اعداء بالدم

الحلقةال 21 _وال 22 #الاختيار

#اعداء_بالدم

#الحلقة_ال21_وال22

#الاختيار

الاختيار الصعب هو دايما اللي الناس بتهرب منه وفي الاخر يتفرض عليهم بس لو اخترته انتا واعتنقته مش هيكون صعب

لا صعوبه الاختيار في فرضه مش في الاختيار نفسه احنا بنهرب ونقاوم بس كده كده هيحصل فبلاش فرهده من الاول واعمل الصعب هتلاقيه سهل علشان مفيش حاجه بتحصل لينا بره قدراتنا بالع** الاختيارات دي تقوي اكتر ما تضعف

بدايه الحلقة

اطمنت على باسل ونزلت تحت كانت الرجاله جاهزه وسليم بعت رجاله تاني عباره عن فريق اسمه فريق مسح ده يدخل محدش يطلع حي

سامح :احنا جاهزين

انا : محمد اركب معايا سامح فهم الرجاله مش عايز طلقه واحده

سامح : ازاي ده فريق مسح يعني شغلته يض*ب نار

انا : ثبتو الحراسه بس

سامح : ( بعدم اقتناع ) ماشي

ركبت انا ومحمد في عربيه واحده واتحركنا على فيلا في حته بعيده الصراحه فريق المسح ده اسم علي مسما دخله خلصه من الحراسة كتفوهم كلهم ودخلت الفيلا كانت حفله عاديه واقف وسط الناس وض*بت كام طلقه في الهوي

سامح : ( بص لقي واحد ماسك مسدس ض*به طلقتين ) تمام

انا : ليه كده اهو واحد مات سامح لم كل الناس هنا قدامي

جبهم كلهم قدامي وانا قعدت على كرسي في هدوء

انا : بقي انتو عايزن تقتلوني انا هههههه انا مت كتير قوي انا اللي خصلت من سما ابراهيم وفتحي الغول انا خلصت من الكل ومحدش قدر يلمس شعره مني انا باسل ال**دي وجي اخد حقي

قامت واحده من وسط الناس الصراحه ست جريئة جدا اسمها مني الديب بنت عمران الديب ده اللي قالو عليه مجوع مصر شغله في الأغذية وكانت علاقته بالحكومه في 2005 كبيره جدا

مني : انتا متعرفش تعمل حاجه احنا الغرفه عارف يعني ايه الغرفة لو متنا البلد كلها هتقلب عليك

انا : ( ابتسمت للجراة بتاعتها عجبتني ) انا من يوم وجودي وانا بعمل قلق في البلد كلها وده مش عيب ( طلعت مسدس وعمرته وكل الرجاله شدت الأجزاء )

الكل متوتر وبيزعق وخيفين

انا : ( حولت تعبير وشي خالص ) تصدقي عندك حق ممكن صح انا اقتنعت علشان كده عايز اعرف فين رئيس الغرفه فين هو فين ايه الراجل اللي عزمكم في بيته فين

اتقدم واحد اسمه سامي الصياد

انا : قرب يا حبيبي اسمك ايه

سامي :: ( اتكلم وهو متوتر والكلام مش واضح ) سامي

انا : لا يا سمسم على صوتك خالي الناس تسمعك

سامي :: ( هدي شويه ) سامي الصياد

انا : شاطر اسمع يا سامي يا حبيبي بكره تعمل اجتماع للغرفه تتنازل عن ادارتها ليا انا بعد قرعه طبعا

سامي :: حاضر حاضر

انا : ( طبطبت عليه ) شاطر ( شورت لواحد جبلي قزازه شامبين من بتاعة سليم علشان اوريهم اني تبع ا****عه دي فتحتها وحطيت في كبايات للكل وخليت واحد يوزعها ) شاطر يا سامي لازم يكون في دم جديد في الغرفه لازم يكون في فرصه للشباب زي مني الديب كده شابه شطره ( كنت باصص لها )

مني : ( بثقه الوحيده اللي مخافتش مني ) علشان كده منزلتش عينك من على شطارتي

انا : ( ابتسمت باعجاب وتحدي ) في صحه الدم الجديد

لميت الرجاله ومشيت في العربيه مع محمد

محمد : كان لازمته ايه ده كله

انا : دي نمره ولازم تتعمل

محمد : مش فاهم

انا : مش لازم تفهم كل حاجه يا محمد

محمد : ماشي يا صحبي

وصلت البيت وطلعت الاوضه بتاعتي علشان انام

في مشهد اخر

سليم راح لرئيس ا****عه شخص غير معروف في مكان غير معروف

شخص : خير يا سليم

سليم : باسل

شخص : ماله

سليم :انا مش فهمه ازاي طلب الرجاله علشان يخلص من الغرفه يسبهم عايشين

شخص : ( ابتسم لسليم ) ويقتلهم ليه لما ممكن يلعب بيهم

سليم : ازاي ، باسل انا وانتا عارفين اني وجوده مع القوه والسلطه هيهد الدنيا علشان يبنيها على مزاجه ليه معملش كده

شخص : علشان ذكي هو عارف لما يموت اعضاء الغرفه وشويه رجال اعمال على سياسه في وقت واحد ده هيخلي الحكومه تقلب عليه مره واحده لكن لما الاسد يكون نايم وتسرق اكله واحده واحده مش هيحس لكن لو صحي الأسد لقي اكله كله اختفي هيقوم يقتل الغابه كلها علشان يلاقي اكله فهم

سليم : ( تلفونه الخاص رن وكنسل )

شخص : مين

سليم : كل الرجاله بتاعتنا عمالين يرنه عليا اصل على ساب دليل وره يربطه بينا

شخص : ( استغرب ) دليل ايه

سليم : قزازه شامبين

شخص : ( ضحك جامد ) ههههههههههه عايز يختبرنا ابن ال**دي هههههههه يابن الكلاب دماغه سم ههههههه

سليم: انا مش فاهم

شخص : افهمك هو ساب الدليل ده وره علشان يقول ليهم انه تبعنا كده امر موتهم او الاقصاء ليهم جاي من عندنا علشان محدش يجري وره

سليم :طيب هو بيعمل كده ليه هو ميعرفش احنا لو بعدنا عنه هيفرموه

شخص : لا هو عارف ان لو بعدنا عنه هيقدر يقف قصدهم باسل واد ذكي هو معانا اه بس في ناس تاني معاه انتا متعرفش كان عامل ايه في فرنسا الانتربول والمباحث هناك كلها كانت بدور عليه عارف كان ساكن فين

سليم : فين

شخص : في بيت جنب بيت رئيس الوزراء وبعده بشارعين كان مبني الانتربول وبعده بشارع وزاره الدخليه كان لما الحكومه تشد عليه ويعمله ليه فخ يطلع منه ويجري على مبني المحافظه هناك يقابل واحد جاره ، كان يستخبي في القسم فهمت ابن ال**دي بيفكر ازاي هو قال ليهم انه تبعنا كلهم دلوقتي تلفونات ا****عه كلها بترن عايزن يعرفه ايه اللي بيحصل فهمت تمويه

سليم : ( بغباء ) يابن الكلب

شخص : هههههه خلاص بقي طمني مشروع هيليوس ماشي ازاي

سليم : كويس جدا

مشي سليم من عند الراجل ده وراح المكان بتاعه لقي مني الديب هناك

سليم : خير يا مني هانم

مني : ايه اللي حصل ده يا سليم

سليم : انتي مش عايشه يبقي خلاص

مني : انتو ازاي سايبين الطور الهايج ده كده

سليم : باسل محدش يقدر يقف قدامه

مني : ليه يعني اغلي من اللي راحه ولا اقوي منهم

سليم: لا بس باسل اذكي من اللي راحه علشان كده بيعرف يلعب صح

مني : طيب والعمل ايه دلوقتي محدش هيقفله يعني لو خايفين منه خلاص ادخل انا

سليم : ( بص لمني شويه ولع سيجاره ) بقولك ايه ابعدي عن سكه باسل ال**دي علي معندوش حاجه يخاف عليها ولا منها بلاش سكته علشان كحلي وانتي مهمه لينا ايوه بس مش زيه وهو محدش يقدر يقف قدامه ده القطر اللي يدوس اي حد يقف قدامه ده البعبع اللي بيخوفه به العيال الصغيره

مني : واحنا مش عيال يا سليم

سليم : بالنسبه ل باسل عيال ولسه في اللفة انتي مشوفتيش اللي عمله مع الغول ولا سما وهو بطولة لوحده جبها الارض هي وإللي معاها ، باسل هو الوحيد اللي قدر يمسك ملف الحديد في عز ما كان الغول بيقول يا ارض ان*دي ما عليكي قدي بلاش ت**بي عداوته ا**بي صداقته بس

مني : ده عايز ياخد رئاسة الغرفه التجاريه

سليم : ازاي يعني وسامي الصياد

مني : سامي مين ده مع اول طلقه خلع انتا عارف سامي جبان

سليم : طيب انا هتصرف بس يفتح تليفوناته بس

المشهد الرئيسي

صحيت من النوم وسندي جنبي

سندي : صباح الخير يا حبيبي

انا : صباح الجمال يا قمر يلا نقوم

سندي : لا شويه

انا : يلا بس بلاش دلع بقي

سندي : ( بتعبير طفوليه ) لا انا حامل وتعبانه

انا : طيب هتفضلي نايمه كده كتير قومي

سندي : قولي صحيح انتا نفسك في ولد ولا بنت

انا : قال يعني لو قولت نفسي في ايه وطلع غير هتغيريه

سندي : ههههههه لا بس عايزه اعرف

انا : مش مهم يا سندي بنت ولد انشاله سبعه الكومي اي حاجه منك حلوه يا قمر يلا بقي

قومت انا وسندي ونزلنا تحت كانت امي صاحيه

امي :: صباح النور والسرور يا قمر

انا : ( باسلوب جاف ) صباح الخير ( سبتهم ورحت المطبخ )

امي :: ماله ده

سندي : مش عارفه كان كويس الصبح

امي :: طيب رد عليا كده ليه الحيوان ده

سندي : برضه مش فاهمه كان كويس وعادي

طلعت من المطبخ في ايد قهوه ورحت الجنينه مسك الكمان بتاعي امي جايه تتكلم معايا بدات عزف نوته لفرانك سناتراه من مسرحه ش**بير اسمها الخائنه امي اول ما سمعتها وشها قلب وسابتني خلصت عزف وجالي تليفون من واحد قالي على معاد اجتماع في الغرفه تبع سامي الصياد طلعت لبست ورحت متأخر نصف ساعه رخامه الكل قاعد مستني خايفين يبدائه جالي واحد قالي تشرب ايه طلبت قهوه

سامي :: انا النهارده طلبت اجمعكم علشان نرحب برجل الاعمال المحترم باسل بيه ال**دي وفي موضوع تاني انا قررت اتنازل عن رئاسه الغرفه ( بدأه يعمله قرعه وكلها فيها اسمي ) الف مب**ك يا باسل بيه

انا : ( لسه هتكلم لقيت اللي بينزل القهوه ليا هو سليم نفسه ابتسمت ليه وبقول في سري يابن الكلب ) الصراحه ده شيء يشرفني بس انا مش قابل المنصب ده انا عندي مشاغل كتير جدا ومش هكون فاضي علشان كده انا بتنازل عنها لمني هانم الديب شغلها في الأغذية تحفه الفتره الاخيره قدرت تعمل شغل كبير

مني : ( باندهاش ) بس

انا : انا كلامي خلص سلام

طلعت وسبتهم رحت الشركه وهناك لقيت داليا بقولي في ناس بره عايزه تقابلني بدون معاد كان محمود ومصطفي

انا : يا مرحب يا مرحب بالحج مصطفي ومحمود نورته القاهره

مصطفي : ( خدني بالحضن ) واحشني يا باسل

انا : وانتا اكتر يا اخويا ( خدت محمود بالحضن ) ابو منتصر وحشني يا رجاله

محمود : وانتا اكتر

انا : فين الشباب وفين جيهان وحياه

مصطفي : في البلد احنا كنا جايين في شغل

انا : شغل ايه ده

مصطفي : الصراحه المصنع فيه مشاكل تقنية كتير قابلنا مهندس عمل لينا البحر طحينه بس ومعملش حاجه

انا : طيب لما انتو عايزين مهندس تقني مش تكلموني

محمود : احنا قلنا نتصرف انتا اكيد مش فاضي

انا : ( رفعت سماعه التليفون الدخلي ) داليا ابعتيلي مدام امل من فضلك ( قفلت ) بصو انتو تتغده معايا النهارده وبكره تبعته تجيبو الباقي نقضي اسبوع مع بعض

محمود : مش هينفع يا باسل الشغل واقف قوي والدنيا كلها واقفه

انا : ( الباب خبط ) ادخل ( دخلت امل ) مدام امل

امل : طلبتني يا باسل ( انا معودهم مفيش ألقاب )

انا : ايوه بصي محمود ومصطفي اخواتي الكبار عندهم مصنع في الصعيد وفيه مشاكل تقنيه عايزك تحليها

امل : طيب معاهم مواصفات الاجهزه

مصطفي : طبعا ( ادها ملف )

امل : ( مسكت الملف وقلبت فيه شويه واستغربت ) ازاي المصنع كان شغال بالمكن طول العمر ده

محمود : هو شغال كده من سبع سنين المكن ده خدناه من مصنع كان بيصفي

انا : طيب يا امل الحل ايه

امل : ( خدت ورقه وقلم ) ده عنوان شركه كبيره هتبعته الورق ليها وهما يشوفه مواصفات المكن اللي هتحتاجه وها يوفره ليكم

انا : ( بصيت في الورقه ) شكرا يا مدام امل اتفضلي انتي

امل : العفو يا باسل احنا في الخدمه

طلعت امل وانا مسكت تلفوني واتصلت على سامي الصياد هو صاحب الشركه الصياد اللي كتبته امل في الورقه ورد مع اول رانه

سامي :: باسل بيه خير يا فندم

انا : خير يا سامي انا هبعت ليك ناس الشركه هما اخواتي عايزين مكن مستورد

سامي :: يشرفه طبعا يا فندم بس سوأل بس هما اخوات حضرتك ولا زي اخوات حضرتك

انا : لا اخواتي اخواتي يجو بكره

سامي :: ليه بكره يا فندم انا هتحرك على الشركه دلوقتي تحب اجي لحضرتك

انا : لا هما جين ليك دلوقتي

سامي :: يشرفه طبعا يشرفه

انا : ماشي يا سامي سلام

قفلت معاه

انا : ها يا رجاله تروحه دلوقتي ولا بكره زي ما تحبه

محمود : لا بكره ايه احنا عايزين المكن ده امبارح

انا : طيب ده العنوان روحه هناك والدنيا خلصانه

مصطفي : ماشي بس مش هنعرف نرجع عندك للغداء

انا : مصطفي محمود الموضوع مفهوش نقاش

بعد شويه نقار وافقو ومشيه بعد شويه

انا : خير يا داليا

داليا : ( بصه في كارت ) في مدام مني الديب عايزه تقابل حضرتك

انا : ( بصيت في الكارت وبعدها في الساعه ) عندنا مواعيد تاني النهارده

داليا : لا يا باسل

انا : طيب دخليها بس بعد نصف ساعه ماشي

داليا : طيب

طلعت داليا وبعد نصف ساعه دخلت مني وهي وشها احمر من الغضب عمر حد ركنها عشر دقايق مش نصف ساعه

انا : اهلا يا مني هانم خير

مني : ( بغضب ) بقي انتا تركني بره نصف ساعه

انا : ( ببرود ) انتي جيه من غير معاد

مني : يعني انا غلطانه

انا : ايوه خير

مني : انا جايه اعرف انتا عملت كده ليه سبتها ليا ليه

انا : (قومت من الكرسي ورحت على الكنبة قدامها ترابيزه صغيره عليها علبه مقفولة فيها عدة قهوه ) اتفضلي يا مني هانم

مني : ( جت قعدت جنبي ) بلاش هانم

انا : ماشي ( عملت فنجانين ) اتفضلي

مني : ( طلعت سيجاره وفضلت مسكها على اساس اني اولع ليها )

انا : ( طلعت ولاعة وادتهالها )

مني : ( بصت ليا وهي رافعه حاجبها ولعت السيجاره ) شكرا اتفضل

انا : لا خليها

مني : ليه انا معايا ولاعه

انا : انا عارف دي هديه مني زي المنصب بتاعك هديه برضه

مني : هديه ليه

انا : علشان عحبتيني ( رفعت حاجبها باستغراب ) عجبتني الجرأه بتاعتك وقفتي قدامي في الوقت انا كنت فيه قوي والكل تحت رجلي ضعيف انا بحب الستات القويه

مني : ( ابتسمت علشان رضيت الغرور بتاعها ) طيب لما عجبتك قوتي تسبني مستنيه بره مخفتش امشي

انا : ايوه انا شيفك قويه بس تحت القوه في ست رقيقه وضعيفه بس جميله

مني : ( بصت ليا شويه وهي مش فهماني خالص ) طيب انا جايه اعزمك عندي على العشاء

انا : بمناسبه ايه

مني : تعارف

انا : ( بصيت قدامي ) طيب

مني : هستانك النهارده في العنوان

انا : انا عارف العنوان

مني: ( بصت ليا باعجاب ) ماشي يا باسل بيه سلام

انا سلام

في مشهد اخر

مصطفي ومحمود وصله الشركه ل سامي اول ما دخله كان في حارس امن مستنيهم وصلهم للمكتب بتاعه وكان عمله في دور كامل وبره السكرتيره وناس كتير قاعده والطرق كله جاردات ماسكه سلاح

سكرتيره: ايوه يا فندم في معاد

محمود : لا بس سامي بيه منتظرنا

سكرتيره : طيب ممكن الكارت الخاص

مصطفي : ( طلع الكارت بتاعه وادهلها ) اتفضلي

سكرتيره : ( خدت الكارت ودخلت المكتب ل سامي وطلعت وهو ورها )

سامي : يا اهلا يا اهلا بناس الصعيد الجدعان انا سامي الصياد

مصطفي : اهلا يا سامي بيه انا مصطفي ال**دي وده اخويا محمود ال**دي

سامي : اهلا يا اهلا اتفضلو في المكتب جوه بلاش اي مكالمات او مواعيد اوكي

سكرتيره : اوكي

دخله جوه وقام واحد من اللي قاعدين

شخص : لو سمحتي هما مين دول

سكرتيره : مش عارفه يا فندم بس الكارت بتاعه اهو

شخص : ( مسك الكارت وبص فيه وقري الاسم ) مين مصطفي ال**دي ده انا عمري ما سمعت عن راجل اعمال بالاسم ده

سكرتيره : مش عارفه بس لما قولت ل سامي بيه قال دول اكيد اخوات باسل ال**دي وقام بسرعه

شخص : اه تمام اخوات باسل ال**دي طبعا لو مش هيقوم ليهم يقوم لمين

سكرتيره : حضرتك بتقول حاجه

شخص : لالا مفيش

رجع تاني مكانه وقعد بعد ما محمود دخل مع سامي

اسامه : يا اهلا ممكن سال معلش

مصطفى : اتفضل

سامي : هو حضرتكم تقربه لعا** ال**دي وزير الداخليه

مصطفي : ايوه عمنا

سامي : تمام في الاول ننزل نتغده مع بعض ولو بتحبه الخصوصيه انا اعرف مطعم هيل هنروح نقعد لوحدنا

محمود : لا يا سامي بيه اعفينا احنا مش هينفع

سامي : ليه بس احنا لازم نعمل الواجب

مصطفي : مره تانيه لسه باسل منتظرنا على الغده معاه اكيد هيزعل او مرحناش

اسامه : لالا كله إلا زعل باسل بيه ده زعله وحش قوي وانا مش قده

قعدوه اتكلمو في الشغل وخلص معاهم اسامه باقل الاسعار وطلعه من عنده على القصر عندي كانت اول مره يدخلوه

محمود : ايه يا عم مافيا وكده وول اعضاء

انا : لا انتا تعرف عن اخوك كده

محمود : الصراحه لا

قعدنا اتغدينا كلنا وبعد كده محمود ومصطفي سفره كانو عايزين امي تمشي معاهم بس امي قالت تقعد روحت الجنينه اشرب قهوه وصلتني رساله من سامح ( تم ) خلصت فنجاني وقومت قعدت مع سندي نهزر وادلع فيها شويه و باسل غيران مني وبعد كده قومت غيرت هدومي لبست كچول ونزلت

سندي : انتا رايح فين

انا : معزوم على العشاء بره

سندي: بس ايه الشياكه دي كلها

انا : طول عمري يا عمري

** معروفة يعني الراجل المصري طالما لابس شيك يبقي هيقابل واحدة تانية مش عارف سندي دي شكلها مش ست مصرية اصيلة **

سبتهم حتي مكلمتش امي وهي قاعده وهي مستغربه من اسلوبي معاها طلعت بره

سامح : حضرتك هتطلع

انا : ايوه

سامح : ( طلع اللاسلكي ) اجهز هنتحرك

انا : لا من غير حراسه

سامح : ازاي يا فندم

انا : هو انا متحدد اقامتي ولا حاجه

سامح : العفو يا فندم مين قال كده

انا : انتا اهو اسمع انتو ممكن تيجو معايا ساعتها هزوغ منكم وانتا عارف اني اقدر ازوغ منكم في ثانيه يبقي ليه الفرهده والتعب من الاول خيلكم وانا طالع لوحدي

سامح : ماشي يا باشا

انا : بلاش باشا دي تاني انتا زي اخويا عيب

ركبت العربيه رحت البيت عند مني الديب اول ما وصلت كانت في استقبالي

مني : اهلا يا باسل بيه منورني

انا : بلاش بيه دي يا مني

مني : طيب يا سيدي انا النهارده عزماك ومعاك ناس تانيه عايزه تتعرف عليك جدا

انا : مين الناس دي

مني : خش واعرف

دخلت مع مني وكان في ثلاث اشخاص قاعدين شكلهم مش مصري

مني : احب اعرفك مستر جاك مندوب السفاره الامريكيا في مصر ومعاه الحارس الشخصي والمساعد بتاعه مستر جاك اعرفك ب باسل ال**دي

جاك : ( بيتكلم عربي احسن مني شخصيا ) اهلا يا باسل بيه

انا : اهلا يا جاك بلاش مستر وبيه دي انا مش بحب التكليف

جاك : ( بص لمني ) كان عندك حق هو شخص ودود

انا : على حسب

جاك : ( بص ليا باستغراب ) اوكي يا باسل

مني : اتفضله واقفين ليه ( قعدنا ) انا لما عرفت ان مستر جاك طالب شريك ليه قولت مفيش احسن من باسل علشان كده كلمته بسرعه يجي النهارده يقابلك

انا : طيب كلام جميل ايه نوع الشراكة دي

جاك : مصنع اسمده في مصر هنا

انا : ( هزيت راسي ) طيب واسمه ايه او اسم الشركه اللي انتا بتمثلها ايه

جاك : انا بمثل الحكومه والمصنع اسمه ام ار دي

انا : ( بصيت ليه ) طيب النسب وضعها ايه

جاك : انتا هتمتلك نسبه 40٪ مقابل 500 مليون

انا :. يعني انا هدفع نص مليار في نسبه زي دي

جاك : لو الموضوع مش على مزاجك ممكن ناخد من مصنعك 10٪ وانتا تاخد من المصنع نفس النسبه

انا : ( بصيت ليه شويه ) طيب انا هشوف القصه دي وارد عليك

جاك : اتمني ترد عليا بسرعه واتمني يكون الرد بالموافقه سلام

مشي جاك واللي معاه رجعت مني

مني : ايه رايك

انا : ف اي

مني : في كلام جاك انتا جبت ليا هديه وانا برد ليك الهديه ايه رايك

انا : ده كلام اهبل انتي عارف انا مينفعش اسيب شغلي لحد

مني : هما بس النسبه دي وممكن يا سيدي تطلعها في المصنع الجديد بتاعك اللي في بني سويف

انا : اه قولي كده

مني : اقول ايه

انا : قولي اني في منافس جديد طالع ليا وحابب انه يعلم عليا بعد ما امضي معاهم يطلعه النسبه دي المصنع ده وبعدها يخده الشريك الاجنبي علشان محدش هيتكلم مع الامريكان والبس انا مصنع الاسمده بتاع حماد رشوان اللي عليه قضايا فساد زراعي تخليه ياخد اعدام صح

مني : ( بصه ليا وهي مستغربه ) ازاي انا مش فاهمه

انا : بصي يا ستي انا محتكر السوق ومفيش منافس ليا من فتره صح الفتره دي انا قدرت اخلي الحديد التصنيع المصري اكتر طلب على مستوي العالم هما شايفين انها تورته حلوه عايزين يقاسموني فيها بس ازاي وباسل ممكن يهرش الحوار ونابه ازرق ممكن يقلب على الكل فكره انهم يعمله حوار المصنع ده علشان البسه

مني : ( بتشوق ) ازاي تلبسه ازاي

انا : انا اقولك حماده رشوان كان يصحه من النوم ياخد تعليمات من السفير الامريكي يعني الراجل بتاعهم علشان يخلصه من الزن بتاعه حاولو يقتلوه في السجن بس هو عرف يفلت منها بعد ما اشتري النسبه دي بتاريخ قديم يطلع قدام القضاء شريك ليه يشيل معاه الليلة ويتقسم الحكم علينا احنا الاتنين وهو ياخد حكم مخفف ولو خدنا احنا الاتنين اعدام يبقي خلصه منا احنا الاتنين ويجي الراجل اللي هياكل التورته ياخد المصنع علشان ده الوحيد اللي باسمي فهمتي

مني : ( فتحه بقها من الاندهاش ) هو انتا عرفت كل ده من المقا**ه دي بس

انا : لا طبعا انا مراقب حركه السوق كويس

مني : صدق اللي سماك البعبع

انا : بعبع هههههه ايه الاسم ده

مني : ده اسم الناس مطلعه عليك علشان بتخوف

قمنا اتعشيت انا ومني و على الاكل كلمها جاك وقلت ليه اني رافض العرض عرض عليها تدخل هيا بس برضه رفضت بعد الاكل قعدنا شويه

انا : قوليلي يا مني انتي متجوزه

مني : ( قامت جابت قزازه نبيت ورجعت ) كنت متجوزه

انا : اطلقتي ولا مات

مني : لا اتطلقنا كان حرامي بي**قني

انا : ي**قك ليه

مني : اهو بقي طمع هو كان موظف عندي في الشركه وانا لما بابا مات مسكتها وانا صغيره اتعرفت عليه واتجوزنا بعدها عرفت انه كان حرامي سرقني اطلقت منه

انا : خلفتي بقي

مني : ايوه بنت بس عايشه مع ابوها

اتعرفت جدا على مني مش عارف انا اتشديت ليها ليه بس مش عارف وهي كمان كانت قاعده جنبي بعد ما خلعت الجزمه الكعب قعدنا اتكلمنا كتير جدا مش فاهم بصيت في عنيها لقيت بنت بضفائر بس لازم الضفائر دي تكون في ايدها علشان الدنيا غابه

مني : قولي صحيح ايه الورد اللي انتا بعته ده

انا : ايه عجبك

مني : ايوه انا بحب اللون الابيض اساسا

انا : طيب

مني : ( بصه في عني ) انتا عينك لونها بني

انا : ايوه

مني : لونها جميل

انا : انتي عينك خضره لون السلام انا بحب اللون ده جدا

قعدنا نشرب مش عارف شربنا كام كاس ولا كام قزازه نبيت بس كتير لدرجه اني محدش قادر يقف ولا يتكلم مفيش تفكير سلام بصيت لمني وهي بصه ليا مش فهمين احنا بنعمل ايه مع بعض هي كان في دماغها تكون وسيط ت**ب منه صداقه وفلوس وانا جاي علشان علشان مش عارف انا قبلت ليه يمكن عايز اتعرف عليها اكتر كان ممكن نروح اي مطعم وخلاص لكن انا هنا ليه ، منكرش ان هي عجبتني جدا كا جمال ورقه وقوه كمان

مني : ( بصه في عيني وقربت مني وقبلنا بعض )

( بعتذر عن الوصف لكن دول اول مرة اكتب مشاهد زي كدة اتمني يكون في تفهم من القارئ ) فضلت انا وهي على الكننبه في البيت عندها وهي قاعده في حضني

مني : باسل

انا : ايوه

مني : انا مش قادره افسر اللي حصل ده

انا : صدقيني ولا انا

مني : طيب لو حابب ممكن تنسي اللي حصل هنا ( قامت وعطياني ضهرها )

انا : ( حسيت انها مجروحه بس من ايه ) ليه اللي حصل هنا كان جميل وعايز افضل فكره دايما

مني : يعني مش ندمان

انا : انا مش بندم على حاجه ده كان اخيارنا احنا الاتنين وحبه جدا

مني : بجد يعني انا لسه حلوه بجد

انا : ( استغربت من كلامها ) طبعا حلوه انتي عندك 32 سنه يعني لسه في عز شبابك

مني : بس كل الناس بتخاف مني

انا : ( تخيل عزيزي القارئ كان معاك ست زي دي معروفه بالمرأه الحديديه مفيش راجل قدر يسيطر عليها تقول كده ) بصي يا مني انا وانتي في حياه صعبه كلها شغل صعب بنتعامل مع ناس رجال اعمال ايوه بس خطر علشان مينفعش نكون ضعاف لازم يكون في شخصيه تانيه ليهم وش تاني زيك كده

مني : ( بنظره هاديه ) بجد

انا : بجد

قمت لبست ومشيت من عند مني رجعت البيت وانا فرحان كان الوقت متأخر كانت امي قاعده سهرانه تحت بصيت عليها ودخلت المطبخ اعمل قهوه افوق شويه

امي :: بتعمل ايه

انا : ( رد جاف ) بعمل قهوه

امي :: طيب سبني انا اعملها ليك

انا : لا بحب اعمل حاجاتي بنفسي

امي :: مالك كده ياض قالب عليا ليه

انا : ماما انا بحاول اتفاده النقاش ده علشان صورتك اللي في عقلي تفضل زي ما هيا

امي :: ليه بقي يا اخويا

انا : انا رجعت من السفر لقيتك عند سليم في مكانه ولما قررت تمشي معايا وانا منعتك محولتيش تمشي لا قعدتي لية بقي بينك وبينه ايه

امي :: ( بصه ليا بق*ف وض*بتني قلم على وشي ) اخرس يا حيوان انتا عارف سليم ده يبقي مين

مشهد من المستقبل

باسل قاعد على كرسي في وسط الصاله وقدامه شاشه فيها فيه واحد من اعدائي في فيديو كول

عدو : تخيل بقي دوسه زرار واحد بيتك هينفجر وتموت وتنتهي اسطوره باسل ال**دي خالص تخيل

انا: مستني ايه دوس

عدو : ( داس على الزرار )

المشهد العام

باسل وقف قدام الكل وده الاختيار اللي كان قدامه وخان سندي حب عمره يا تره سندي هتعرف ، اصل مهما كنت ذكي وتعرف تخبي الكذب كويس احب اقولك مستحيل ، مفيش كذبة مش بتتعرف لا كل حاجه بتتعرف بس في وقتها الصحيح باسل قبل لقب البعبع علشان يمثل الشر اللي جوه اصل مهما كنت قوي لازم تفصل عامل شخصيه البعبع دي زي القميص اللي بيلبسه لما يكون نازل علشان يعرف يفرق بين الصح والغلط لما يكون شرير ولما يكون قوي اصل لو معملش كده الوش التاني بتاعه هيغطي على النور اللي جوه و باسل مش عايز يخسر نفسه في الجزء القادم هنعرف سليم يبقي مين ل باسل وامه

#يتبع