Nakatunganga lamang ang dalaga habang nakatingin sa highway. Ilang araw nang hindi bumibisita si Santi sa bahay nila. Minsan na lang din ang tawagan at palitan ng messages nila.
Malungkot na nagbuntong hininga siya. Napatingin siya sa cellphone niya nang tumunog iyon. Mabilis ang kilos na sinagot.
"Hello?" excited niyang saad. Matagal bago may nagsalita.
"Ikaw ba si, Edyssa?" tanong nito.
Kaagad na natigilan siya nang marinig ang boses ng isang babae. Hindi niya iyon kilala. Napatingin siya sa numero at hindi kay Santi iyon.
"S-sino 'to?" tanong niya.
"Just answer me," giit nito.
"Oo ako nga bakit? Sino po ba kayo?" tanong niya.
"I am, Reesha Saavedra. Kapatid ko si, Santi. Nabalitaan kong ikaw ang bagong flavor of the month niya," ani nito.
Kaagad na napahawak siya nang
