"Can I borrow your phone?" mahinang pahayag ko habang nakatingin kay Brayden, sinusuklian ang paninitig niya.
Bumuntong hininga siya, kapagkuwan ay marahang tumango. Wala sa kaniya ang cellphone nito kung kaya ay napagdesisyunan na naming umakyat at pumasok ng bahay.
Sinusundan ko lang si Brayden sa kaniyang paglalakad. Nagbaba pa ako ng tingin sa kahabaan ng kaniyang braso, hawak-hawak nito ang kamay ko na para bang wala nang balak pang pakawalan.
Sa pagkakahawak niya sa akin ay naramdaman kong hindi niya ako iiwan, na kahit anong mangyari ay walang pagdadalawang-isip na poprotektahan niya ako maging kapalit man ang buhay niya.
Mapahamak man siya ay mas pipiliin pa rin niya ang kaligtasan ko. Matagal ko na iyong napatunayan kay Brayden, simula pa lang noong iligtas niya ako mula sa pa
