Umupo si Alexis sa hapag at mag-isang kumakain. Nalungkot na naman siya nang maalalang nag-iisa siya. Naaalala na naman niya ang binata. Mabilis na iwinaglit niya iyon sa isipan niya't nagsimula ng kumain. Akmang isusubo na niya ang ulam niyang fried egg nang biglang naglaway siya't parang hinuhukay ang tiyan niya. Mabilis na tumayo siya't dumuwal sa lababo. Sumasakit pa ang ulo niya. Ilang ulit pa siyang sumuka pero wala namang lumalabas. Parang nahihilong napasandig siya at hinawakan ang ulo niya.
"Ano bang nangyayari sa akin? Paborito ko naman ang fried egg ah?" takang tanong niya sa kaniyang sarili.
Agarang kinuha niya ang ulam at inilagay sa lababo. Hindi niya kayang tingnan ang itlog at talagang sobrang sama ng amoy nito. Napaupo na lamang siya sa mesa. Nakita niya ang lalagyan ni
