الحلقة ال 23 #الصدمة

1882 Words

#اعداء_بالدم #الحلقة_ال23 #الصدمة الصدمه هي انك تكتشف انك مش عارف حاجه خالص هي اللعب وره الستار اول ما تفتح الستار وتدخل الكواليس بتاعة مسرحيه الدنيا هتندم انك فتحتها هتتمني تكون اعمي علشان المعرفه دي عامله زي الشمس تنور الطريق لكن لو قربت منها تتحرق من النار باسل هيدفع تمن المعرفة اصل كل حاجه ليها تمن بدايه الحلقة امي ض*بتني بالقلم على وشي ودي اول مره تض*بني فيها بس ليه علشان كشفتها وايه موضوع سليم يبقي ليا وليها ايه مش عارف كان في ضوء امل يكون ابويا انا : انا عايز اعرف امي :: خايفه عليك المعرفه تمنها غالي انا : عندي استعداد ادفع بس اعرف امي :: طيب ( خدت نفس طويل ) بص زمان كنا ثلاث بنات و ولد ، خالك محمود زمان محمود كان ضابط في امن الدولة وجيه رئيس للادراه جديد بداء يدور ورا ا****عه وكلف خالك انه يمسك الموضوع ده لانه بيثق فيه جدا خالك كان عنده فضول وافق لحد ما في يوم عرف حاجات مهمه جدا راح يقابل المدير بتاعه علشان يعرفه وهو رايح اتخ*ف وراح على المكان اللي بتتقابلوه فيه وقابل واحد عرفه النشاط بتاعهم وهو انضم ليهم ومسك ملف بس بره مصر بعد ما زور وفاته محدش كان يعرف سافر المانيا و بعد جوازي من ابوك سافر المانيا يشتري معدات للمصنع قابل محمود هناك ومحمود شرح ليه وطلب من ابوك انه يشتغل معاه ابوك وافق ومسك ملف هنا في مصر وجاب فتحي الغول تحته هو و واحد تاني عرفنا بعدها انه مات غدر بابوك وكان التمن موت سعاد مراته التانيه ( ام مصطفي اخويا ) واخوك راضي كان لسه مولود جديد بعدها بمده ابوك مات وخالك رجع بعد ما عمل عمليه تجميل بس شكل جديد استلم مكانه وابوك بعد ما مات سبت كل حاجه منهم غير المصنع مقابل انهم يكونه بعيد عنكم بعد اللي انتا عملته مع سما وقلبت البلد هو ضمك ليهم علشان يحميك من الناس دي انا : :( قاعد اسمع وحاطت ايدي على دماغي ) وانتي عرفتي منين اني اللي قبلتيه ده يبقي اخوكي امي :: قبلته بعد ما رجع من السفر انا عارفه ان كل ده كتير عليك انك تفهمه وتستوعبه بس سامحني انا لو رجع بيا الزمن مكنتش هحكي اي حاجه انا : طيب يا ماما بلاش سليم يعرف اني عرفت امي :: ليه انا : كده انتي طول عمرك بتحفظي الاسرار مجتش على السر ده يعني امي: اللي تشوفه يا باسل براحتك مشيت امي وانا فضلت قاعد بحاول استوعب كل ده مش قادر وكمان بحاول ادور على اي حاجه غلط بس مش لقيه خالص الكلام شكله حقيقي ا****عه دي شغلها كده جوه وبره مصر مش عارف اعمل ايه فضلت قاعد لحد الصبح مكاني بعد كده طلعت الاوضه كانت سندي نايمه انا :سندي اصحي يا ماما يلا سندي :هي الساعه كام انا : الساعه سبعه الصبح سندي : لا مش هصحي دلوقتي سبني انام شويه كملت سندي نوم وانا قاعد في الاوضه جت الساعه 12 الظهر لبست بدله ورحت الشركه كان في شغل خلصته واجتماعات على الساعه 5 كده مني رنت عليا مني : باسل عامل ايه انا : من امبارح للنهارده كويس انتي اللي عامله ايه يا قمر مني : كويس انتا فين انا : في الشركه من الصبح مني : طيب بقولك ايه تيجي نتقابل انا : فين مني: تيجي ليا الشركه عندي نتغده مع بعض انا : طيب تيجي نتغده في مطعم بره مني : مطعم بره اوكي ماشي انا : هنروح مطعم اسمه...... بس بلاش حراسه مني : ليه يعني انا : بلاش انا بتخنق من الحرس مني : اوكي هتحرك دلوقتي سلام انا : سلام يا قمر نزلت من الشركه انا : سامح ارجعو انتو البيت انا رايح مشوار سامح : من غير حراسه انا : ايوه سامح : طيب خدت عربيتي ورحت على المطعم مني جت ورايه انا : ايه يا قمر كل ده تاخير مني : معلش بقي الطريق كان زحمه جدا انا : ماشي يا قمر ويتر : ايه طلبات حضرتك انا : طيب نقعد شويه ولا عايزنا نمشي بسرعه ويتر : لا يا فندم انتو منورين اسف هاجي كمان شويه مشي الويتر مني : انتا احرجت الواد ده قوي انا : لا احراج ايه انا بهزر معاه بس مني : بس غريبه شويه انا : ايه الغريب مني : بتهزر مع الناس بتلقائية جدا مع ان شكلك متكبر انا : لا انا مش متكبر خالص بالع** انا كل الموظفين عندي بيندهو عليا ب باسل من غير اي تكليف حتي الحرس مني : غريب انتا برضه يا باسل اللي يشوفك اول مره اتقبلنا فيها غير اللي يشوفك مع جاك هادي جدا غير دلوقتي بتهزر وتضحك مع كل الناس انا : بصي يا مني عدوك ت**به بالخوف والناس ت**بها بالتواضع والهزار مني : ( بصه ليا بابتسامه ) ماشي يا باسل واحنا قاعدين واحد غريب دخل علينا شخص : مني هنم الديب منوره يا فندم مني : اهلا وسهلا شخص : انا رمضان صاحب المطعم مني : اهلا يا استاذ رمضان رمضان : انا مش مصدق حضرتك مشرفاني بنفسك يا ابتهال يا ابتهال ابتهال دي اختي الصغيره اتمني انها تكون زي حضرتك دخلت علينا ابتهال ايوه عزيزي القارئ هي ابتهال بنت الكلب اللي باعتني ل سما ابتهال : ايوه يا رمضان رمضان : دي مني هانم الديب يا ابتهال سيدة الاعمال المعروفه ابتهال : اهلا وسهلا يا هانم نورتي المطعم كله ( بصت ليا وشها اصفر بالمعني الحرفي ) انتا رمضان : هو انتي تعرفي الباشا يا ابتهال مني : ده باسل بيه ال**دي رمضان : يا اهلا يا اهلا بملك الحديد المصري انتو شرفتو المطعم انا : طبعا شرفناه رمضان : حقك يا باشا محدش قد حضرتك انا : ازايك يا ابتهال رمضان : هو حضرتك تعرف ابتهال انا : ( باصص ل ابتهال وبفتكر كل اللي عملته ليها وانا مبتسم ) طبعا ابتهال معرفه قديمه جدا ولا ايه ابتهال : ( واقفه وعليها علامات الخوف والاستغراب ) ايوه طبعا ده باسل ال**دي انا : بيه باسل بيه ال**دي رمضان : انا هبعت حد من الشباب ياخد طلبتكم انا : وليه شباب ابتهال اهي متهيقلي ابتهال عندها خبره في القصه دي رمضان : طبعا طبعاً يا فندم مشي رمضان وابتهال فضلت واقفه اتعدلت في قعدتي وهي اتهزت لوره خوف ابتسمت ليها انا : هتاخدي ايه يا مني مني : إسكالوب بانيه انا : يبقي اتنين اسكالوب ابتهال : تمام يا فندم ثانيه والاكل يجي انا : خدوه وقتكم احنا مش مستعجلين ولا ايه مني : اللي تشوفه مشت ابتهال وهي بتجر رجلها من الصدمه والخوف مني : بقولك ايه يا باسل هو انا ممكن اسأل سؤال انا : عايزه تعرفي انا اعرف ابتهال منين مني : لا اصل ابتهال دي مش لونك ومش من مستواك فا عادي يعني انا : ( ابتسمت ) انتي غيرانه ولا ايه مني : ( بثقه بس ورها غيره هي غيرانه عليا حتي من مراتي ) لا اغير ليه انا مش بغير خالص انا : طيب يا ستي ده دافع كويس اني احكي مني : تحكي ايه انا : عن سندي مراتي اصلها احسن ست في الدنيا كلها طيبه وجميله قمر وشاطره حتي علاقتنا مني : ( اتغاظت ) انا مشيه انا : ( مسكت ايدها وهي قيمه ) خلاص يا ستي اقعدي مني : لا انا عايزه امشي انا : طيب اقعدي بس اقعدي ( قعدت مني وشها قالب ) بصي انا مش بحب الكذب انتي قولتي انا مش بغير اصل مفيش ست مش بتغير كل الستات غياره علشان كده اتكلمت عن سندي وده مش معناه انها وحشه لا بالع** كل حاجه قلتها صح في حقها ومش عايزك تتخيلي اني ممكن اقول عليها حاجه وحشه علشان انتي قاعده لا انا بقول الحق لو على رقبتي في مشهد اخر البيت في الصعيد منتصر قاعد متوتر جدا وفاتح التليفون موقع وزاره الحربيه وظهرت النتيجه ( تم قبول الطالب منتصر محمود راضي ابراهيم ال**دي طالب ملتحق بالفرقه 198 قوات جويه ) اتنطط من الفرحه ودخل يجري في البيت كان قاعده امه وجيهان منتصر : نجحت يا ماما نجحت حياه : نجحت في ايه منتصر : ايوه صح انتي متعرفيش انا اقولك اصل عمي باسل خلاني اقدم في كليه الحربيه بس من غير ما حد يعرف وظهرت النتيجه نجحت حياه : ( مستغربه ) بجد منتصر : ايوه يا ماما نجحت اهي الرساله حياه وجيهان ض*به الاتنين زغرودته جامده جدا ومصطفي ومحمود راح لما كلموهم محمود : بجد يا منتصر انتا متأكد منتصر : ايوه يا بابا ايوه نجحت محمود : ( خد منتصر بالحضن ) الف مب**ك يا ابني الف مبروك منتصر ; ( تليفونه رن وكان انا المتصل ) الو يا عمي انا : الف مب**ك يا حضرت الضابط منتصر : الله يبارك فيك يا عمي حضرتك عرفت منين انا : يابني انا عارف من مده طويله بس قولت استني لحد ما النتيجه تظهر رسمي محمود : ( شد التلفون من منتصر ) باسل انا مش عارف اشكرك ازاي يا اخويا انا : طيب ده كلام تقولة انتا لسه قايل اخويا وبعدين دي غلطتي ولازم اصلحها محمود : بقي كده انتا وابن الكلب ده من وره الكل انا : عيب عليك تشتم حضرت الضابط برضه ميصحش ده كبر دلوقتي محمود : بجد شكرا يا باسل شكرا انا : مصر ماشي يا عم اديني منتصر منتصر : ( خد التلفون ) ايوه يا عمي. انا : عايزك تطلع بره البيت كده عند البوابه منتصر : ( طلع بره البيت ) ايوه انا بره انا : شايف العربيه البي ام ركنه من الصبح دي منتصر : ايوه انا : دي الهديه بتاعتك يا عم الف مبروك منتصر : بجد يا عمي بجد انا : هو انا عمري هزرت معاك منتصر : لا الصراحه لا انا : طيب يا سيدي الف مب**ك اسيبك تفرح مع اصحابك والشباب سلام منتصر : سلام يا عمي سلام في مشهد اخر سليم راح لرئيسه في المكان المجهول مع الشخص المجهول شخص : خير يا سليم سليم : لا خير يا باشا شخص : طيب قول اتكلم سليم : منتصر ابن اخو باسل ال**دي شخص : ( ساب القلم اللي في ايده ) ايه طالع لعمه بتاع مشاكل سليم : لا لا الواد اتقبل في كليه الحربيه شخص : طيب ايه المشكله ابعت ل باسل هديه ليه قزازه من بتوعنا ول الواد عن طريق عمه هديه حلوه سليم : انا هعمل كده فعلا بس انا في حاجه انا مش فاهمهها شخص : مش فاهم باسل عمل كده ازاي من غير مساعده منا صح سليم : حضرتك عارف منين هو ده اللي بفكر فيه شخص : يا سليم انا فاهمك اكتر من مراتي نفسها احنا عشره عمر سليم : طيب ازاي شخص : ( ولع سيجاره وهو مرجع ظهره لوره ) المطعم سليم : مطعم ايه شخص : باسا لما كان عنده المطعم فكره هو خلي المطعم ده مكان تلجاء ليه كل الحراميه اللي عايز يعمل صفقه من تحت لتحت يروح اللي عايز يخلص شغل بره الاجنده يروح كانت لما تيجي بلاغات عن الناس دي كان باسل بيعرف وهو بيمشي الناس دي بسرعه بعد كام مره من دخول الحكومه المكان رفع قضيه على وزاره الدخليه ومن ساعتها الضابط اللي تجيله اخباريه عن رش*ه ولا حاجه شمال تحصل في المطعم مكنش بيروح علشان مش هيسلم من باسل سليم : ازاي باسل المطعم بتاعه من وهو عنده 20 سنه كان باسم امه ولما كمل السن القانوني بقي باسمه وبعدين باسل اشتري المطعم ده علشان سندي كانت بتقعد هناك وهو كان حابب يكون قريب منها شخص : ده سبب من الاسباب يا سليم سبب واحد بس علشان كده اول ما باسل ظهر على الساحه بعد خروجه انا : قولتلك بسرعه عايزه عندي سليم : ( تليفونه الخاص رن ) دي مني الديب شخص :طيب رد عليها سليم : الو يا مني........ ايه حصل ازاي ده...... طيب اهدي طيب ( قفل ) مصيبه شخص : ( طفي السيجاره ) باسل ##يتبع

Free reading for new users

Scan code to download app

App Store Google Play

Facebookexpand_more