"MAY naisip akong magandang plano, pare."
Napabaleng naman si Kanor sa kaibigang si Bugoy.
"Pero hindi ko alam kung papayag ka lalo na at interesado ka sa anak-anakan mo," sabay ngisi nito.
"Ano ba iyon?" tanong ni Kanor.
Tumungga muna ito ng alak. Mas lasing na ito kaysa sa kanya. Ngunit alam ni Kanor na malinaw pa ang pag-iisip nito.
Inakbayan siya nito.
"Hindi ba gusto mo ng malaking pera?" wika nito.
Tumango si Kanor.
"Naisip ko, bakit hindi mo gamitin si Hanna sa apo ni Don Dante? Kailangan niya lang na magpanggap na nagugustuhan niya ang binatilyo, at kapag nabihag niya ito, doon niya simulang hingan ng pera, siguradong bibigay iyon lalo na't maganda si Hanna at fresh pa!"
Hindi nakakibo si Kanor. Gumalaw din ang panga niya dahil hindi niya gusto ang naisip nito.
Nang
