وامي وسندي علي كان في الاوضه بتعته

شخص : ( اتكلم في اللاسلكي ) تمام يا فندم تقدر تدخل

دخل راجل كبير ولابس بدله شيك قعد على الكنبة قدامي وانا على الارض قدامه

شخص : بقي انتا بقي باسل

انا : انا باسل بيه

شخص : ههههه جايب الثقه دي منين

انا : دي حاجه مش هتفهمها

شخص : انا بقي فتحي الغول انتا دخلت سوق الحديد فاكر انه ملهوش كبير لازم تستأذن منه

انا : انا مش بخش سوق لا انا ب**ر الباب وادخل برجلي

فتحي : نفسي اعرف انتا جايب الثقه دي منين

انا : و لو انك مش هتفهم بس ممكن احكيلك لما امي ومراتي يدخله جوه

فتحي : ( شاور لواحد دخلهم اوضه تانيه ) احكي

انا : انا عامل زي العنكبوت باني بيت من خيوط

فتحي : بيت ضعيف

انا : العنكبوت يسيب عدوه يدخل بيته ويمشي وياكل ويشرب وينام لحد ما يت**كل في خيط وهو ده الخيط ( طلعت ايدي من الكلبش بس حركه كده تروح عند صباعك الكبير وتخلعه هي مؤلمه بس اول مره لما تتعود عليها تبقي سهله جدا ) كده اهو

كل رجالته وقعت وانا قومت عليه سحبت مسدسه من جنبه هو وحطيته على دماغه دخل سامح والرجاله بسلاح كاتم للصوت

انا : انتا عارف العنكبوت بيعمل ايه يديله شكه بس وهي الشكه تجيب اجله في ثانية بس انا هسيبك تمشي سامح تاخد الباشا وتحط في عربيته جثث رجالته ويمشي

سامح : حصل يا ريس

خدو فتحي وعمله اللي قولت عليه ونظفه المكان وطلعت امي وسندي من الاوضه

امي :: انا لا هزعق ولا هعمل حاجه بس لازم افهم

انا : مش لازم عايزكم تجهزه علشان هنمشي من هنا يلا بسرعه

سندي : انا مش قادره

انا : خلاص نامي هنا خلي الاشباح تطلع عليكي

امي :: خلاص انا هلم كل حاجه

طلعت امي وسندي صحو باسل وجهزه وانا فتحت الخزنه خدت منها الورق وطلعنا مع الحراسه رحنا قصر في حته زي بتاعة محمد بعيده وده بيكون هديه من ا****عه دخلنا جوه امي وسندي مبهورين من كل ده وخدت بعضي ورحت لسليم ركبت العربيه مع سامح بس بدون حراسه رحنا هناك

سليم : يا اهلا ب باسل باشا ال**دي اللي خلي الدب الروسي يركع من اول مواجهة

انا : ( افهمكم انا كنت عارف ان هو اكبر منافس ليا علشان كده مش هيسمح ان الحرب بنا تكون طويله وهو اساسا شغال في تجاره السلاح بين أفريقيا وروسيا وهما اللي ساندين ضهره فكان لازم انكشه في الاول علشان تحصل الموجهة دي خدت المناقصه رغم انها مش كبيره ولا مهمة قوي بس هو عايزها خدتها رفضت اخد القصر في الاول ورحت الفيلا دي علشان يكون مكان الموجهة وعملت من نفسي طعم دخلت باسل ابني اوضه بتاعته ودي كانت اوضه مصفحه وقعدت انا ) يا راجل بلاش الكلام ده

سليم : حقيقي انا مش هخسر الرهان

انا : ماشي يا سليم بس انا **بت اه بس مش هسيبه خالص انا ليا حق انه دخل بيتي

سليم : ودي تخلص ازاي

انا : قولي كده احنا في ايدنا 90٪ بس وهو في ايده 10٪ بس نسبته من جنوب اسيا و روسيا كويس

سليم : كويس

انا : لا مش كويس النسبه بتاعته صغيره ايوه بس الم**ب منها كبير جدا قد نسبتي بالضبط صح

سليم : صح

انا : انا بقي هاخد نسبته ليا وده حقي

سليم : ده لما تشوف حلمه ودنك انتا فاكر اني الحرب دي هتعرف ت**بها خالص انتا خسران من اولها

انا : انا دخلت حروب كتير و**بت

سليم : مش دي دي حرب خسرانه من فكرتها

انا : مش بخسر

سليم :طيب سبني افكر واشور ا****عه وارد عليك

انا : تمام عايز حاجه

سليم : استنا خد ( ادني قزازه شفافه كبيره ) دي اغلي قزازه شامبين في العالم

انا : شكلها غريب

سليم : اهي اللي في ايدك دي تمنها 10 مليون دولار

انا : نعم ليه

سليم : ايه انتا هتقر على ا****عه ولا ايه

انا : مش فكره بس غاليه قوي

سليم : دي هديه مني ليك

انا : مقبولة يا سليم سلام

سليم : سلام

مشيت من عند سليم روجعت القصر دخلت المكتب حطيت الورق في الخزنه وقعدت شويه افكر وامي دخلت عليا

امي :: ممكن اتكلم معاك لو فاضي

انا : مش بعاده الاحترام ده يا حاجه ادخلي

امي :: ( دخلت وقعدت ) بقولك ايه عايزه اكلمك في موضوع

انا : خير يا امي

امي :: حياه بنت خالك ندمانه على اللي عملته وعايزه تصالحك ها

انا : خلاص يا ناجية انا قطعت عرق وسيحت دم

امي :: ازاي

انا : انا سبت كل حاجه ليها هي وجوزها علشان اشتريهم بس

امي :: يعني اجبها

انا لا بلاش خلاص انا مسامح

امي :: ( بصت ورايا لقت قزازه الشابين محطوطه راحت مسكتها ) جبتها منين دي يا باسل

انا : دي هديه من واحد رجل اعمال انتي عارفه القزازه اللي في ايدك دي تمنها 10 مليون

امي :: ياه هما لسه فيهم الخصلة بس دي غليت عن زمان

انا : ايه ازاي

امي :: انتا فاكر الفلوس والعربيات والبيوت اللي سبها ابوك كانت من م**ب المصنع ( راحت ناحية الباب ولسه هتطلع ).

انا : طيب على كده مات ولا اتقتل

امي :: ( بصت في الأرض وبحسره ) مات يا باسل مات

طلعت امي وانا زادت حيرتي جدا وقضيت سنه كمله في حرب مع الغول اض*به اقتصادي وفي ناحيه تانيه بعدت الوكيل بتاعي بره مصر علشان يتفق مع الموردين بتوع الغول وبتحذرهم من الشغل وبيقنعم انهم يشتغله معايا انا في خلال السنه دي كنت هديت الغول ومرهقه اقتصاديا وصلحت علاقتي مع حياه وشويه بقينا زي زمان خليت نصحي يعمل ليا دراسه جدوي لو عزنا ناخد شغل الغول ورحت لسليم

سليم : خير يا باسل

انا : احنا بقالنا سنه كمله انا والغول بنخبط في بعض بس كل خبطه مني ب100 منه جيه وقت دبح الغول

سليم : ازاي

انا : انا بقالي مده باعت وكيل ليا بره مصر علشان يجذب استثمارات الناس اللي شغال معاها ليا وهو نجح في ده فاضل بس اسافر امضي ال*قود وارجع

سليم : طيب انتا جاي ليا ليه انتا مخلص كل حاجه

انا : لا لسه الناس دي علشان تشتغل معانا لازم نطور من المصنع شوية ( اديته ملف ) دي دراسه لفلوس التطوير وكمان سيولة عايزها علشان بداء الشغل

سليم : ( خد الملف فتحه وقفله تاني فتح درج ) امسك ده جواز سفر لازم تكون هناك في اقرب وقت

انا : اسافر بكره

سليم : ماشي واحنا هنبعت فريق لحمايتك هناك سامح هيكون معاك

انا : تمام يا سليم

مشيت من عنده ورجعت البيت سندي قاعده تحت مع باسل

انا :( مسكت ايدها ابوسها ) وحشتني

سندي : وحشتك ايه بس احنا كل يوم في حضن بعض

انا : برضه بتوحشيني ما تجيبي بوسه

باسل : ايه هو انا مش مالي عينك

سندي : لا يا سيد الرجاله

انا :( بكلم سندي في ودنها ) ما تيجي نطلع فوق

سندي : كان على عيني مره تانيه اصلي تعبانه قوي

انا : باسل خد امك واطلع فوق يلا

سندي : ههههههه معلش

انا : اطلعي جهزي شنطه هدومي علشان مسافر

سندي : رايح فين

انا : مش حته معينه انا مسافر اسبوع كل يوم في بلد

سندي : ليه كده

انا : رايح امضي تعاقدات رواجع

سندي : طيب خدنا معاك نتفسح

انا : تتفسحي فين هو انا مسافر بلد بعنها لا دي كذا بلد يلا بلاش دلع

سندي : بقي كده تصدق التعب ده جيه في وقتها

انا : يعني انا قعدلك فيها لا انا مسافر يلا

طلعنا ننام جهزت شنطي في الاول وبعد كده صحيت الصبح ونزلت لقيت سندي قاعده مع امي

انا : بنت حلال مصفي

امي :: من يومي يا حيلة امك

انا طيب ماشي انا عايزك تقعدي مع سندي اسبوع

امي :: اشمعنا

انا مسافر فتره كده وراجع

امي :: قاعد قد ايه

انا اسبوع

امي :: ماشي يا باسل تيجي بالسلامه

بعد شويه طلعنا المطار ركبنا طياره خاصه اتحركنا الاول على الصين وبعدها اليابان وإندونيسيا ومليزيا وبعدها روسيا مكنش في اي تعقيدات غير في روسيا قعدنا فيها يومين وعرفت اخد التعاقد وبعدها رحنا الهند خلصنا هناك واحنا راجعين في الطياره جالي سامح وهو متوتر

سامح : خد البس بسرعه

انا في ايه يا سامح

سامح : لقينا قنبله في الطياره فضلها نصف ساعه وتنفجر ( لبسني برشوت وفتح باب الطياره ) نط

انا : انط فين ازاي

سامح : ( ربط البرشوت اللي لبسه فيا ونط ) كده

نطينا كلنا وفتحنا البرشوتات اول ما وصلنا الارض اغمي عليا وصحيت بعدها بيوم في كوخ خشب شكله بدائي جدا نايم على سرير شخب حولت اقوم بس رجلي الشمال كل ما ادوس عليها توجعني طلعت بره لقيت سامح قاعد مع الحرس والطيارين

سامح : ( سندني ) ايه اللي قومك بس

انا : هو انا نايم من امته

سامح : يوم

انا : في اي وسيله تواصل مع سليم

سامح : التليفون. ده

انا : احنا نزلنا فين

سامح : في كشمير

انا : ( مسكت التليفون قمر صناعي واتصلت بسليم ) الو يا سليم

سليم : الو يا باسل انتا كويس

انا :كويس بس ايه اللي حصل

سليم : الروس لما مضوا التعاقد معاك كان بامر من الغول وبعد كده حطه القنبله دي في الطياره في الهند علشان متوصلش بس انتا كويس صح

انا : ايوه

سليم : طيب كمان ساعه هتيجي عربيه تبع السفاره بتاعتنا في الهند هيخدوكم توصله هنا بكره

انا : الاخبار جايبه ايه

سليم : احنا معطلين الاعلام

انا : طيب يا سليم عايز كل حاجه تعرفوها عن الغول واللي معاه .

سليم : اوصل انتا بس وكل حاجه جهزه سلام

انا : سلام

قفلت معاه وبعد ساعه جت عربيات تبع السفاره ركبنا فيها وطلعنا من مطار خاص في الهند علشان الرحله متتسجلش وصلت مصر ورحت على سليم عدل لقيت امي هناك في المكان بتاع سليم

امي :: يا حبيبي يابني تعاله اقعد تعاله

انا :( قعدت ) سليم عملت ايه

سليم : الورق اللي يثبت تواطئ الغول مع تجار السلاح الروس وكمان الورق اللي يثبت فساده وكمان الاغتيالات اللي عملها لرجال اعمال وتجار سلاح

انا : طيب انتا هتنفذ اللي بقولك عليه الملف الكبير ده يكون عند النائب العام شخصيا تمام و الصحافه وكمان قبلهم خبر اغتيالي انا

سليم : ( بقلق ) ناوي على ايه

انا : ناوي احرقه

سليم : باسل

انا :( مسكت الملف ) خلاص اوصله انا

سليم : لا خلاص انا هبعته

قومت وامي تسندني زقيت ايدها وهي استغربت مني جدا مشيت رحت مستشفي

امي :: سليم انتا هتعمل ايه

سليم : زي ما قال

امي :: سليم احنا مش اتفقنا انا وعيالي بره الحسبه

سليم : وانا وا****عه التزمنا صح لكن ابنك يوم طلوعه عمل فرقعه كبيره في البلد

امي :: كنت تقدر تغطيبه صح ولا لا

سليم : هو انا بعمل ايه انا دخلته ا****عه لينا علشان احميه انتي فاكره الناس اللي حبسها باسل دي يقف قدمها سجن لولا انه في حمايتنا كان مات من سنه او اكتر وبعدين ابنك صعب هو اللي وقف في طريق الغول

امي :: مش عارفه خايفه عليه

سليم : متخفيش باسل راجل ( مسك ايد امي ) بس انتي وحشتني يا ناجية

امي :: انتا اكتر يا حبيبي

سليم : ( مسك ايد امي وشدها دخلها اوضه )

المشهد الرئيسي

رحت مستشفي اكشف على رجلي عملت اشعه وتحليل

دكتور : عظيم عظيم

انا هو ايه يا دكتور اللي عظيم

دكتور : رجلك كويسه هي بس المشكله ممكن تكون عارض من صدمه او حاجه المشكله نفسيه بس الكبسول ده هيخليك مش حاسس بالم

مشيت من عند الدكتور ورحت كافيه اقعد فيه وقدامي تلفزيون بسمع الاخبار

مذيعه : اضطراب في البورصه المصريه بسبب القبض على رجل الاعمال المصري فتحي الغول لثبوت تواطئة في قضايا فساد واغتيال المنافسين له وتجاره في السلاح مع دول اجنبيه وسوف يمثل امام القضاء المصري بعد نهايه التحقيق معه وجائنا البيان التالي مصرع رجل الاعمال الشاب باسل جلال ال**دي بعد انفجار طائرته

طلعت تلفوني وكلمت نصحي

نصحي : الو مين

انا : انا باسل يا نصحي

نصحي : باسل ازاي انا لسه سامع الخبر

انا : لا ياعم الخبر ده إشاعه عايزك تشتري كل اسهم بتاعتنا في البورصه وكمان اسهم شركه الغول

نصحي : اسهم الغول ملهاش لزمه دلوقتي

انا : سمع كلامي بس

نصحي : ماشي كمان شويه ابلغ حضرتك باللي تم

انا تمام سلام

نصحي : سلام

قفلت مع نصحي وجالي سامح

سامح : انتا رايح في حته النهارده

انا : اشمعنا

سامح : اصل المدام سمعت الخبر راحت الشركه تتأكد هما طمأنوها بس عايزه تشوفني

اناطيب امشي انتا والرجاله

سامح : وانتا

انا : هاخد اوبر

سامح : بس

انت : مفيش بس اتحرك انتا يلا

مشي سامح وبعد شويه جت رساله على التلفون من سليم بيقولي تم وكمان نصحي قل تم كلمت رقم كان للغول

فتحي : ( بيتكلم من تليفون خليت حد تبعنا دخله ) مين

انا : انا يا سيدي العنكبوت اللي دخلت بيته وهو سابك وبعدها انتا فكرت تأذيه في شغله وهو دمرك

فتحي : باسل

انا : شاطر انا باسل

فتحي : انا هطلع وساعتها هقتلك

انا بص يا توحه يا حبيبي انتا مش اول واحد يقولي الكلام ده اخر حد خد اعدام وهقولك اللي قولته ليه انا عايزك تخرج وساعتها انا هكون مستني بس الروس مش هيسبوك عايش لحد دلوقتي علشان تتكلم سلام يا توحه باي

قفلت مع فتحي وانا حاسس بالرضا علشان خدت حقي منه قعدت اشرب قهوه وامي رنت عليا

امي : الحقني يا باسل

انا : في ايه يا ماما

امي :: سندي بعد ما سمعت الخبر اغمي عليها ودتها المستشفي

انا : طيب اقفلي انا جاي سلام

طلعت ركبت تا**ي ورحت على المستشفي بتاعتي دخلت والكل باصص ليا باستغراب رحت لامي

انا : ايه اللي حصل

امي :: مش عارفه الدكتوره طالعة اهي

انا : خير يادكتورة

دكتوره : باسل بيه

انا مش وقت اندهاش دلوقتي ايه اللي حصل

دكتوره : ال ضغط بتاعها نزل لما سمعت خبر وحش وكمان الحمل

انا حامل

دكتوره : ايوه ده جنين عمره شهر

انا : طيب يا دكتوره شكرا

دخلت لسندي الاوضه كانت بتعيط جامد اول ما شاف*ني بصت ليا بنظره عتاب

سندي : باسل

انا : ايه يا قلبي بقي حتت خبر كدب زي ده يعمل فيكي كده

سندي : بجد يا باسل كذب

انا : لا انا ميت طالع اسلم عليكي وراجع

سندي : ( ضحكت وسط دمعها ) انتا بتهزر

انا : طبعا بهزر وبعدين ايه الخبر الحلو اللي سمعته ده

سندي : ايه

انا : انتي حامل

سندي : هي الدكتوره قالتلك

انا : ايوه يا حبيبتي

واحنا قاعدين الباب خبط فتحت لقيت واحد ماسك بوكيه ورد بس مين يعرف اني هنا انا مكملتش رحت للشاب ده ومسكت الكارت مكتوب فيه ( الجري نص الجدعنه ) بصيت لسندي وامي وانا لوحدي مفيش حد معايا بطولي

انا : سندي قومي

سندي : في ايه

انا : هنمشي يلا

خدت امي وسندي وصلني فيديو على الموبيل مشيت على الوصف كان يقولي اقف اتحرك عدد خطوات معين مشيت على الوصف لحد الجراج كان في عربيه مستنيه ركبت وصلنا البيت

امي :: احنا مشينا ليه بالطريقه دي

انا : لو كنا قعدنا شويه كنتي هتلاقي جيش من الصحافه داخل كل واحد عنده مليون سؤال

امي :: ( بصت ليا نظره عدم تصديق ) يلا يا سندي اطلعي ريحي فوق يلا

دخلت المكتب وقعدت سليم كلمني

سليم : ايه رايك في ذوقي في الورد

انا : جميل بس مين اللي عملها

سليم : مش مهم ارتاح بس

انا : مين يا سليم

سليم : الغرفه التجاريه

انا : طيب انا مالي ومل الغرفه

سليم : انتا دلوقتي في نظرهم خلصت من الغول وض*بت سعر الحديد في الارض وبقيت تملك 100٪ من سوق الحديد وهما كانو عايزين الغول يخلص منك علشان يقسمه السوق بينهم اصل سوق الحديد ده ترابه دهب وهما فاهمين كده كويس

انا :( غمضت عيني ورجعت براسي لوره ) هما فين رجالتهم دلوقتي ؟

سليم : هما في فيلته بيحتفله اصل بعد ما نزلت وصلت ليهم خبر انك موت

انا : طيب سلام

سليم : هتعمل ايه

انا : الصراحه بفكر اتوسع وامسك سوق الاعمال كله

سليم : لالا اهدي كده وافهم

انا : خلاص مش همسك السوق بس هقتلهم وانتو هتوا ناس تاني مكانهم

قفلت مع سليم وكلمت محمد

محمد : اهلا بالمرحوم باسل

انا : انتا فين

محمد : في البيت

انا : طيب عايز ابعت ناس فوق

محمد : الغرفه

انا : ايوه

محمد : طيب انا هجهز والرجاله كمان وجايين

انا : سلام

قفلت مع محمد وكلمت سامح

سامح : الو يا باسل بيه انا جاي في الطريق

انا : شد شويه

طلعت من المكتب اطمنت على سندي وقعدت معاها شويه بهزر وبضحك بس دماغي فيها حرب شوارع شغاله نار بس محدش حاسس بيها وصلتني رساله من محمد انه وصل قومت رحت الاوضه ل باسل لقيته نايم مش حاسس بالدنيا كلها كأن الدنيا مش قيمه ولا في كوارث حصلت ولا هتحصل فعلاً احلي مرحله الطفولة بس لما بنكون اطفال بنتمني نكبر ولما نكبر نتمني نصغر تاني غريبه الدنيا تدينا الحاجه احنا مش عايزنها دلوقتي وبعد ما ناخدها ونرضي ونتأقلم عليها ترجع تخدها وتدينا اللي كنا عايزنه في الاول بس بنكون كرهينه وتلف الدورة تاني أصلها دنيا غريبه!!!!!

المشهد العام

باسل قبل القوه بس لازم يكون في نزاع اصل السلطه حلوه والكل عايزها ومش هيوصل ليها غير الذكي اصل البقاء مش اللي الأقوياء البقاء للأذكياء ولا عزاء للأغ*ياء

باسل قدر يهرب من الموت اكتر من مره بس شكلها كده دي نهايته ممكن وممكن لا

تفتكرو اي سر ناجية و سليم ؟