اعداء بالدم

الحلقة العاشرة

#اعداء بالدم

#الحلقة_العاشرة

دي الحلقة العاشرة ونقدر نقول نهاية المرحلة الاولي ف الرواية شوفنا فيها باسل وهو بيحارب على كذا جبها حرب علشان العيله وحرب علشان وحرب علشان اخوه الحرب الاخيره علشان حبه كان لازم ياخد استراحه مقاتل بس الاستراحه دي كذبه بنقولها للمقاتل علشان يشحن بس المحاربين مش بياخده استراحه بيفضلو يحاربه لحد ما يموتو علشان الحرب يتكون جزء في الكينونة بتاعتهم

المشهد الريسي

قعدين في البار وبتكلم في الجواز

اشرف : مش عارف يا باسل ايه اللي دخلك السكه دي

انا : سكه ايه

اشرف : الجواز يابن عمي الجواز

انا : ماله الجواز يابن عمي

اشرف : ( سكران جدا ) خنقه

انا : ليه بس

اشرف : يعني باسل مثلا كنت بشوفك في الثانويه لما كنت في البلد كل يومين ثلاثه معاك واحده تحل من على حبل المشنقه ايه خلاك تتجوز

انا : لازم الاستقرار اد*ك قلت انا شوفت كتير بس زي سندي مفيش علشان كده اخترتها

اشرف : يابني يابني انتا مش كل الستات واحد نفس كل حاجه زي العربيات بس اختلاف الامكانيات يعني عندك انا مثلا لما اتجوز من اختيار ابويا في الشغل عندي مدير رخم اسمه ابويا و لو قررت اتنقل اخاف اروح حته فيها حد من اهل مراتي ارخم من ابويا وفي البيت بقي عندي ست زي الفل والياسمين تتحط على الراس بس انا مش فاضي اقعد معاها شوية

انا : ( بكلم مصطفي ) انا من رائي نمشي الزبون تقل

مصطفي : ( شاور على محمد ) غير الزبون التاني

انا : ( بصيت على محمد كان واقف يرقص مع واحده اتعرف عليها هنا وسكران وماسك كاس رحتله وكلمتها ب الانجليزي ) هو شاذ

بنت : ( بعدت عن محمد ورقصت بعيد )

خدت محمد ورجعنا الفندق كلنا طلعنا عند الاوض لقيت ناجية طالعة من اوضه سندي شف*ني وانا شايل محمد

ناجية : ماله الحيوان ده

انا : تقل في الشرب

ناجية : اوعي تكون انتا كمان شارب

انا : شارب ايه لو انا شارب كنت عرفت اشيله

ناجية : طيب ده مش هينفع يروح ل ابوه كده لازم يفوق الاول خده الاوضه عندك

دخلت بيه الاوضه انا وامي حاولنا نفوقه معرفناش

انا : وبعدين في المصيبه دي

ناجية : مش عارفه الحق الواد نبضه ضعيف

انا : وبعدين

ناجية : روح نادي بنت عمك ساره بسرعه

انا : نوديه مستشفي او اجيب سما هي دكتوره متمرسه

ناجية : لو روحت ل حماتك تبقي فضيحه وهي والمستشفى واحد

انا : طيب

روحت السويت وخبط فتحلي عمي

عا** : في ايه يا باسل احنا الفجر

انا : معلش يا عمي ماما نست الحقنه وعايزه ساره تديها الحقنه

عا** : دلوقتي

انا : معلش يا عمي

عا** : طيب هشوفها لو صاحية (دخل ورجع)

ساره : مالها ناجية يا باسل

انا : تعالي شوفيها

خدت ساره ورحنا الاوضه عندي

ناجية : بقولك ايه يا ساره فوقي الواد ده وبلاش حد يعرف

ساره : ( قاست النبض هي اساسا طالبه في كليه الطب ) ده نبضه ضعيف خالص بقولك ايه يا ناجية فين حقنه الفيتامين بتاعتك وكمان فوار النقرس

ناجية :في الاوضه عندي روح جبهم يا باسل

انا : ( رحت جبتهم ورجعت ) خدي

ساره : ( اديته حقنه الفيتامين وبعد كده جابت كوبايه **رت الفوار وجابت باسكت الزبالة سدت مناخيره وشربته الفوار رجع على طول ) بس كده بكره هيفوق يبقي زي الحصان

ناجية : شكرا يا حبيبتي بس بلاش حد يعرف ماشي

ساره : ماشي يا ناجية سلام

وصلت ساره الاوضه ورجعت نمت مكاني ومحمد على السرير تاني يوم محمد صحي لقي نفسه عندي وانا مش موجود طلع الاوضه بتاعته غير وخد دش ونزل لقي ساره قاعده

محمد : ساره فين باسل ؟

ساره : مش عارفه انتا كويس

محمد : ايوه كويس مالي

سارة : اصل امبارح كنت سكران طينه وفوقتك

محمد : بجد انا تقلت امبارح شويه

ساره : ماشي يا عم بس خلي بالك من نفسك بقي ومتخافش سرك في بير

محمد : امان يعني

ساره : امان يا معلم

محمد : معلم هو انا قاعد مع واحد صحبي

ساره : هههههههه شكلك يضحك قوي

محمد : ماشي ده من ذوقك

عدينا الاسبوع ومفيش حاجه جديده خالص جيه يوم الفرح كان الخميس لبست بدلتي وسندي لبست الفستان الابيض ونزلنا الفرح كان على البيسين ( الكاتب عندة عقدة من البيسين دة ) كان حاجه تحفه وخلص الفرح خدت سندي وطلعنا الجناح بتاعنا كان مفروش ورد وشموع

سندي : (بصت لي المنظر وهي فرحانه) واو يا باسل

انا : ايه رايك

سندي : تحفه تحفة يا حبيبي

انا : ادخلي غيري بقي علشان ن*د الدنيا

سندي : ( ب**وف ) انتا قليل الادب

انا : انا قليل الادب انا مشوفتش تربيه اصلاً ( شديت سندي عليا )

سندي : ( بعدت عني شويه ) باسل هادخل اغير

وقعدنا مع بعض لحد الساعه عشره الصبح سهرانين بحب فيها وادلعها لحد ما نمنا صحينا على المغرب على صوت خبط جامد بره طلعت افتح

انا : ايه في ايه

ناجية : ايه يابني كل ده نوم

انا : وانتي كل ده تخبيط

سما : لمض حتي وانتا صاحي

انا : ( شورت ليهم يدخله وانا دخلت الاوضه ل سندي ) سندي اصحي يا ماما

سندي : في ايه يا باسل مش عارفه انام

انا : قومي ناجية وامك بره

سندي : الساعه كام

انا : 6 المغرب

سندي : يا لهوي كل ده نوم

قامت سندي دخلت الحمام خدت دش وانا حصلتها وطلعنا بره لقيت ناجية وسما قعدين يضحكو

ناجية : صباحيه مباركه يا عرسان كل ده نوم

سندي : معلش يا ماما سهرنا شويه

ناجية : يا ريت يكون ب فايده

ضحكت انا وسندي ات**فت

ناجية : انزل يا باسل ل اعمامك تحت

انا : ماشي يا حاجه

نزلت تحت كانو قعدين كلهم

علاء : ايه يابني قلقنا عليكم

انا : ليه يعني

علاء : كده محدش رد وده قلقنا جدا

عزت * ابو محمد * : ( لقي علامه حمره من عضه سندي على رقبتي ) وتقلق ليه الواد شرفنا اهو

الكل قعد يضحك وسندي فوق مع ناجية وامها هروها اسئله خلصنا وطلعت ل سندي وتاني يوم كنت في الاوضه بتاعتي بنجهز الشنط ل السفر واقف في الصاله ومعايا سما

انا : ( اديت سما علبه ) اتفضلي يا طنط

سما : ايه دي

انا : افتحيها طيب

سما : ( فتحتها لقت تليفون ) ايه ده

انا : ده تليفون عليه الفيديوهات بتاعتك وكل حاجه تخصك مفيش نسخ منها خالص انا اخدت سندي وده كل اللي انا عايزه جيه الوقت تاخدي اللي انتي عايزه

سما : ( بصه ل التليفون ورافعه حاجبها ) ماشي

انا : ده كل حاجه نصيحه اتف*جي عليها وامسحيها بس بعد ما تفكري في طريقك

طلعت سندي مع ماما وهي وخداها في حضنها سما خبت العلبه وسندي خدتها بالحضن نزلنا ودعنا الكل وطلعنا على المطار رحنا ايطاليا قعدت هناك شهر كامل ونزلنا مصر اول ما وصلنا كان في خبر حلو جدا ان جيهان وحياه الاتنين حوامل قعدنا سنه وحياتي بين القاهره والبلد كملت شغل في المطعم محبتش اني اقفله خصوصاً انه بي**ب كويس جدا حياه وجيهان خلفو كل واحد ولد حياه راضي على اسم جدي وجيهان ابراهيم على اسم جدي الكبير سنه كانت سعيده جدا ب كل المقاييس والسنين مرت لحد ما وصلنا لي تاريخ موتي انا يوم 31/12/2009 التاريخ ده عمري ما هنسها تاريخ موت شاب عنده 30 سنه اسمه باسل جلال راضي ال**دي كان يوم راس السنه كونت مع سندي في القاهره رجعت من المطعم لقيت النور مطفي وفي شموع ورد كتير مفروش على الارض لحد اوضه النوم دخلت جوة سندي كانت لابسه طقم زي بتاع ماما نويل

انا : احنا ليلتنا عسل ولا ايه

سندي : (ب ابتسامه) انتا شايف ايه

انا : احلا عسل ( قربت منها )

سندي : ( بعدت نفسها ) نفتح الهدايا الاول انتا جبت ليا ايه

انا : ( خلعت الجاكت ) ماشي خدي يا ستي

سندي : ( فتحت العلبه لقت صندوقين خشب فتحت الاول ) ايه الصور دي

انا : دي كل صوره خدتها انا وانتي من يوم ما عرفنا بعض لحد امبارح

سندي : والتانيه

انا : افتحي وشوفي

سندي : ماشي ( فتحت الصندوق لقت مسدس صغير حريمي لونه دهبي ) ايه ده

انا : انا مش علمتك ض*ب النار

سندي : ايوه

انا : خلاص ده حمايه ليكي

سندي : ماشي بس انتا جبت هديتن وانا جايبه واحده بس

انا : مش مهم ايه المهم انك معايا انتي الهديه الكبيره بتاعتي

سندي : (ب ابتسامه حب) ماشي افتح

انا : (فتحت العلبه وكانت صغير لقيت فيها حتت بلاستك معرفتش ايه هي بس قلت اجاملها وخلاص ) ايه ده جميله يا سندي انتي عرفتي منين اني عايز واحده

سندي : هههههههه انتا مش عارف ايه دي صح ؟

انا : ( حسيت بي الغباء شويه ) الصراحه لا بس اكيد حلوه اي حاجه منك حلوه

سندي : طيب يا استاذ ده اختبار حمل

انا : (بصيت ليها شويه واتكلمت وانا متلجلج ) حمل حمل ايه جيباه ليه ده يا سندي جيبه ليا اختبار حمل ليه حد قلك اني حامل ولا حاجه

سندي : هههههه لا ده بتاعي شايف الخطين الحمر دول

انا : ايوه ملهم

سندي : معني كده اني حامل

انا : ( حسيت اني الدم اتسحب ميني وشي اصفر وجسمي ثلج ) حمل

سندي : (ب فرحه) ايوه

انا : ( فوقت من الصدمه اني هكون اب ) يعني انتي حامل دلوقتي

سندي : ايوه

انا : ( خدتها في حضني جامد جدا ) ياه يا سندي يعني هكون ابب وعندي ابن يطلع متخلف ل ابوه و اروح بيه المدرسه ادخله الجامعه ويبقي كبير واجوزه

سندي : ايوه ايوة

خدت سندي في حضني ونمنا على السرير وسرحت في ابني اللي جي الدنيا شوفت لحظات ليا معاه وانا بعلمه ركوب الخيل وبوصله المدرسه وامتحانات الثانويه ودخوله الجامعه وفرحه فوقت من السرح على صوت المنبه من التليفون كان لسه داخل الجيل الثالث جديد مصر فتحته لقيت انذار من نظام الامن في المطعم

سندي : في ايه يا باسل ؟

انا : مش عارف شكل في مشكله في المطعم الانذار اشتغل

سندي :طيب انتا رايح فين

انا : رايح اشوف في ايه

سندي : طيب بلغ البوليس

انا : الانذار كده كدة ض*ب في المديرية وزمانهم هناك دلوقتي بس لازم اروح ( فتحت الدرج طلعت المسدس بتاعي وخدت رخصه السلاح )

سندي : خلي بالك من نفسك

انا : يا ستي بلاش قلق 10 دقايق وراجع سلام

سندي : سلام

نزلت من البيت وركبت العربيه رحت عند المطعم ملقتش حد بره وله عربيه امن قولت يبقي اتأخرة طلعت المسدس ودخلت المطعم مفيش حاجه رحت ناحية المكتب فتحته ودخلت فتحت النور ولقيت حد نايم علي بطنه في الارض ميلت اشوف وشه طلع خالد صاحبي بس ده كان اختفي من مده بعد شويه سمعت صوت سرينا البوليس مقدرتش اتحرك من مكاني رجلي سبته في الارض وانا في موقف لا احسد عليه صاحبي ميت على الارض وماسك مسدس في ايدي قبضه عليا ورحت على مديريه امن القاهره اشرف شافني بقي عقيد دخلنا جوه المكتب

اشرف : ( باصص عليا وانا باصص قدامي ومش عارف يقول ايه بي حاول يفهم الموضوع ويترجم الدنيا دخل الساعي بي الليمون ) اشرب يا باسل

انا : ( فوقت من السرحان ) لا عايز قهوه

جت القهوه وانا لسه لبس الكلبشان وبعد كام ساعه دخلت ناجية ومصطفي ومحمود

محمود : اوعي تتكلم

اشرف : اهدي يا محمود انتا ايوه محامي بس ده ابن عمي برضه

ناجية : ( سكته وقعدت على كرسي قدامي ) ايه اللي حصل يا باسل

انا : مش عارف

ناجية : ازاي يا باسل مش عارف

انا : يعني مش عارف انا انذار المطعم بتاعي ض*ب روحت هناك لقيت كل ده

ناجية : يابني بلاش تقول الحقيقه في المحضر بس لازم اعرفها انا على الاقل علشان اعرف اطلعك منها

انا : اطلع ازاي دي جريمه قتل مع واحد كان في بينه وبيني مشاكل من ثلاث سنين

ناجية : ( زعقت فيا ) اسمع يا روح امك جو الاستسلام ده مينفعش فوق حارب

انا : احارب دي حرب خسرانه

ناجية : ( بهستريا ) لا مش خسرانه لا مش خسرانه هتطلع هجيب اكبر محامي في البلد هكلم الحكومه كلها لو حكمت ههربك لو كنت فين ها طلعك

اشرف : اهدي يا ناجية انتي عارف بتقولي ايه فين

ناجية: ( بزعيق غضب ونار حرقه على ابنها اللي هيضيع ويكفيك شر حرقه ناجية العدوي ) طظ في المدريه طظ ( خبط على المكتب ) كلملي ابوك بسرعه ولو نايم صحيه يا إمه اصحيه انا

انا : ( قومت خت ناجية في حضني وبوست راسها ) اهدي يا ناجية اهدي مفيش فايده انا معملتش حاجه وطالع والحقيقه هتبان

مشيت ناجية مع مصطفي ومحمود قعد معايا راحت البيت عندي وكان هناك اعمامي دخلت وسندي راحت على حضنها وبتعيط

سندي : عايزه باسل عايزه اشوفه

ناجية : مش هينفع يا سندي بس اوعدك هيرجع

دخلت الصالون كان الكل قاعد اول ما دخلت الكل سكت اترمت على كرسي

مصطفي : ماما انتي كويسه

ناجية : ( مغمضه عنيها وحاطه ايدها على وشها بتحاول تتفاده الدموع ) مصطفي ادخل المطبخ اعملي قهوه دلوقتي

مصطفي : حاضر يا ناجية

ناجية : ها يا جماعه هنعمل ايه

عا** : (بي استياء) مفيش حل

ناجية : ازاي مفيش حل

عا** : بصي يا حاجه الحل الوحيد هو الصبر اول ما الضباط راحه المطعم بعد ما جرس الانذار ض*ب حرزوه هو والكاميرات وكمان تليفونه على كلامه انه راح لما جرس الانذار ض*ب هيقرنه تاريخ الوفاة مع وقت ض*ب الانذار وهيطلع

بهجت : ازاي يا عا** الواد لازم يطلع

عا** : معرفش

ناجية : ازاي متعرفش انتا مدير امن تقول معرفش والكلام ده في المدريه بتاعتك

عا** : معرفش يا جماعه معرفش

ناجية : متعرفش انتا راجل خايب عارف يعني ايه خايب

عا** : يا جماعه انا لو في ايدي حاجه كنت عملتها ده ابننا يعني يهمني

بعد كام يوم باسل محجوز في المدريه بدأت القضيه تتحرك رغم ان الفتره دي كان في لبش كتير بس وضعي و وضع العيله خلي القضيه دي لبانه عند الصحافه وده اجبر القضاء يركن كل القضااة بتاعته ويفضي ل القضيه دي طلبت من ناجية نوته عندي في البيت صغيره فيها ارقام ناس كبار في البلد بس المشاكل اللي كانت في البلد الوقت ده خلت الكل قفل تلفونه الخاص مفيش مفر لحد ما في يوم اتعرضت على النيابه

وكيل النيابه: قولي يا باسل انتا عندك مسدس ارقامه ********** صح

انا : ايوه

وكيل النيابه : وايه يخليك ترخص مسدس

انا : ( لسه هتكلم المحامي هو اللي رد اسمه ماهر دياب )

ماهر : يا افندم باسل موكلي راجل صاحب وزن ومكانه وعنده املاك ما بين ارض و عقارات لازم يكون في سلاح ل الحمايه واظن مثبت قدام حضرتك في محضر الشرطه ضبت رخصه سلاح مع متعلقات الشخصيه

وكيل النيابه : بطل كتابه يابني بص يا باسل انتا شاب كويس غير بقي التحريات بتاعتك زي الفل انتا مفيش عليك مخالفه سير حتي بس كل ده يطلعك مدان

انا : يا افندم ازي هقتل حد في مكاني كنت عملتها في اي حته

وكيل النيابه : أبدا كتابه وعرضنا على المتهم اكتب اسمه ثلاثي مقطع من كاميرات المراقبة ( فتح فيديو ليا وانا في المطعم لسه بقفل الباب وخالد جالي ودخلنا عادي المكتب واتخانقنا وطلعت مسدس بتاعي وض*بته بالنار ازاي انا مش فاهم ده وشي ايوه ) ده وشك منور في الفيديو بتاعك

انا : ( بصيت لي الفيديو ازاي ده انا مستحيل اكون عملت كده ) ازاي انا مش فاكر اني عملت كده

وكيل النيابه : طيب مش فاكر ازاي وتقرير السموم بيقول انك مكنتش شارب خمور او م**رات يعني انتا كنت في كامل وعيك

خلص التحقيق وخدت اربع ايام على زمه التحقيق

في مشهد اخر

عمي عا** مع ماهر وامي واخويا محمود ومصطفي في المكتب عنده

عا** : خير يا ماهر

ماهر : مش خير خالص القضيه مقفوله مفيش مخرج حتي كاميرات المراقبة اللي قولنا دليل خروجه تدينه اكتر باسل وشه في الفيديو منور

ناجية : طيب الحل ايه الواد هيتعدم

ماهر : قانونا يتعدم بس في حل تاني

ناجية : موافقه عليه من غير ما اسمعة

ماهر : لا لازم تسمعي يا هانم احنا لازم نشكك في قوه ال*قليه

ناجية : ازاي

ماهر : هو انكر انه عمل كده قدام النيابه يبقي عمل كده وهو مش في قواه ال*قليه

ناجية : لا يبقي ياخد اعدام احسن

مصطفي : انتي بتقولي ايه يا ماما

ناجية : عايز اخوك يبقي مجنون

ماهر : يا هانم احنا بنعمل ده لمصلحته يعني يدخل مصحه نفسيه احسن ما يتسجن او ياخد إعدام نقدر نجيب محقق خاص يدور على اي خيط لكن لو عملنا كده دلوقتي مفيش وقت خالص

ناجية : زي ما سمعتم ياخد اعدام

مشت ناجية لوحدها راحت البيت عندي لقت سندي قاعده في الصاله ضامه رجلها ومسكه الصور بتاعتي انا وهي هديه راس السنه

ناجية : ( راحت خدتها في حضنها ) اهدي يا بنتي اهدي انا هخرجه

سندي : ( اتعدلت في القعده وبصت ل ناجية وشيفه امل اني ارجع ) ازاي ها اازي

ناجية : ها هربه

سندي : ( زاد بكاها عليا ) مينفعش

ناجية : لا ينفع يهرب اطلعكم بره مصر عيشه هناك

سندي : ازاي باسل يكون هربان وابنه لسة مجاش الدينا , انا حامل

ناجية : ( بصت ل سندي وزاد بكاها جدا ) حامل

سندي : ايوه

ساعتها ناجية قبلت بي الامر الواقع اطلع مجنون وتجيب محقق خاص وخلاص اطلع احسن ما اخد اعدام او اهرب كلمت ماهر واتفقه على كل حاجه وجالي ماهر المديريه في مكتب اشرف

ماهر : ها يا باسل قلت ايه

انا : (قاعد والحديد في ايدي والنار قدامي وملك الموت بينادم بياسمي اخترت نار الارض ) موافق.

اشرف : لا طبعا ازاي توافق ارفض والعيله تخرجك منها

انا : (بضحك من كلامه ومن الهم اللي انا فيه) هههههههههههههههه عيله قال عيله صح عيله ايه يابني انا محدش هيعرف يخرجني من هنا انتو بالعافيه مخليني قاعد في اوضه النبتجي مش في حجز يا راجل ده انا قاعد والحديد في ايدي علشان صحفي ميحولش يصورني وساعتها وتبقي فضيحه

اشرف : انتا مستسلم ليه

انا : علشان الحديد في ايدي انتا لا علشان كده الكلام سهل عليك استاذ ماهر انا عايز اقابل عيلتي

ماهر : بكره يكونه عندك

تاني يوم في مكتب عمي عا** كانت قاعده ناجية واشرف ومحمد صحبي وسندي ومصطفي ومحمود

انا : انا وافقت على عرض المستشار ماهر (سندي زاد بكاها) بس باسل عندي شويه طلبات ولازم تتنفذ اولاً مفيش اي زياره نهائي ثانيا انسوني كأني مش موجود او مت تمام ثالثا بقا سندي ها تنزلي الصعيد تعيشي مع ناجية لحد ما تخلفي بعد كده لو حبه ممكن اطلقك وتكملي حياتك انتي لسه في سن الشباب وكل حقوقك هتخديها صدقيني انا مش هزعل

سندي : انا مستحيل اسيبك

انا : الكلام سهل يا سندي الكلام سهل بس الفعل صعب انا لسه طريقي طويل جدا

سندي : لا مش صعب ولا مستحيل انا مش هشيل اسم حد غيرك وهتطلع ساعتها هستنا انا وابنك علشان ناخدك

انا : ( ابتسمت علشان كل ده مش هيحصل ايوه سندي مش واطيه تبعني بس ده لمصلحتها ) محمد ايه مش سامع صوتك اول مره تكون ساكت

محمد : انا هطلعك حتي لو هدخل مكانك

انا : ( ب ابتسامه رضا اصل انا اخدت كل حاجه انا عايزها ) مينفعش يا صاحبي هنا قصه صداقتنا هتنتهي بس انا هتقل عليك بامانه ابني عايزك تكون جنبه تعلمه وتكبره مش عايزه يطلع زيي عايزه يمشي جنب الحيط مش عايز التاريخ يعيد نفسه

ناجية : متقولش كده انتا اللي هتربيه

انا : ( مسكت ايد ناجية وبستها ) انتي عارفه طول عمر الناس تحسدني عليكي , راضيه عني

ناجية : طول عمري

سندي : (حضنتني) بلاش يا باسل

انا : ( عدلت راسها وبستها من راسها ) سندي انتي طالق ( قومت )

سندي : ( مسكتني من هدومي وبهستريه ) ردني يا باسل ردني

انا : ( بوست ايدها ومبتسم ) ده لمصلحتك

طلعت من الاوضه على الطب الشرعي وطلع التقرير اني مجنون وخطر على الامن العام ويجب وضعه في مصحه نفسيه رحنا لي النيابه وكيل النيابه بص في التقرير وضحك امر بتحويل القضيه على المحكمه هناك

حاجب : محكمه ( الناس كلها وقفت دخل القاضي والناس قعدت )

قاضي : بعد الاطلاع على اورق القضيه وشهاده الشهود ومرافعه النيابه قررت المحكمه حضوريا بإيداع المتهم باسل جلال راضي ابراهيم ال**دي في مستشفي الامراض النفسيه والعصبيه مدي الحياه رفعت الجلسه

في مشهد اخر

الاتنين المجهولين بتوع روسيا قاعدين

شخص : ( قدامه بث مباشر لي المحكمه سمع الحكم وقفل الشاشه )

شخص 2: هو ليه محولش يهرب مع انه يقدر

شخص : باسل غير اي حد انا قابلته او شوفته او سمعت عنه هو عارف ان الخطه بتاعتهم فاشله علشان كده محبش انه يفرفر قبل ما يموت

شخص 2 : بس ده هيدخل مستشفي يعني مش هيموت

شخص : لا باسل واللي زيه الحبس ليهم موت ودبح نفوق ل شغلنا

شخص2 : تحب تطلع على ملف ايه

شخص : ( قدامه ملف عني وفيه صورتي قفله اوده للي معاه )

شخص2 : معني كده اني مش هنشوف باسل ال**دي تاني

شخص : معرفش باسل ال**دي نادر جدا هات ملف السلاح واخر التطورات اللي فيه

المشهد الريسي

دخلت مستشفي الخانكه وبعد شهر قدمه طلب نقلي ل مستشفي خاص ل تداعي صحتي اتقبل الطلب بس بعد ما الاوضاع استقرت وكله فتح تليفونه رحت مستشفي خاص دخلت وانا قاعد على كرسي بعجل ومربوط ايدي ورجلي المفروض اني حاله خطر اول ما دخلت سمعت صوت رجل لبسه كعب عالي انا عارف دقة الرجل دي كويس وصوت واحده بتكلمني من وره في ودني

صوت : اهلاً بيك في جهنم عجبك الخزوق ( لفت ليا كانت اللي توقعتها هيا سما ) ايه رايك معلمه صح

انا : ( ضحكت ) ههههههههههه

سما : ايه مش خايف

انا : ( ضحكت اكتر ) ههههههههههههه لا

المشهد العام

دي حكايه باسل شوفته فيها ازاي كان طيب مع اصحابه وعيلته ازاي حب واتحب وحارب ل حبه وازاي كان جدع وحارب ل جدعنته و**ب بس الحرب الاخيرة استنزفت باسل كانت حرب البقاء باسل كان طيب وجدع ومحترم ايوه كان شاب وطايش بس بحدود علشان كده دفع تمن كل ده عمره دي نهايه فصل من قصه باسل خيط بسيط ( باسل مش غ*ي ) ده خيط ممكن يكون بوابه لي نور في ال*قول او اكتشاف شغف جديد زي الكتابه هنا اقدر اقول

كنتم مع الحلقة العاشرة من روايه ( #اعداء بالدم ) اتمني لكم قرائه ممتعه وبالنسبة اني اكمل الرواية بطريقة سرد الشخصية او لا ف دة قراركم انتم هستنا تعليقاتكم