Napasinghap ako sa sinabing iyon ni Brayden. Pareho kaming gulat na gulat ni Aurora, rason para sabay din namin siyang tingalain. Seryoso ang mukha ni Brayden, may maliit ding ngiti na nakapaskil sa kaniyang labi.
Bumagsak ang panga ko. Sa sobrang pagkakanganga ko pa, kulang na lang ay pasukan ng langaw ang bibig ko. Isang beses akong kumurap upang ibalik ang huwisyo sa reyalidad. Mayamaya nang malakas na tumawa si Aurora.
"I see! Well, ahm... that's... good!" putol-putol ang boses niya, hindi rin alam sa sarili kung tama bang maging masaya siya. "Akala ko ay forever ka ng single!"
Peke na naman itong tumawa. Bilang babae na nakakaintindi sa kapwa niya babae, kita ko ang labis na panghihinayang ni Aurora. Hindi rin siya masaya, pero iyon ang pilit niyang ipinapakita sa amin.
"So, let's
