"Kasi kung nabaril ka nga nang dahil sa akin, responsibilidad na kita! Dapat ay kaya rin kitang protektahan!" sigaw ko ulit dito, kasunod nang pagsapak ko sa dibdib niya. "Nakakainis ka na!"
Patuloy ang mga luha ko sa pagtulo, walang humpay at walang awat. Mayamaya lang nang muling lumapit sa akin si Brayden at saka walang pag-aalinlangan na pinalis ang mga luha sa pisngi ko.
"But how, Leigh?" masuyong tanong niya habang dinudungaw ako. "You're scared as cat. How can you protect me, hmm?"
"Sa paraang kaya ko!"
Minamaliit ba niya ako?
Tumagilid ang ulo ni Brayden para lalong ilapit ang mukha niya sa akin. Napakurap-kurap naman ako. Inatras ko ang ulo ko dahil masyado akong naliliyo sa sobrang lapit naming dalawa, pero hinawakan niya ang likod ng ulo ko.
Pinigilan niya ako at siya na r
