Nang makauwi ako sa mansion ay naabutan ko si Liam at Arthur na magkatabi matulog sa sofa habang bukas ang tv sa sala. Natawa naman ako nang makita si Arthur at Liam na parehong nakanganga matulog.
“Ma'am?” Napalingon ako sa tumawag sa 'kin at nakitang si Lolita pala iyon, isa sa mga kasambahay rito sa mansion.
“Bakit po?” tanong ko at lumapit sa kaniya.
Tinuro niya iyong double doors. “May isang itim na kotse po ang nakaparada ro'n, hindi ko alam kung ano po ang gusto niya,” aniya. Yumuko ito ng bahagya at bumalik na sa kaniyang ginagawa.
Bahagya naman kumunot ang noo ko. Sino naman 'yon? Wala naman akong naalalang pinapunta rito, ah?
Napamura ako at salubong ang kilay ko palabas ng mansion. Alas dose ng gabi, ano'ng gagawin no'n dito kung sino man 'yon? Gano'n ba ka-importante 'yon
