الحلقة ال 36

2001 Words

المشهد الرئيسي قاعد مع سندي على السرير وهي قاعده في حضني سندي : باسل انا : عيوني سندي : هتعمل ايه معايا ومع مني يعني نظامنا ايه انا : انا بفكر في حاجه كده بس مش عارف انتي ولا هي توافقو عليها سندي : ايه هيا انا : تيجي تقعد معانا هنا سندي : (سمعت وسكتت) انا : ( جيت اقوم ) سندي : انتا رايح فين زعلت انا : لالا بصي البيت بيتك انتي وانتي صاحبة الرأي سندي : لا طبعا البيت بيتك انتا ، انتا راجل البيت والكلمه بتاعتك تمشي عليا انا : طيب يا سندي طيب قومت خدت دش وغيرت هدومي ونزلت تحت ومشيت رجعت لي مني مني : حبيبي اخرت يعني انا : ( مش عارف اقولها ايه ) معلش شغل بقي مني :طيب انا رحت قابلت ماهر وهو قال انه هيخلص القصه دي بس طلب منك خدمه انا : ايه مني : في شاب اسمه شاكر ابن رضا جابر اتمسك ب فرش حشيش عايزك تساعده يطلع انا : لا طبعا ابن رضا مش ممسوك بفرش حشيش ده ممسوك بي كيلو ونص كوكايين ابوه شغال فيه وابنه خد العربيه من وراه وهو ميعرفش فيها ايه لبس ، غير كده انه كان مدمن اساس مني : يعني انا : يعني فكك منه و لو عايزه حد يخلص موضوع ليليان اكلم انا اي حد مني : لا بلاش انتا تدخل ليليان : (نزلت وهي لبسه قميص مفتوح شوية و بنطلون مقطع وهي قصه شعرها قصير ) هاي انا : ايه يا لولي رايحه فين ليليان : رايحه اسهر بره انا : ام طيب هتخدي عربيه بسواق ليليان : ليه يعني انا : البلد مش امان وبعدين الناس لو عرفت انتي بنت مين مش ها يكون كويس ليليان : بس انا عايزه اكون براحتي انا : انتي براحتك هو هيسوق العربيه بس يوصلك مش اكتر ليليان : ماشي يا باسل باي طلعت ليليان مني : انتا ازاي توافق انها تنزل ب اللبس ده انا : فيها ايه ، بنتك لسه نازله من الطياره مكملتش لازم تاخد وقت وبعد كده تتغير واحده واحدة ، بقولك ايه في حاجه مهمه عايزك فيها مني : خير يا حبيبي انا : احنا دلوقتي في مشكله ، انتي وسندي انا مش قادر استغني عنها وانتي كمان ، عايزكم انتو الاتنين جنبي مني : طيب انا جنبك هنا اهو انا : مش قادر يا مني انا مقسوم بينكم عايز اقلل المسافه مني : (استغربت) طيب انتا بتفكر في ايه يا باسل فهمني انا : بصي انا عايزك تيجي تعيشي معايا في البيت بتاعي منى : (استغربت جامد) نعم يعني ايه يا باسل انا : يعني انا عايزك انتي وليليان تيجو تعيشه معايا انا عايزك جنبي مني : ازاي يا باسل ازاي ده مستحيل انا وسندي ممكن نقعد نتلكم نهزر نسلم على بعض اوكي لكن نعيش مع بعض ده صعب جدا او مستحيل انا : بصي احنا هنتفق على حاجه هنقسم كل حاجه بينا ولازم يكون في اتفاق بينكم مني : ( بصت ليا بي غيظ وطلعت لبست ونزلت من غير نقاش ) في مشهد اخر سليم قاعد مع الرئيس بتاعه شخص : ( خلص ورق قدامه ) كده تمام يا سليم سليم : تمام ( فضل واقف وباصص في الارض ) شخص : خير يا سليم واقف ليه سليم : انا عايز اعرف حاجه شخص : ايه هيا سليم : باسل ازاي سكت بعد اللي عملته امه وسندي ، بعد ما عرف ان ليا يد ف اللي اتعمل . شخص : عايزه يعمل ايه بص يا سليم اي حد يقف قدام باسل آخره طلقه لو مزاجه مش رايق لكن دي بقي ناجية العدوي يعني لا فلوسه وله سلطته قدها انتا عارف ناجية كويس غير بقي انها امه فهمت سليم : انا فاهم بس حتي يقاطعها على الاقل شخص : هيقاطعها ماشي وبعدين امه دي مص*ر من مصادر قوه باسل ، هيا اللي بتديه القوه من غيرها باسل ولا حاجه ، باسل قوته في الناس اللي حواليه مش في فلوسه او سلطته او نفوذه سليم : تمام تمام شخص : عملت ايه مع الناس في جنوب افريقيا سليم : قعدنا معاهم والناس وافقت شخص : كويس كويس كده تمام في مشهد اخر امي وصلت البيت مع باسل واميره وكانت سندي قاعده تحت وهو مبتسمه ومبسوطه امي : ها يا قمر حصل سندي : ( ات**فت وسكتت ) امي : ( ابتسمت ) مش قولتلك اسمعي كلامي ت**بي سندي : بس في حاجه كده انا مش فاهمه امي : ايه هيا سندي : باسل طلب ان مني تيجي تعيش معانا هنا امي : طيب هو اصر سندي : بالع** هو قال ان البيت بيتي وانا اللي اقرر امي : بقولك ايه وافقي سندي : ازاي يا ماما اعيش انا ومني تحت سقف واحد امي : يا ع**طه انتي لو وافقتي هتكوني في نظره عايزه لكن هي مش هتوافق نهائي سندي : نفترض انها موافقه اساسا امي : لا متخفيش هي مش هتوافق سندي : ماشي يا ماما انتي ادري المشهد الرئيسي قاعد في البيت عند مني وبفكر ومني مش في البيت اصلا نزلت وعلى الساعه 12 جت مني انا : ( بحزم ) كنتي فين مني : باسل انا مش عايزه اتخانق معاك وترجع تقول عليا نكديه انا : تعالي مني : باسل انا : تعالي عندي مني: ( جت عندي شورت ليها تقعد. ) خير انا : كل خير بس انتي مش بتحبيني مني : ايه السؤال ده طبعا بحبك انا : طيب مش عايزه تيجي تعيشي معايا ليه على فكره بيتي التاني 25 غرف نوم غير الحمامات وخمس اوض رئاسية يعني مش بيت ده قصر ليكي جناح لوحدك وليليان كمان مني : باسل ايه اللي اتغير ؟ انا :كل حاجه انا صالحت سندي مني : اهههههه يعني انتا صالحتها وهي صاحبة الفكره دي علشان عارفه اني مش هوافق ، تعمل بنا مشاكل انا : بلاش ظلم انا صاحب الفكره دي مني : وايه اللي حصل جديد فهمني انا : اللي حصل جديد اني عايز اخلف منك مني : ( سمعت الجمله دي وسكتت ) انا : ايوه اخلف منك عايز منك اولاد علشان بكره وبعده ابص ليهم افتكر السعاده اللي عشتها معاكي عايز اولاد منك مني : باسل انتا اتغيرت خالص انتا بنفسك كنت رافض الخلفه انا : عارفة ليه علشان مينفعش يكون عندي اولاد من اتنين ستات اولادي هيكون بعيد عن بعض بس انا فكرت في الموضوع ده ، مش لازم يكونه بعيد عن بعض ، انتي عارف ليه بقول بكره وبعده بس مش بقول شهور وسنين علشان انا مش ضامن اقعد في الدنيا كتير انا ممكن اموت في لحظه مني : بعد الشر عنك انتا بتقول كده ليه انا : علشان دي حقيقه لازم بعد موتي تفضلي فكراني فكره حبي ليكي لما تبصي للولاد تقولي الله يرحم ابوكم كنا بنحب بعض حب كبير ، ويكون جنبهم اخوهم الكبير واختهم يكونه بيحبو بعض ، لكن لو بعيد عن بعض مش هيحبه بعض وميراثي هيتقسم بين ثلاثه لكن لو عاشو مع بعض مش هيتقسم ، وانا قاصد بميراثي مش فلوس بس ، لا كمان اسمي عايزه يتقسم بينهم وهما بيحبو بعض مش كل واحد من ام مني : ( بصت شويا ليا وهي بتفكر ) طيب سبني افكر شويه انا : خدي راحتك في التفكير وردي عليا ( قومت امشي ) مني : ( مسكت ايدي ) انتا رايح فين انا : نازل عندي كام مشوار اخلصهم مني : طيب راجع انا : ايوه راجع نزلت من البيت رحت المكتب خلصت شويه شغل وعملت تحويل ل حساب المصنع بالفلوس اللي قال عليها مصطفي وقعدت لحد الساعه اتنين باليل وبعد كده رجعت البيت نمت ومني كانت نايمه صحيت الصبح بدري على مني وهي مبتسمه مني : صباح الخير يا حبيبي انا : صباح النور يا قمر مني : بقولك ايه انا : ايه مني : انا فكرت في كلامك وموافقه انا : بجد يا مني وافقه مني : ايوه وكمان اتكلمت مع ليليان هي في الاول رفضت بس انا اقنعتها انا : ( مسكت ايدها وبستها ) انتي جميله قوي يا مني قومت خدت دش وشربت القهوه ونزلت رحت المجموعه على الساعه اربعه كده رحت البيت الكبير سندي : حبيبي انا : ايه يا قمر فين ماما سندي : ماما في المطبخ انا : يعني انا جايب طباخين ودافع دم قلبي علشان اريحكم هي داخله المطبخ تعمل ايه سندي : لا طبعا الاكل ده لازم احنا اللي نعمله ولا اكلنا واحش يعني انا : ( لفف ايدي على وسطها ) لا طبعا انتو كل حاجه تعملوها حلوه بقولك ايه سندي : قول انا : فكرتي في كلامي امبارح سندي : بص يا باسل انا مش هعمل زي الاول واقولك لا او لازم تطلقها والكلام ده احنا اتصالحنا خلاص بس ليه عايزها معانا ؟ انا : علشان مش عايز اقوم من سرير وانام على سرير تاني انا امبارح نازل وخايف لحسن اموت , لكن هنا في البيت جنبك وهي جنبي واولادي معايا مفيش احلي من كده حلم ونفسي يتحقق يا سندي سندي : بلاش سيره الموت دي مش بحبها انا : بس لازم الموت موجود محدش يقدر يهرب منه علشان كده هو الحاجه الوحيده اللي بخاف منها سندي : طيب يا باسل فكر معايا كده لو حصلت مشكله بيني وبنها هتقف في صف مين انا : لا اصل انا مش جامعكم علشان اعيش في الجنه وفي الاخر انتو الاتنين تقلبوها نار سندي : ايوه برضه هتعمل ايه انا : مش هادخل وبعدين مني طيبة وانتي كمان يعني هتحبه بعض سندي : (بصه في عيني وهيا الوحيده اللي بتعرف تفهمني وتعرف بفكر في ايه او عايز ايه العشرة تحكم برضه ) طيب يا باسل انا موافقه تحب امته انا : انتي جاهزه امته سندي : في اي واقت يا باسل في اي وقت بوست سندي وبعد كده قعدت اتغدي معاهم وتاني يوم كانت مني جاهزه هيا وليليان جبتهم وهما حاطين ايدهم على قلبهم دخلنا جوه وسندي رحبت بيهم جدا قعدنا انا : بص بقي يا سندي انتي ومني في شويه حاجات لازم نتفق عليهم اولا الوقت هنقسمه بينكم انتي وهي كل واحده يوم بس يوم الجمعه ده انا بحب اقضيه لوحدي ثانيا انا مش عايز نكد ولا مشاكل انتو الاتنين كبار كفايه علشان تتفقه بينكم اللي هتنكد هطلقكم انتو الاتنين مش واحده بس ثالثا وده الاهم باسل وليليان انتو بره اي مشاكل بيني وبين امهاتكم ، ليليان انا نفسي تعتبريني زي ابوكي اي حاجه انتي عايزاها تطلبيها مني انا مش امك ، وانتا يا باسل ليليان دي اختك الكبير فاهمين اي حد عنده اي استفسار يقول ليليان : انا عندي انا : ايه هو ليليان : باسورد الوي فاي كام انا : انا من رأئي ليليان تطلع بره مني : وانا كمان ضحكنا كلنا انا : مني في حاجه اخيره مني : ايه هيا انا : شغلك ممكن خلي اي حد يمسكه مكانك زي العضو المنتدب مثلاً مني : يعني اسيب شغلي انا : لا الشغل بتاعك بس حد يمسكه مكانك. مني : طيب يا باسل اللي تشوفه سندي : تعاله اوريكم الاوض باسل : وانا رايح النادي انا : خد ياض نادي ايه باسل : عايز ايه انا : خد ياض هو انا مش ابوك تعاله باسل : خير يا سيدي انا : رايح النادي تعمل ايه باسل : عندي ماتش كوره انا : هو انتا بتعرف تلعب كوره باسل : كلابي كده انا : كلابي ماشي يا عم باسل اتفضل علي : ( راح نايحه ليليان ومسك ايدها عايز يخدها معاه ) بصي انتي تيجي معايا ليليان : ليه يا باسل باسل : اصل احنا هنعيش مع بعض لازم نتعرف على بعض اكتر انا : سيب البنت واتحرك انتا باسل : ماشي يا حاج بس دي مزه قوي يا طنط مني امي : ابن ابوك بصحيح مني وسندي : ( في صوت واحد ) عينه زيغه (بصه لبعض وضحكه) هههههههه انا : بقي كده طيب يلا انتي وهي على اوضتك يلا الصاله فضت عليا انا وامي انا : قولي انتي بتفكر في ايه امي : مش خايف انا : انا بعرف احكم بيتي كويس امي : بس انا خايفه عليك انتا معاك اتنين ستات مش ساهلين انا : ابنك يتخاف عليه امي : لا بس لو سندي زعلت انا هاخد حقها وانتا عارف انا : عارف يا ناحية عارف المشهد العام باسل قدر يجمع بين زوجتين لا ده كمان قعدهم مع بعض في بيت واحد يا تره هيقدر يكمل ولا الايام شايله ليه ايه اصلها مش سعيده دايما كنتم مع حلقة بعنوان الستات اللي عايزة تخانقني تتفضل ف التعليقات افتكرو اول كلمة ف الرواية كانت الغلط بيجيب غلط يعني من الاول الرواية هتبقي غلط ? يتبع ........

Free reading for new users

Scan code to download app

App Store Google Play

Facebookexpand_more