Sa sinabi ni Mikaela ay literal na nawalan ng kulay ang mukha ko, ni hindi ko na rin maramdaman ang kaluluwa ko. Para akong pinagbagsakan ng langit at lupa habang nanlalamig ang buong katawan ko.
Nangunot ang noo ko. Titig na titig din kay Mikaela, pilit na hinahanap sa mga mata niya kung tamang nagbibiro lang ba ito. Ngunit sa mariin niyang paninitig, sa seryosong mukha niya at sa determinasyong nakikita ko sa kaniya ay natanto kong hindi siya nagbibiro.
Walang ka-humor-humor ang itsura niya at hindi ko rin alam kung saan ako mas natatakot na isa siyang assassin; sa reyalisasyon bang kaibigan namin siya, na posibleng ginagamit nito si Leon para makakuha ng impormasyon?
O kung tama rin bang alam niyang isa ring assassin si Leon, o kahit sina Minerva, Vien at Pietro? Sa totoo lang ay ayo
