Nagdaan pa ang mga sumunod na araw. Actually, hindi ko na rin nasundan pa ang bilang ng araw kung gaano na ako katagal na nandito sa isla. Maski ang eksaktong petsa ngayon ay hindi ko na alam— parang wala na rin akong pakialam.
Kasi para sa akin, mas ini-enjoy ko na lang 'yung mga araw na nandito ako. Tila ba sinusulit ko ang bawat paglipas ng segundo, minuto at oras. Bawat araw ay may natututunan ako.
Kaya ko nang lumangoy nang mag-isa, nang mas malayo at malalim. Marunong na rin akong magluto ng iba pang putahe na hindi ko naisip na makakaya ko pala. Ang makarami ng huli sa tuwing mangingisda kami nina Brayden.
Ang pagiging surfer na siyang pinakagusto kong gawin na naging hobby ko na rin. Sa tuwing hapon ay palagi akong pumapalaot, inuubos ko ang oras ko sa pakikipaglaro sa naglalaki
