Chapter Sixty-four
Dinner. Nabalitaan ng mga Lucchetti na narito kami sa mansion kaya bigla na lang sumulpot. May dala pa silang dinner kaya naman kasama namin sila ngayon dito sa hapagkainan. Katabi ko si Saint habang ang Padre de pamilya nila ang nakaupo sa kabisera.
Si Lucifer lang ang wala. Mukhang totoo talagang nag-asawa na ito.
"Kumusta naman ang ilang linggo ninyong bakasyon?" ang tingin ng ginang ay nasa akin. Habang si Saint naman ang sumagot.
"Good, mom. Plano naming ipagpatuloy ang bakasyon namin. May dalawang linggo pa kami bago matapos ang isang buwang bakasyon."
"Hindi ka talaga nagdala ng phone para makontak ka namin," puna ng ama ni Saint.
"That's the point, dad. Ayaw kong magambala ang bakasyon naming mag-asawa," tugon ni Saint bago ito kumuha ng ulam at nilagya
