Chapter Thirty-seven
Unang araw pa lang ay pagod na pagod na ako. Daig ko pa ang binugbog dahil sa pagtakbo. Pero kahit masakit ang katawan ay nakiusap ako kay Nevara na hayaan akong mag-practice sa pag-a-assemble ng mga baril. Ngayon ay nakalatag sa carpet ang mga iyon. Nakasalampak at isa-isa kong binubuo.
Sa tuwing natatapos ako ay kinakalas ko rin at muling binubuo. Paulit-ulit. Pabilis nang pabilis.
"What the f**k?" bulalas ni Saint na kararating lang. Hindi ito makapaniwala habang nakatitig sa mga baril na naglakat.
"Hi, Saint!" kumaway pa ako rito.
"What are you doing?" agad itong lumapit at kinuha sa akin ang baril na hawak ko. Pero binawi ko rin iyon at ipinakita rito kung gaano ko kabilis na naia-assemble iyon.
"Basic lang sa akin, Saint. Tignan mo," nagpakitang gilas
