اعداء بالدم

الحلقة ال 17 وال 18

#اعداء_بالدم

#الحلقة_ال17_وال_18

في قديم الزمان نقاش بين الحياه والموت

الموت : لماذا الناس يفرون مني اليكي انتي

الحياه : لاني كذبه حلوة وانت حقيقه مره

اسطورة يونانية قديمه توضح نقاش الموت مع الحياه

بدايه الحلقة

واقف وحواليا الرجاله ، جاي صوت من وره

صوت : لسه زي مانتا الجلالة وخداك

انا :: ( رفعت المسدس وض*بت طلقتين في الهوا ولفيت وشي كان محمد صاحبي ) محمد ابن نهي

محمد : باسل ابن ناجية خش في حضني يابن خالتي

محمد كان واحشني جدا غير بقي اللي حكته سندي انه اهتم بيها وب ابني خدني بالحضن

انا :: وحشني يابن خالتي

محمد : انتا اكتر يابن ال**دي

انا :: ايه يابني كل ده انتا اشتغلت مع المافيا ولا ايه

محمد : ههههههه مافيا ايه بس ، اشتري دماغك من كل ده انتا وحشني جدا انتا رايح فين كده

انا: نازل المنيا اجيب شويه حلجات كده انتا مروح

محمد : ايوه

انا :: طيب تعاله معايا اركب

محمد : محروس روح انتا والرجاله ماشي

محروس : ماشي يا باشا

ركبت انا ومحمد العربيه

محمد : بسولة حبيبي وحشني يا بطل

باسل : وانتا كمان يا عمو محمد

محمد : انا جبت ليك كل حاجه انتا طلبتها من بره

باسل : ( بفرحه طفولة ) بجد فين

محمد : مع الحراسه هيبعتوها على البيت عندك مرضي يا عم

باسل : ماشي هسامحك

انا :: هتسامحه على ايه

باسل : عمو محمد مكلمنيش طول الاسبوع

محمد : معلش يا باسل والله كنت مشغول جدا

وصلنا المنيا ورحنا مول في المنيا الجديده باسل بيلعب وانا قاعد مع محمد في كافيه

محمد : بس انا عاتب عليك يا باسل

انا :: ليه يا صاحبي

محمد :لما انتا طلعت مش تيجي لعندي وانا اسفرك بره

انا :: معلش يا صاحبي بس كان لازم اسافر ومحدش عارف انا فين ولا بعمل ايه

محمد : وبعدين اللي انتا عملته مع سما ده قالب الدنيا كلها البلد مشدوده ورجال اعمال كتير اسمها جيه في القصه دي غير اللي ملهوش دعوه خد اجرأت ااحتازايه عمله ربكه في البنك المركزي

انا :: انا مالي انا عملت كل ده علشان ارجع لا كان قصدي اعمل مشكله ولا غيره

محمد : بس كويس انك رجعت انتا كنت واحشني جدا

انا :: وانتا اكتر يا صاحبي قولي بقي انتا اشتغلت في ايه

محمد : اشتغلت مع ناس تقيله في البلد بمساعدتهم بقي عندي شركات سياحه كتير وفنادق وقري سياحيه

انا :: كنت عارف انتا جدع وتستاهل كل خير

محمد : بقولك ايه ما تيجي تشتغل معايا مع الناس دي

انا :: لو الناس دي سكتها سياسه انا بره انتا عارف مش بحب السياسه

محمد : لا سياسه ايه بعيد عن السياسه ، بس انتا فيك حاجه متغيره ايه هي

انا :: هو انا بس اللي اتغيرت الكل اتغير انا رجعت لقيت البيت مقلوب

محمد : ايه اللي حصل

انا :: اخويا عايز ياكل حقي في ورثي ( حكيت لمحمد عن محمود )

محمد : وانتا هتعمل ايه

انا :: هعمل الصح بس في وجه نظري انا

محمد : متزعلش نفسك محمود اخوك لو حياه قالت ليه يمين شمال ينفز وهو مغمض عينه

انا :: اهو حياه دي اكتر واحده مصدوم فيها طول عمرها طيبه ليه كده

محمد : البيت اللي ملهوش كبير لازم يحصل فيه كده وامك كانت ماسكه البيت بايد من حديد بس بعد اللي حصل ايدها نعمت على الكل

انا :: قلتلي طيب

محمد : بقولك ايه تحب تقابل الناس بتاعتي امته

انا :: مش عارف بس مش دلوقتي اخد استراحه الاول وبعد كده نشوف

محمد : ماشي كلامك يا ابو باسل

قعدت مع محمد شويه وبعد كده قومنا نروح هو نزل وقال يتمشي شويه انا رجعت البيت ومعايا شنط كتير لبس ليا دخلت

امي : ايه يابني مجتش على الغدي ليه

انا :: اتغديت بره مع محمد

امي : محمد مين

انا :: هو في غير محمد واحد ابن اختك

امي : طيب

باسل : ماما فين الحاجات اللي جبها عمه محمد

سندي : على طول كده داخل على اللعب مفيش ازايك يا مامي وحشتني يا مامي مجتيش معانا انا وبابا ليه يا مامي

انا :: خلاص يا باسل ابعد عن مامي لحسن تنفجر فينا

سندي : ( بابتسامه ) وانفجر ليه هو انتا عملت حاجه لا معملتش انا مش غيرانه على فكره عادي يعني انتا اب عايز يقضي وقت مع ابنه براحته ( اتنرفزت ) ده انا هطلع عينك

الكل بيضحك

ابراهيم : خلاص يا طنط اهدي

سندي : ( اتنرفزت اكتر ) ايه طنط دي يابني ده انا اصغر من امك

جيهان : ( بنرفزه كل ده هزار ) ايه امك دي يا ست سندي هنم

امي : اه هانم وست الهوانم كمان

جيهان : بقي كده يا ناجية

انا :: ( شديت باسل عليا ض*بته بهزار ) انتا السبب لازم تسأل على اللعب بتاعتك محمد جيبها وعينه فيها

الكل بيضحك قعدنا نهزر ونضحك وحياه رجعت من بره طلعت غيرت هدومها ودخلت المطبخ

سماح : خير يا استاذه حياه في حاجه احب اعملها ليكي

حياه : ( بلطف ) لا شكرا انا هعمل بسبوسه بس

سماح: تحبي اساعدك في حاجه

حياه : لا يا حبيبتي شكرا

قعدت تعمل البسبوسه وسابتها في الثلاجه بعد ساعتين طلعتها وحطتها في اطباق وجبتها لينا

انا :: ايه يا حياه فين طبقي

حياه : ( نسيت تجيب طبق ليا ) معلش نسيت هدخل اجبلك حالاً

دخلت ورجعت بطبقي قعدنا ناكل كلنا بعد شويه الكل طلع حتي سندي علشان ينامه وانا دخلت المكتب قاعد فيه بعمل كام تليفون وكلمت فرحات

فرحات : حبيبي الغالي

انا :: فرحات وحشتني.

فرحات : انا قولت ادامت متصلش بيا يبقي مشغول مع الناس قولت اسيبك برحتك

انا :: حبيبي يا فرحات الناس عندك عامله ايه

فرحات : الرجاله كلها بتدعي ليك وكمان روان جابت عربيه جديده وفرحانه

انا :: يا رب دايما خليها تفرح

فرحات : ماشي يا عم دلع انتا فيها كده انتا الدنيا عندك عامله ايه

انا :: مش تمام يا فرحات

فرحات : طيب احكيلي

انا :: ( حكيت ليه عن اللي حصل كله ) بس يا سيدي

فرحات : اسمع انا مش هقولك اعمل ايه لانك عارف تعمل ايه كويس قوي بس نصيحه اقبل عرض صاحبك

انا :: اشمعنا

فرحات : انتا مش بتقول انه كان جدع معاك وراعي اهلك يبقي مش هيلبسك في حيطه

انا :: طيب يا فرحات هكلمك بعدين سلام

فرحات : سلام

قفلت مع فرحات ولفيت الكرسي بصيت قدامي كان في ثلاث مش بني ادمين لا ضرف وقفه

انا :: انتو مين

حياه : ( قعده وحطه رجل على رجل ) ايه يا باسل دول اللي هيرجعوك المصحه تاني

انا :: ( ضحكت ) هههههههه المصحه انا مش هرجع المصحه تاني

حياه : بص بس للرجالة اللي قدامك وانتا تعرف هترجع المصحه تاني ولا لا

انا :: ( هزيت راسي حطيت ايدي وره ظهري وطلعت المسدس ايوه بلاش استغراب انا حاطت المسدس في جنبي مش بحوشه غير لما بدخل انام وببقي حطه تحت المخده ) ازاي بقي

حياه : خدوه

الرجاله بتقرب عليا وهي فكره اني مش هقاوم او اعمل حاجه بس الع** ض*ب كل واحد رصاصه في رجله

حياه : ( اندهشت من رده الفعل وفتحت بقها )

انا :: ايه يا حياه فاكره اني مش هعمل حاجه لا انا معنديش استعداد اتنازل عن الشبشب بتاعي حتي

فضلت قاعد مكاني وهي مكانها مثلجه انا حاطت رجل على رجل وهي متوتره وانا باصص ليها متحركتش سنتي والثيران اللي جيباهم على الارض لحد تاني يوم الصبح نزلت امي وهي ماسكه دماغها

امي : سماح يا سماح انتي فين ( شاف*ني قاعد ) باسل فين سماح

انا :: لسه ما فقتش من المنوم اللي كانت حطاه حياه هانم

امي : ( قربت لينا ولقت الوضع اني مطلع المسدس بتاعي وحياه قاعده وبدات تعيط والكلاب على الارض ) ايه ده

انا :: اقولك ايه ده الهانم راحت لدكتور نفسي امبارح وب مساعدته يرجعني مستشفي المجانين تاني بس الدكتور لما قرا اسمي في الملف فكر بطريقه تانيه ازاي ي**ب من ورايا فلوس كلمني وقالي على اللي هيحصل علشان ياخد فلوس

امي : يا بنت الكلب ماشي انا هعرف اربيكي يا زباله

انا :: لا انتي تروحي تصحي البيت كله بس سيبي العيال الصغير بره ماشي

طلعت امي وحياه قعده تعيط مكانها وبعد نصف ساعه الكل نزل

مصطفي : في ايه يا باسل

محمود : مين دول

حياه : شوفت يا محمود اللي عمله اخوك شفت

محمود : حصل ايه

حياه : اخوك جاب الناس دي بعد ما حط ليكم منوم في الاكل علشان يغتصبني بس انا دافعت عن شرفي وض*بتهم بالنار بس باسل خد مني المسدس وقال انه لو مخدش اللي هو عايزه هيقول انه ظبتني مع الناس دي

راجل : ( واحد من الناس اللي ض*بتهم بالنار ) ايوه حصل باسل بيه ادانا كل واحد 20 الف جنيه

محمود : ( بيهجم عليا ) اه يا واطي

مصطفي : ( مسك محمود ) اهدي بس ايه الكلام ده يا باسل

سندي : باسل صح الكلام ده

امي : مستحيل طبعا

جيهان : يا باسل قول اتكلم الكلام ده صح

انا :: ( باصص ليهم وشايف الشك في عنيها ودي حاجه غريبه ازاي يشكه فيا ) طيب انا معايا الدليل ( طلعت الموبيل بتاعي وفتحت فيديو فيه حياه وهي بتتفق مع الدكتور هو كان حاطت كاميرا في مكتبه ) اتفضلو

خده التلفون وشافه الفيديو وبعدها الكل سكت

انا :: ايه سكتين مش لاقين حاجه تقولوها صح انا معاكم الصدمه كبيره عليكم بس انتو فضلتم الشك في اخوكم علشان مجنون ورفضته الشك في مرات اخوكم ليه يا حياه انتي طول عمرك اختي الكبير لولا انا كان زمان ابوكي قتلك وقتل جوزك ولا نسيتي اني انا اللي بعت الشايب ليكم علشان يلحقكم انا عملت ليكم ايه كل ده علشان الفلوس و الورث صح ماشي

خدت سندي من ايدها وطلعنا الاوضه بتعتنا

امي : حياه اطلعي بره

حياه : اطلع بره ايه ده بيت جوزي

مصطفي : لا لو انتي هتقعدي هنا يبقي لا انا ولا عيالي نقعد هنا

حياه : ( بتكبر ) سكه السلامه

امي : بس ده مش بيتك علشان تطردي اللي على مزاجك منه لا

حياه : بيتي وبيت جوزي وبيت عيالي من بعدنا

محمود : ( قاعد على الكرسي مش عارف يفكر هو رفض كده وقلها بلاش وانه مش مشترك معاها بس هي نفذت من وراه ) حياه انتي طالق

حياه : انتا بتقول ايه

نزلت انا وسندي وباسل ومعانا شنط هدوم بتاعتنا رحت للباب كان بخبط كان الشايب هو بينضف اي حاجه اثار قتل دم يخفي جثث

شايب : باسل بيه

انا :: تعاله ادخل

شايب : ( دخل ورايا ) خير يا باشا

انا :: ( شورت ليه على الثلاثه اللي في الارض ) نضف من غير اثر

شايب : دي شغلتي

انا :: ( اديته ظرف صغير فيه شيك ) امسك

شايب : لا يا باشا دي هديه رجوعك بالسلامه حمدلله علي السلامه يا باسل باشا

خد الكلاب دي ومشي

امي : وده هيعمل ايه

انا :: أسألي محمود بيه وحياه هانم ( طلعت ورقه من جيبي ادتها لمصطفي )

مصطفي : ايه ده

انا :: ده تنازل مني رسمي عن ورثي من ابوكم ما عدا 10 فدن ارض ونصيبي في البيت والمصنع الاساسي

امي : يابني

انا :: من غير نقاش انا واخد القرار ده من امبارح ( بصت لمحمود ) يا رب تشبع يا محمود اصل انا مش بيشبعني الفتافيت سلام

طلعت بره كان في عربيه جيبها الشايب ليا ركبتها وطلعنا على طريق القاهره وسندي ساكته طلعت الاول على دخله الصحراوي ونزلت من العربيه ودخلت عربيه تانيه كان فيها الدكتور

انا :: اتأخرت

دكتور : ( بتكبر ) انا اتأخر براحتي

انا :: ( هزيت دماغي وطلعت ظرف كبير فيه 100الف جنيه رميته على الارض قدامه ) خد فلوسي

دكتور : ( ببرود وتكبر ) لا دي فلوسي وانتا هتوطي على الارض تجبهم وتدهملي وبعدين بلاش كلمه فلوسي دي تاني انتا وفلوسك واملاكك بقيته بتوعي اصل لو الفيديو اللي معايا مع مرات اخوك وهي بتتفق معايا ده طلع هترجع المصحه تاني وعندي ساعتها هتشوف الويل

انا :: هههههههه انا كنت في مصحه مع ست ورتني جهنم مش الويل تاخد الفلوس ولا لا

دكتور : لما يحصل اللي انا عايزه تجبها من الارض وتدهملي وتقولي كمان انا تحت امرك يا سيدي

انا :: طيب من عنيا حاضر

رحت ناحية الباب بتاع العربيه ركبت ودخل الشايب خد الدكتور هيفضل يعذب فيه لحد ما يعرف مكان الفيديوهات فين وطلعت القاهره خدت جناح في فندق من بتوع محمد

سندي : ( بتعيط ) ايه اللي حصل لينا

انا :: ولا حاجه خلاص حصل مش مهم

سندي : بص انا مش مهم عندي الفلوس نبداء من الصفر سيب كل حاجه لمحمود

انا :: انا سبت كل حاجه وخدت حقي بس وبعدين صفر ايه يا هبله انتي انا راجع من بره مصر ومعايا فلوس كتير ( طلعت تلفوني وكلمت محمد ) ايه يابني وصلت

محمد : اهو في السكه اسمع انتا هتتغدي معايا النهارده بالمره اعرفك على اولادي

انا :: انتا اتجوزت

محمد : ايوه يا سيدي وعندي اولاد كمان

انا :: طيب وبالمره اتعرف على المدام

محمد : ههههههههه ماشي سلام

قفلت مع محمد وسندي مكشره شدتها عليا

انا ::ايه يا حبيبي مالك

سندي : قلقانه يا باسل

انا :: من ايه

سندي :من كل حاجه

انا: بصي انا عارف ان رجوعي عمل ربكه اكتر من اللي توقعتها بس لازم نتأقلم مع الوضع الجديد

سندي : انا مش عارفه ليه كل ده يعني

انا :: تحبي اقولك ليه طيب ( طلعت من المحفظه ورقه ب200 جنيه وكمان ورقه ب200 دولار وكمان ورقه ب100 يورو وكارت الفيزا بتاعي وحطتهم قادمي على التربيزه ) خد يا باسل

باسل : ايه يا بابا

انا :: باسل لو انتا عايز تشتري تاخد ايه من دول علشان تشتري به

باسل : ( مسك 200 جنيه ) دي يا بابا

انا :: اهو كده يا سندي باسل اختار الحاجه المألوفة ليه لكن لو عرف قيمه الدولار هياخده ولو عرف قيمه اليورو هيسيب الدولار وياخده ولو عرف قيمه الفيزا دي هيسيب كل حاجه وياخدها اهو محمود كده مراته دي حد يعرفه حتي لو اكتر من اخوه الصغير وهي تعرف الفلوس بس فهمتي كل واحد اختار الحاجه اللي عرفها

سندي : وانتا ايه اللي تعرفه وتختاره

انا :: البقاء انا اعرف البقاء علشان كده اخترته وعلشان ابقي لازم احارب بس مش حرب مع اخويا لاني في كل الاحوال خسران حتي لو **بت

سندي : اي حرب ممكن تخسر فيها وحتي لو **بت برضه خسران محدش بيطلع من الحرب **بان خالص

انا :: عندك حق بس حرب مع اهلي انا عارف اني ه**ب العيله اساس هشة مفيهاش استقرار علشان كدة هعرف اهدها على دماغ الكل بس هخسر امي بس حرب مع الغريب مباح استخدم كل حاجه فيها علشان ا**ب

في مشهد اخر

حياه طلعت لمت هدمها وراحت على بيت ابوها عدل دخلت تعيط جامد

خالتي : مالك يا حبيبتي

حياه : محمود طلقني

خالتي : ازاي طلقك يا نهار اسود

بعد شويه ابوها ممدوح راح البيت عندها وهو شايط

ممدوح : هي فين الكلبه بنت الكلاب دي

خالتي : ( وقفت في النص بنهم ) في ايه يا ممدوح

ممدوح : مش عارفه في ايه هي محكتش ليكي

خالتي : انا عايزه افهم

ممدوح : طيب ( هدي وفهمها اللي حصل مصطفي كلمه وحكي ليه ) بنتك ام شخه رايحه توقف قدام ناجية اختك ناجية اللي قالت في مدريه الامن طظ في الحكومه والبلد اختك اللي وقفت قصادي في بيتي انا وهددتني علشان اجوز حياه لمحمود انا كنت قاعد مش عارف اقول أية ولا ايه ، اختك لما عا** قلها من خمس سنين ابنك بقي مجنون خلاص انسيه اعتبريه مات احنا اتبرينا منه في العيله انتي عاارفه عملت ايه ض*بته بالنار و لما سألتها ليه كده قالت مكنتش لبسه النظاره النظر فاتعور يعني لو لبسها كان زمانه ميت وهو لسه وزير مكملش اسبوع واحد ، اختك دي صرفت اكتر من 20 مليون جنيه كل يوم محقق خاص محقق خاص محقق خاص علشان بس يلقي لدليل على برائه باسل ابنها جيه بنتك بعد 10 سنين عايزه ترجعه تاني مصحه غير بقي المصيبه الكبيره 3 وزراء و 5% موظفين حكومين في السجن علشان باسل يطلع من المصحه وياخد برائه من القضيه جيه بنتك انتي بنت امبارح ام شخه عايزه تغلب الاتنين احمدي ربنا انها طلعت من بيت ال**دي عايشه

قام وهو دمه محروق من غباء بنته

خالتي : ( بتحاول تستوعب الكلام اللي قاله جوزها هي ايوه عارفه اختها ممكن تعمل ايه علشان ضفر عيل من عيالها لكن للدرجه دي مش قدره تتخيل ) طيب ليه يا حياه كده

حياه : ليه علشان ابني لجوزي وعيالي كيان بعدين علشان بكره وبعده لما ابقي في سنك ده اولادي يدعو ليا مش يدعو عليا اني سبت حقهم

خالتي : حقهم في ايه هو حد جيه جنبهم

حياه : ايوه جم جنبهم عايزين يخده من محمود ومصطفي وامه تديله تعب وش*ي جوزي ، ناجية صرفت مبلغ اضعاف اللي قاله بابا وكل ده منين من تعبه وشقاه

ممدوح : ( رجع تاني ليهم ) انتي لو مكانها كنتي عملتي ايه كنتي هتقعدي تعيطي لكن هيا لا عملت اللي عليها انتا من يوم ما اتجوزتي محمود وانتي مبهوره ب ناجية حتي طريقه التعامل مع الناس بقيتي تقلديها بس انتي غشيمة مش زيها ، عارفة يعني ايه ، انتي مش هيا انتي مش هيا

المشهد الرئيسي

واقف في بلكونه الجناح الفندق وقدامي النيل واقف بفكر بحسب كل خطوه بفكر في كل سيناريو بحط احتمالات بعد شويه لبسنا ورحنا عنوان بيت محمد بعته ليا بيت يعتبر في الصحراء يعني طريق اسماعيل الصحراوي مشيت شويه وبعد كده لقيت حراسه من على الطريق والبيت نفسه قصر مش بيت وشكل الحراسه غريب يعني مش مجرد جاردات لا دول حاجه تاني دخلت جوه ومحمد كان في استقبالي

محمد : نورتني يا اخويا

انا :: مش بقولك اشتغلت مع المافيا مسمعتش كلامي

محمد : ههههههه مافيا ايه بس يابني ادخل

دخلت انا وهو و باسل طلع يجري على اولاد محمد

انا :: دول اولادك

محمد : ايوه ده امير ودي ندي توئم

سندي : امسك يا عم طبق شكولاته باسل مجبهوش ليا وهو جاي يخطبني

انا :: بس يا حيوانه لحسن مراته تزعل

محمد : ههههههههه لا مش هتزعل

انا :: انتي وهي اصحاب بقي

سندي : ههههههههه ايوه

انا ::ايه يا جدعان هو كل ما اقول حاجه تضحكه

سندي : هههههههه اصلك مش هتصدق هو اتجوز مين حد مش هتتوقعه خالص

انا :: ( قلبت وشي وبصيت لمحمد بصوت واطي ) اوعه تكون منة

محمد : ( ضحك جامد ) ههههههههه لا ( نادم ) تعالي يا حبيبتي باسل وصل

انا :: ( باصص ومستني اشوف مراته دي مين اصل لو منة هض*به بالنار وهو قاعد دلوقتي لقيت ايه ده دي سارة ازاي ) ساره

ساره : ايه يا باسل مستغرب ليه

انا :: مستغرب ايه انا مش فاهم حاجه وعامل زي ا****ر انا قولت اتجوزت واحده من الجامعه

ساره : ( عقدت حواجبها ) وانا لا ليه يعني يا اخويا

انا :: لا مش قصدي خالص

ساره : بحسب

قعدنا نهزر شويه وقمنا اتغدينا ورجعنا نقعد انا ومحمد لوحدنا وساره وسندي قعدين بيضحكه مع بعض

انا :: سبحان مغير الاحوال

محمد : بتقول ايه

انا :: لا يا حبيبي متخدش في بالك

محمد : بقولك ايه انا اتكلمت مع الناس وهما عايزين يقعده معاك باقصي سرعه عايزين يتعرفه عليك

انا :: ماشي يا محمد حدد معاد معاهم بس اهم حاجه شغلهم شمال

محمد : لا لا شمال ولا سياسه حلو كده

انا :: حلو

محمد : طيب انا هطلع البس وننزل

انا :: ( استغربت من تسرع محمد وده فهمت منه انهم هما اللي طلبه يقبلوني وسبب عرض محمد ليا من الاول ) دلوقتي

محمد : اطرق على الحديد وهو سخن يا صاحبي

انا :: طيب ماشي طلع محمد ولقيت ندي جيه

ندي : عمو باسل عمو باسل

انا :: ايه يا قمر

ندي : امير و باسل مش عايزني العب معاهم

انا ::طيب تحبي العب انا وانتي

ندي : لا انتا كبير

انا ::طيب تشوفي حركه سحريه ماچيك

ندي : ( بفرحه طفولا ) ايوه

انا :: ( حطيت ايدي وره ودنها وطلعت جنيه دهب انا الحركه دي اتعلمتها من واحد في المصحه بس كانت بجنيه فضي العادي )

انا :: لما تكبري هعلمك بنفسي ( ادتها الجنيه ) خديه هديه من عمو باسل يلا

محمد : يلا

انا :: يلا

نزلت انا محمد انا في دماغي هنروح فيلا في حته مقطوعه او مكان مهجور او مكتب في حته بعيده ويغمه عيني بقي اوصل هناك حراسه كتير وسلاح وشكلهم يخوف اخش على الكبير قاعد على كرسي لابس روب بيتي وماسك قطه شيرازي وسيجار وبيلعب القطه بايده فوقت من الاحلام دي ومحمد بيقولي انزل لقيت مطعم على النيل انا قول هلقيه محجوز كله بقي دخلت جوه عادي مطعم في ناس قاعده تاكل عادي شكلهم طبيعي جدا انا قولت محمد بيشتغلني مشينا لحد ما وصلنا لترابيزه عليها واحد في 60 من عمره بس مهتم بشكله ابيض بحمار ولابس بليزر نبيتي وبنطلون جبردين كحلي لبسه عادي يعني

محمد : ازايك يا سليم

سليم : ( قام سلم علينا عادي بتواضع ) ازايك يا محمد ده باسل صح

محمد : ايوه باسل صاحبي

سليم : ( مد ايده ليا يسلم ) انا سعيد اني شفتك يا باسل

انا :: انا اسعد ( سلمت عليه وقعدنا )

سليم : انا طلبت من محمد اني اعرف الشخص اللي لم نص كبار البلد في أكبر قضيه تجاره م**رات وتخابر في مصر كلها

انا :: ( عملت ع**ط ) انا هو انا طلعت بره مصر اصلاً

سليم : ههههههه بتعمل ع**ط ماشي كويس

انا :: هو حضرتك طلبت تقابلني ليه يا سليم بيه

سليم : لا لو هنتكلم بلاش حضرتك وبيه وباشا والكلام ده انا مش بحب الألقاب قلي سليم على طول

انا :: ماشي يا سليم خير

سليم : كنت حابب اقابلك واتعرف عليك بس كلامك مش معايا

انا :: ازاي

سليم : انا طلبت اقعد معاك علشان بس اتعرف عليك لكن الشغل مش معايا مع حد تاني

انا :: طيب فين الحد ده

سليم : داخل سخن من الاول كويس يلا

طلعنا بره وركبنا عربيه تانيه انا ومحمد وسليم بس هو اللي سايق وبيتكلم في كل حاجه ،هو بيحلل الشخص اللي قدامه لما ملقاش اي نتيجه ولا عرف مني حاجه ولا عرف افكاري رحنا لفيلا مهجوره ومن هنا بدا شغل الافلام بس مش قوي برضه يعني فيلا مهجوره شكلها مفيهاش حد اصلا ومفيش حراسه خالص دخلنا جوه المكن مهجور مشينا لحد مكتب هو نظيف بس الوان الحيطه اكبر دليل على ان الزمن خد كفيته منها وفي الاوضه مكتب وعليه واحد عادي جدا شكله زي اي موظف حكومي ولبس بدله عاديه بس شيك

شخص : تقدر تتفضل انتا يا سليم ومعاك محمد

سليم : تمام يلا يا محمد

طلع محمد مع سليم وانا قعدت قدامه على المكتب هو باصص ليا وانا كمان باصص ليه بيحاول يقراني وانا كمان بس مفيش نتيجه ليا او ليه

شخص : تشرب ايه

انا :: شكرا

شخص: ( وقف وراح ناحية ترابيزه عليها عصاير وحاجات تانيه ) انا عارف انك بتحب القهوه وكمان العصاير الفرش بس المفضل ليك القهوه البلدي ( رجع بصنيه عليها سبرته قهوه وكناكه وكوباتين حطهم قدامي وهو كمان قعد قدامي على الكرسي بعيد عن المكتب ) تحب اعملك انا ولا تعتمد على نفسك

انا :: ( ابتسمت ومديت ايدي عملت ليا فنجان قهوه ) شكرا البن عندم حلو طعمه مش غريب عليا

شخص : ده بن من اللي بتحبه وبتجيبه من البرازايل مخصوص الصراحه ذوقك حلو جدا

انا :: ( ولعت سيجاره ) متعرفناش

شخص : طيب انتا باسل ال**دي وانا سليم

انا :: سليم طيب مين اللي قبلته ده

سليم : سليم برضه

انا :: مش فاهم

سليم : افهمك كل حاجه بس دي حكايه طويله زمان بعد ما مشي الانجليز من مصر كان في مصانع كتير جدا وكمان مصانع تبع الحكومه اتفتحت بعدها بس بعد خروج الانجليز بقت مصر قطعه مستهدفه من كل القوي الاجنبيه بقي نصف الاقتصاد المصري في ايد ناس بتاخد اوامر من امريكا او روسيا او الانجليز نفسهم قام واحد في المخابرات المصريه اسمه سليم عمل البرنامج ده احتكار لكل حاجه ناس زيك كده وزي محمد شغلهم الاحتكار انتا دارس اقتصاد وتجاره عارف ان محدش يقدر يملك اكتر من 40٪ من الاقتصاد في مجال واحد ده لو حد عنده سيولة لكل ده احنا بقي بنخلي السوق في ايد اكتر من شخص ناس كتير بس كل الناس دي شغاله عند شخص واحد بس هو المحتكر ومش بس بيتحكم في 40٪ بس لا ده يحتكر 90٪ واغلبهم مصانع حكوميه بتكون الاداره من الباطن احنا شغالين كده اي حمايه مصالح الدولة

انا :: يعني ايه برضه ازاي انتا سليم وهو سليم والحاجه دي بتاعة االدول ومحدش سمع عن القصه دي

سليم : البرنامج ده سري مفيش حكومه هتطلع تقول انها احتكرت صناعتها

انا :: يعني انا مجرد وجها للحكومة انا هستفيد ايه بقي مرتب

سليم : لا انتا هتكون شريك مع الحكومه افهمك اي م**ب بيخش يتقسم لنسب انتا هتاخد 40٪ والحكومه هتاخد 40٪ و 10٪ تدخل تحت راس المال والمصاريف والمرتبات 10٪ دي نسبه بتاعتنا احنا ، ولو داخل مناقصه مثلا او شغل وعايز سيولة تقدر تاخد من بنك المركزي وترجع الفلوس دي بس الم**ب بتاعها والباقي زي ما قولت ليك النسب

انا :: طيب ايه موضوع سليم برضه

سليم : يعني انا سليم وانتا سليم وهو سليم كلنا في القصه دي اسمنا سليم يعني اللي جيه ده واحد اقل مني درجه اسمه سليم انا عارف اسمه الحقيقي لكن هو ميعرفنيش فوق مني درجه واحد اسمه سليم هو يعرف اسمي الحقيقي لكن انا لا وبعدين انتا هيطلب منك تقعد قدام ناس زي القاعده دي وها تكون بالنسبه ليهم سليم

انا :: طيب لو رفضت بعد اللي عرفته ده كله

سليم : انتا مش هترفض

انا :: منين الثقه دي كلها

سليم: انا عارف اصل لو هترفض كان من الاول لكن انتا عندك فضول وعايز تعرف ومش هترفض

انا :: برضه جايب الثقه دي منين

سليم: احساس انا مراهن عليك يا باسل

انا :: مش خايف تخسر

سليم : اخسر لو انتا غ*ي بش انتا ذكي باماره اللي حصل مع سما

انا :: سما انتا تعرفها

سليم: سما واللي معاها كانو شغالين معانا في الاول بس بعده عنا

انا ::طيب لو نفترض اني وافقت ايه الشغل ده

سليم : ( ابتسم ليا لانه عرف اني كده وافقت وراح المكتب وطلع منه ملفات كتير وقعد يقلب فيها ويفكر لحد ما قرر فتح درج تاني وطلع منه ملف قديم جدا وعليه تراب وجبه ليا ) ده ملفك

انا :: ملف ايه ده

سليم : ده ملف اكبر صناعه في مصر الحديد

انا :: ماله مترب ليه كده

سليم : علشان اديله مده مقفول ومحدش قادر يمسكه كل اللي يمسكه يخاف يكمل

انا :: اشمعنا

سليم : ( طلع صوره من الملف لواحد مض*ب بالنار في دماغه ) ده اخر واحد مسك الملف المنافس بتاعك مسنود من قوي عالميه اي حد بيقف قدامه بيحصل ليه كده

انا :: ( بصيت في الصوره وانا عجبني جدا التحدي اللي ممكن يكون عمري اخره انا بحب اللعب الخطر ) موافق

سليم : ( ابتسم لانه عرف يستفز الفضول اللي جويا وحبي للخطر ) تمام يا باسل معاك الملف شوف انتا تحب تبداء امته

انا :: في اي وقت

سليم : ( طلع تليفون قديم نوكيا وادهولي من تليفونات سنه 99 ) لو حبيت تتواصل معايا

انا :: تمام

سليم : ( قام وانا كمامدن قمت ومد ايده ليا ) اتمني تكون عضو فعال في مجموعتنا يا سليم

انا :: شكلك هت**ب الرهان يا سليم ( سلمت عليه )

مشيت من عند سليم وكان محمد قاعد بره ركبنا العربيه ورحنا البيت عنده تاني

سندي : ايه يا باسل تلفونك كان خارج التغطيه

انا :: معلش يا قمر كنت مع محمد في حته مفيهاش شبكه

سندي : طيب يلا نمشي لحسن الواد نام

انا :: طيب

محمد : شرف*ني يا غالي

انا :: ماشي يا عم ( شلت باسل وكامدن تقيل قوي ) ايه ده يا سندي الواد تقيل قوي

سندي : قول الله اكبر

انا :: ماشي يا ستي سلام

طلعت انا وسندي ورحنا الفندق

في مشهد اخر

البيت عند ممدوح باليل قاعد ومعاه خالتي وراحت ليهم امي دخلت عليهم

ممدوح : ناجية منوره اتفضلي

خالتي : ناجية ارجوكي بنتي بتروح مني

امي : ( قعدت ) اهدي يا حنان أنا جيه علشان كده

ممدوح : بصي يا ناجية احنا نعرف بعض من زمان عشره وعيش وملح احنا هنطلع بالمعروف ومش عايزين مشاكل

امي : ليه بس

ممدوح : ليه ايه اللي عملته حياه في نظرك ليه عقاب واحد انا وانتي عرفينه

امي : ( بابتسامه ) لا يا ممدوح حياه مهما كان بنتي برضه انا عايزها ترجع تاني ،عيالنا لما يغلطو نقفل بابنا علينا ونربيهم وهي زي بنتي برضه

ممدوح : يا ناجية

امي : متقلقش

خالتي : بجد يا ناجية

امي : طبعا دي بنتك انتي ، وانا وانتي ملناش حد غير بعض بس بنتك انا اللي هربيها من الاول ماشي

ممدوح : **ري عضمها وانا هجبس

امي : ليه هو انا بتاعة ض*ب انا هعرف اربيها من غير ضرب

خالتي : ( باستعطاف ) بلاش يا ناجية الطريقه التانيه دي ( اصل امي هت**ر شوكتها وعنيها وهي مش حبه بنتها عينها تت**ر )

امي : متخفيش دي بنتي برضه بس الاول لازم تعتذر ل باسل وعايزه اكلمها شويه

ممدوح : في الاوضه بتاعتها

سبتهم امي وطلعت الاوضه لحياه طفيه النور امي نورت لقتها قاعده على السرير وجنبها منديل كتير ولقت في ايدها موس

امي : ( ببرود ) ارمي اللي في ايدك ده

حياه : ( وهي بتعبط ) لا مش هعيش من غير محمود

امي : ( قعدت على السرير ) انتي ممكن تكوني مش عايزه تعيشي من غير محمود ايوه بس كمان اولادك مش هيعيشه من غيرك ولا ايه ، بصي يا بنتي اللي في ايدك ده هو الطريق السهل بس هيخدك لاخره وحشه ضلمه انتي مش قدها ولا حد قدها بس الطريق الصعب هو اللي اخره النور وانا انصحك به

حياه : ( بصت لامي وهي بتعيط جامد وبعدت الموس ) انا خايفه

امي : من ايه طيب انتي ظلمتني انا هفهمك مش الفتره الاخيره دي خالك محمدي بطل يجي ( محمدي ابن عم امي وهو اللي ماسك ليها الارض بتاعتها ورثها من ابوها وجدها ) ويجيب ايراد الارض انتي عارفه ليه ، انا بعت ارضي كلها علشان ابني لما مصطفي عرض عليا نبيع من ارضنا احنا او فلوسنا اللي في البنوك انا رفضت قولتله ده تعبك انتا واخوك محمود احسن حاجه جدده المصنع انا رفضت اني اجي عليهم ولو على الارض بعد ما ابيع كنت اشيل نصيب محمود ومصطفي منه على جنب انا مش ظالمه لاولادي انتي ات**فتي تسألي وسبتي دماغك للشيطان وهو لعبها صح انتي عرفه لو كنتي سألتي كنت جاوبت عليكي ده انتي بنتي حد يخبي حاجه على بنته

حياه : ( حضنت امي وهي يتعيط جامد ).

امي : ( طبطبت عليها ) بس عياط انا مش بحب العياط وبعدين ايه الشر ده عايزه ترجعي الواد المستشفي وعامله خطه بديله ( هي الرجاله تقول الكلام اللي قلوه ) ايه ده انتي جبتي الدماغ دي منين خلاص بقي وبعدين انتي اكتر واحده شبهي بس انا مش بعيط زيك كده بقولك ايه بكره انا هجيب الكلب محمود من ودانه يعتذر ليكي ويردك ذي الكلب

حياه : بجد يا خالتي

امي : ( ض*بتها على دمغها ) وانا ههزر معاكي ليه ( ض*بتها تاني ) وبعدين ايه خالتي دي انا اصغر من امك اسمي ناجية

المشهد العام

يتبع............