اعداء بالدم

خاتمة الجزء الاول

#نكمل

المشهد الرئيسي

رجعت البيت بس لمني وقعدت مده على الوضع ده وبخطط لانتقامي الاخير من الخاين اللي باعني بعد اسبوع خدت باسل بعد ما طلع من المدرسه يقضي يوم عندي مع مني وصلنا وسبت باسل تحت وانا طلعت اخد دش واغير جت مني

مني : ايه ده باسل باشا ال**دي عندنا البيت نور

باسل : ازايك يا طنط

مني : انا كويسه بس بلاش كلمه طنط دي ماشي

باسل : ماشي يا طنط مني

مني : انتا غ*ي بقي ولا ايه

باسل : دي چينات يا طنط

مني : هههههههه رخم زي ابوك بقولك ايه تعاله معايا في جوه ايس كريم جيباه تحفه

باسل : لا عايز قهوه

مني : هههههههه حتي دي زي ابوك بس انتا لسه صغير ناكل الايس كريم دلوقتي وبعدين لما تكبر اشرب القهوه

باسل : ماشي يا طنط

نزلت انا وقضيت اليوم مع باسل وبعد كده مشي وصلته البيت وعدي اسبوع تاني

في مشهد اخر

عمي عا** دخل شقه في برج في القاهره فيه مراته التانيه اسمها رضوي بنت 30 سنه

عا** : رضوي دودو انتي فين

رضوي : انا : في الاوضه ياحبيبي

عا** : ( دخل اوضه النوم ) ايه الليلية عسل ولا ايه

رضوي : لا يا اخويا الحرس يتصلو بيك دلوقتي وتنزل تجري على الشغل

عا** : لا متخافيش الحرس روحه اجازه وكمان العربيه في البيت انا جاي بتا**ي ( طلع تليفونه قفله ) ادي التليفون مقفول محدش هيحشني عنك يا جميل

رضوي : طيب تعاله جنبي

عا** : ( نط على السرير و قرب منها)

رضوي : ( بعد ما قرب منها حطت ايدها وره ضهرها طلعت صاعق كهربه وكهربته في رقبته ) نام يا بغل

في مشهد اخر

الساعه اتنين بليل دخلت ابتهال الشقه بتاعتها لقتني قاعد في الضلمه

ابتهال : ( اتخضت ) باسل

انا : :( قاعد بارد ) بيه باسل بيه

ابتهال : ( استجمعت قوتها لانها متوقعه الزياره دي جت قعدت جنبي ) خير يا باسل

انا : كل خير انا ليا حق عندك وجي اخده

ابتهال : ( فكرت شويه ) بص يا باسل انتا كنت جدع معايا لابعد الحدود وانا كنت نادله معاك لابعد الحدود بس خلينا نتفق واللي انتا عايزه خده

انا : ندله ل ابعد الحدود لا يا ابتهال انتي عديتي النداله بمراحل تخيلي كده لو انا واحد وحش كان زمانك دلوقتي نايمه على رصيف في الشارع وتصحي على صوت كلب ببيشمشم فيكي او بتاكلي من الزباله او مثلا شغاله شحاته او في شقه دعاره وانا زبون ليكي مهمتك تستحملي حاجه انتي مش عايزها ولا حباها علشان بس أرمليك شويه فلوس او خمسين جنيه تبس تمن ابتسامه في وشي لكن انا اديتك فرصه اي حد يتمناها ، زي اني دخلتك مطعم مكنتيش تحلمي تدخليه او تشتغلي فيه او شقه تقعدي فيها وانتي متحلميش تشتغلي فيها شغاله حتي

ابتهال : انسي يا باسل انسي على فكره النسيان ده نعمه كبيره قوي خدها وانتا ال**بان على فكره انا عيط عليك كتير جدا ايوه اصل انا بني ادمه وبحس بس نسيت كل ده وعشت حياتي

انا : انتي عارف محمد صاحبي اللي كان قاعد في المكتب اليوم ده لما مشينا قالي ايه انتا مش خايف لحسن نسرقك ولا تدخل حد ي**قك انتي عارفه رديت عليه قولت ليه دي واحده ست واللي بيستر ست ربنا بيسترها معاه دنيا واخره تمن الستر اللي قدمته ليكي دخلت المستشفي المجانين ولما جيت ليكي المطعم يا زباله حطيتي سم ليا في القهوه انا بقي هحط ليكي السم بس في حياتك

طلعت بخاخ منوم رشيته عليه نامت ودخل الرجله خدوها هي ايوه بعتني وانا سامحت بس لما اعرف اني كان في سم في جسمي قبل ما اض*ب بالنار وانا طالع من المطعم بتاعها يبقي لا ، خدتها ورحنا على المقابر وفتحت قبر ونزلتها فيه بس خليت راسها لبره علشان لما تفوق فاقت بعد شويه

انا : صباح الخير يا ابتهال

ابتهال : ( دايخه ) انا فين

انا : انتي في قبر

ابتهال : ( تبكي بالدموع ) لا ابوس ايدك بلاش ابوس رجلك

انا : لا مش هسيبك وبس هخليكي تموتي بحسره عارفه مين اداني مفاتح الشقه بتاعتك اخوكي رمضان وخد مني شيك ب 2 مليون جنيه الصراحه طلعتي رخيصه قوي يا ابتهال

ابتهال : ابوس رجلك بلاش اموت انا كان نفسي اعيش مرتاحه انا ذنبي ايه لما شاب في سنك ساعتها يكون عنده كل حاجه البيت والعيله والفلوس والصحه وانا واللي بحبه معناش نكمل تمن السرير اللي هنتجوز عليه ذنبنا ايه لما نعيش في فقر وجهل وانتا واللي زيك عايش في عز والسلطه

انا : زنبك ايه صحيح ملكيش ذنب وانا كمان لما ادخل مصحه مجانين كان ذنبي ايه ولما ابني يتولد وانا مش معاه ذنبي ايه ولما اطلع الاقي الكل قالب عليا انا ذنبي ايه الذنب ذنب اللي قبلنا وانا وانتي دفعنا تمنه ( شورت لسامح يطلعها ) اسمعي انا سبتك بس بعد ما **رتك وعرفتك ان كل حاجه ليها تمن انتي بعتي وقبضتي التمن ولما حبيتي تعيشي عيشه مش بتاعتك دفعتي التمن اخوكي باعك وانا بقي مسامح في حقي و هدفع الفاتوره لوحدي علشان برضه مش ذنبك امشي يا ابتهال امشي

طلعت تجري ابتهال من قدامي

سامح : بعد كده

انا : اطلع بينا على العين السخنه اليوم لسه مخلصش

في مشهد اخر

عمي عا** صحي لقي نفسه قي اوضه شباكها مفتوح وقدامه بحر وانا قاعد

انا : صباح الخير يا عمي

عا** : باسل انتا بتعمل ايه هنا

انا : اقولك انا بعمل ايه انا هنا باخد حقي

عا** : حق ايه يا مجنون انتا

انا : مجنون طيب اقولك انتا الفاتوره بتاعتك بكام وطلبت ايه انتا ساعدت سما زمان علشان اخش مستشفي المجانين كان كل دليل يلاقيه حد انتا كنت بتدفنه وبعد ما طلعت ساعدت جاك ورافي اليهودي علشان تقفل تحقيق في محولة قتلي انتا عم وحش جدا

عا** : ( اتوتر جامد ) يعني ايه هتقتلني ولا ايه اعقل يا باسل انا عمك

انا : عمي ايه بقي ما خلاص بس انا مش هقتلك انا هحبسك

عا** : ( اطمن وضحك ) ههههههه تحبسني ازاي انا وزير الداخلية

انا : اسكت مش انتا اتشلت من منصبك الفجر اصل الفجر وصلت مقاطع فيديو ليك مع رضوي علشان كده شالوك لبسوك الجلبيه ههههههههه انتقامي بقي علشان انتا عمي هتتحبس في القريه دي دي قريه سياحيه انا اشترتها علشان تقعد فيها ومش هتعرف تطلع هنا في رجاله حراسه علشان متطلعش ابدا والقريه مفيهاش سكان غيرك انتا والحرس مش هتطلع من هنا غير على قبرك يا عمي اه صحيح نسيت اقولك رضوي انا اللي بعتها ليك علشان تتجوزها وتعرف تجيبك هنا يا عمي سلام

طلعت من الاوضه ونزلت تحت وهو عمال يزعق علشان يمشي وانا ركبت انا والرجاله ورجعنا البيت بتاعي عند سندي كنت مجمع العيله كلها الشباب والكبار والصغيرين كلهم دخلت

انا : متجمعين في الخير يا ولاد ال**دي

بهجت : خير يا باسل مجمعنا ليه

انا : انا : مجمعكم النهارده علشان في حاجه عايز اعرفها ليكم ( حكيت عن عمي عا** وكل اللي عمله معايا ورد فعلي )

علاء : ( بغضب ) انتا مجنون

انا :ايوه وب ورق رسمي كمان

اشرف : ( بنفس رد الفعل ) ازاي تعمل كده

انا : زي الناس

اشرف : ( مسكني من القميص وطلع مسدس وحطه على دماغي ) انطق ابويا فين بدل ما اقتلك

انا : ( في الوقت ده دخل سامح و15 واحد من الرجاله انا كنت فاتح الاسبيكر ومسمعه كل واحد رافع سلاحه على اشرف ) نزل سلاحك يا سامح انتا والرجاله واتفضله انتو

سامح : ( انا مفهمه يعمل ايه ودي نمره علشان اوريه انا اقدر اعمل ايه ) بس

انا : مفيش بس اتفضله انتو

طلعت الرجاله

انا : نزل سلاحك يا اشرف

اشرف : انتا بتهددني برجالتك اسمع انا همشي وارجع بقوه اهد البيت على دماغك

انا : يبقي اعتبر نفسك انتا والقوه و وكيل النيابه اللي هيمضي امر القبض عليا جثث

علاء : ( بهدوء ) يابني ده عمك برضه

انا : عمي بعني مره باتنين مليون جنيه وتاني مره بثلاثه مليون دولار تصدقه الفرق في البيعه الاولي والتانيه كبير

ساره : ( بتعيط جامد ) بقي كده يا باسل تحبس عمك تحبس ابويا

انا : ايه يا جدعان انتو ليه فاكرين اني حبسه في بدروم البيت لا ابوكي قاعد في قريه سياحيه وفي فيلا على البحر عدل جنبه خدم وحشم وده كله قصاد انه حبسني في مستشفي المجانين طلعني مجنون عشر سنين كاملين وكان السبب في اني قعدت مشلول كام شهر لو حسبناها هيطلع على ابوكي حساب كبير قوي

ساره : طيب انا عايزه اشوفه

انا : براحتك عنوان القريه ميتوهش أسألي جوزك عليه

محمد : وانتا كنت شريها علشان كده

انا : ايوه ده السبب عايزه تروحي روحي وخدي معاكي اشرف واختك الكبيره لما ترجع من بره مصر وكمان امك روحه اقعده بس هو لو فكر يطلع بره هيض*ب بالنار من الحرس ( قومت لبست الجاكت علشان امشي ) نورته بيتي يا عيله ال**دي

طلعت بره كانت سندي نزله على السلم رايحه الشغل

سندي : صباح الخير يا باسل

مردتش عليها ومشيت رحت لمني

المشهد العام

باسل خد حقه من كل واحد باعه بس برضه طلع وليه كتير عند ناس اكتر رضي بالحسبه دي وعدي عادي المهم اني غليله مشفي في الجزء دي شفنا ازاي بدات وانتهت ومعاها حاجات كتير زي طيبه قلبه وكمان حبه لسندي الحب الجميل اللي عاش معاه ازاي كان طاهر ازاي كان فيه صراع بينه وبين نفسه الصراع اللي كان هيقضي عليه و ازاي خد حقه من اللي ليه عنده حق دي النهايه بس للجزء دة اتمني في الجزء الجاي يكون كويس وتنال اعجاب القارئ زي ما اتعودت خيط صغير للي جاي ( اوعي تنسي مشاكل الماضي علشان هييجي يوم و تلقي طريقها ليك ، الماضي لازم تكون مخلص الفاتوره بتاعتة اول باول ) وهنا يسعدني اقولكم

كنتم مع الحلقة الاخير من الجزء الاول من رواية #اعداء_بالدم نلقاكم في اجزاء وحلقات اخري