مجنون بعشقك

الفصل الثالث

...........فى منزل سالم الصاوى

استيقظت دينا من نومها على صوت آذان العشاء نظرت لساعة يدها وعلمت انها نامت لمدة خمس ساعات متتاليه..خرجت من غرفتها توضأت وأدت فروضها شعرت بالجوع الشديد فنادت على والدتها لاطعامها

دينا :ماما حبيبتى انا جعانه اوى

ميرفت :ايه يابنتى مش تقولى مساء الخير..ازيكم الأول قبل ماتفجعينا كده

دينا:حاضر مساء الخير الأول..ممكن تأكلينى لو سمحتى

ميرفت وهى متجهه للمطبخ لتحضير الطعام:اه يامغلبانى وانتى ماتعرفيش تحضرى لنفسك مش عارفه هتفتحى بيت ازاى

وقتها كان سالم والدها انهى صلاته :حبيبة بابا وحشتينى كده تحرمينى من الغدا مع اميرتى

دينا وهى تضمه:أسفه ياحبيبى والله كنت مرهقه جدا اتغدى بس وبعدها نقعد مع بعض فى التراس نشرب كوبايتين شاى ومحتاجه رأيك فى موضوع

سالم:من عيونى ياحبيبتى اتغدى الأول بس وبعدها نتكلم

ميرفت مقاطعه:خير هتتكلموا فى ايه جالك عريس

دينا :ياالله ياماما هو مافيش غير الموضوع ده إللى بتفكرى فيه

سالم:ده حال كل الأمهات المصريه يابنتى مش أمك بس

دخلت دينا لغرفة الطعام تناولت طعامها بنهم شديد وعندما شعرت بالشبع حمدت ربها على مااعطاها من نعمه وخرجت قامت بعمل الشاى ووضعته فى التراس المطل على شاطئ البحر

سالم: شايفك حضرتى القاعده كلها ..وأنا ياستى كلى أذان صاغيه

دينا:حبيبى ياهندسه ..احتارت دينا كيف تبدأ ومن أين تبدأ

سالم :دندون عملتى ايه مع مديرك المغرور عجبه الت**يم

دينا شعرت وكأن والدها فتح لها مجال الكلام وقصت عليه كل ماحدث بالتفصيل الممل

سالم:وانتى ياحبيبتى احساسك انك حابه تكملى ولا قررتى الاستمرار فى الاستقاله

دينا:محتارة ومش عارفه اخد قرار

سالم:انا عاوز اعرف قلبك إحساسه ايه مش عقلك

دينا :قلبى بيقولى كملى لكن عقلى رافض انى اكمل مع انسان مغرور زى ده بيتعامل مع الناس من فوق

سالم:بس انتى قولتى انه عاملك كويس جدا مش يمكن إللى حواليه هما إللى مانعين احتكاكه او تعامله المباشر بالمهندسين

دينا:تؤتؤ مااظنش لان مازن وريماس شخصيات لطيفه جدا مش متسلطين ولا عندهم تكبر ..لا لا يابوس

سالم:خلاص ياحبيبتى **مى على الاستقالة والف شركة تتمنى موهبتك

دينا:حضرتك شايف ايه

سالم:أنا شخصيا رأيى تديله فرصه وتدى نفسك فرصه وتجربى معاملته هتتغير بعد ماوجهتيه بحقيقته ولا لأ وبعدها خدى قرارك

دينا:بس انا خايفه يفكروا انى قدمت استقاله لمجرد الضغط عليهم يقبلوا ت**يمى

سالم:لا ده كلام مش منطقى نهائيا لان انتى مش إللى ممشيه الشغل وأعمالهم هتدمر لو سيبتيهم

دينا بمداعبه:اووووه لا ياسلومتى ده انا الكل فى الكل وانت ماتعرفش

سالم:وانتى هتقوليلى ماانا عارف بنتى تلاقيهم مش قادرين يستغنوا عن مناقرتك ليهم

دينا:تصور ممكن يكون ده سببهم لان انا جبهة المعارضه الوحيده

سالم:لا نتكلم جد شويه ..انتى هتعملى ايه ؟

دينا:ه**م على استقالتى مش هقدر ارجع فى كلامى تانى

قطع عليهم كلامهم صوت ميرفت والدة دينا

ميرفت:دينا موبايلك بيرن ياحبيبتى

استأذنت دينا من والدها للذهاب لغرفتها والرد على تليفونها الشخصى..ووجدت المتصله هى ريماس

ريماس:سلام عليكم يادونا عامله ايه ياحبيبتى

دينا :وعليكم السلام ..الحمد لله احسن ارتاحت شويه عن الصبح

ريماس:دينا حبيبتى عوزاكى تكونى اقوى من كده انتى دافعتى عن ت**يمك واثبتى كفائتك وده سبب يخليكى تتمسكى بشغلك مش تستقيلى

دينا:والله يابشمهندسه لسه كنت بتكلم مع بابا فى نفس الموضوع واخدت قرار بالاستقاله

ريماس:ماتسسرعيش يادينا انا محتجالك معايا امتى كفائة وموهوبه

دينا:الفكره انى مش هعرف اشتغل وأنا عندى إحساس انى ضغطت عليكم باستقالتى علشان تقبلوا ت**يمى

ريماس:لا يادينا والله العظيم من بداية الأمر والمهندس بيجاد قبل الت**يم..صحيح هو قال انه محتاج تعديل بسيط جدا لكن فى النهايه قبله

دينا:أنا هصلى استخاره واللى ربنا رايده هيكون ..وأنا شاكره جدا اهتمامك وتمسكك بيا

ريماس:حبيبتى أنا بعتبرك اختى الصغيره وصاحبتى كمان

دينا:وده شرف ليا واكيد علاقتنا مش هتنتهى حتى لو محصلش نصيب وكملت فى الشغل معاكم

ريماس:طبعا ده مالوش تأثير لكن فعلا أنا شايفه تمسك المهندس بيجاد والمهندس مازن بوجودك ومش عوزاكى تتسرعى

دينا:إللى فيه الخير يقدمه ربنا

ريماس:ونعمه بالله ..اسيبك ترتاحى وتفكرى بهدوء ..مع السلامه

دينا:الله يسلمك ..سلام

انهت دينا المكالمة مع ريماس وعقلها بدأ فى التخبط مرة أخرى قررت تؤدي صلاة الاستخارة وتفوض امرها لله عز وجل

..............اما فى فيلا العرينى

قررت راجية ان تتحدث مع ريماس ومازن وبحكم علاقة الصداقه التى تربط بين بيجاد ومازن فهى بحكم والدتهم مثل بيجاد تماما وتتعرف منهم على أى تفاصيل تخص دينا ..وبالفعل اغلقت عليها باب غرفتها وتناولت هاتفها وضغطت على رقم مازن للاتصال

راجية :سلام عليكم

مازن :وعليكم السلام ياأمى

راجيه :وحشنى ياولد كده برده مش بتسأل على امك راجية لا انت ولا ريماس

مازن:هنعمل ايه فى ابنك إللى مخلينى بشوف بنتى بمواعيد

راجية:سيبك منه واوعى تبعد عن يارا دى العسل كله وحشتنى اوى حبيبة تيتا

مازن:هنجيلك ان شاء الله فى اقرب فرصه

راجية:تنورونى ياحبيبى ..مازن كنت عاوزه اسألك على حاجه

مازن:اؤمرينى ياماما

راجية :تعرف ايه عن المهندسه إللى اسمها دينا دى

مازن:هو بيجاد قالك حاجه عنها

راجية :مازن انا إللى بسألك ولا اقولك ادينى ريماس اكلمها انت مش هتريحنى زى صاحبك

أعطى مازن التليفون لريماس والتى قامت بدورها بسرد كل مادار بين دينا وبيجاد وطلب بيجاد منها ان تقنعها بعدم الاستقاله واخبرتها أيضا عن إصرار دينا على قراراها

راجية :طيب انتى شيفاها تستاهل بيجاد وحبه ليها يابنتى أنا خايفه جدا

ريماس:لا ياماما هى بنت ممتازه وبنت ناس محترمين جدا

راجية :طمنتينى ياحبيبتى ربنا يريح قلبك ..واللى فيه الخير يقدمه ربنا

ريماس :اللهم امين

انهت راجية الاتصال مع ريماس ومازن وطلبت من الله ان يوفق ابنها لما هو خير له

.......................ومع اشراقة شمس يوم جديد استعدت دينا للذهاب لعملها وكانت قد أخذت قرارها بالاستقاله وابلغت والديها بالقرار وكان رد والدها ان هى ادرى الناس بنا هو اصلح لها

وجاء الآن موعد مواجهتها بالمهندسه ريماس التى اوضحت لها تمسكها بها والمهندس بيجاد الذى طلب منها الاستمرار بالعمل ..دخلت لمكتبها هى لا تعلم كيف تبدأ الحديث مع ريماس

ريماس:صباح الخير يادينا

دينا:صباح النور يابشمهندسه

ريماس:طمنينى يادينا قررتى ايه

دينا بإحراج شديد:للأسف يابشمهندسه مش هقدر اكمل معاكم وطبعا انا مقدرة كلامك معايا لكن والله حاسه انى بقتل أحلامى لو بقيت هنا

ريماس بحزن:عموما قرار قبول الاستقاله ده قرار المهندس بيجاد تقدرى تقابليه وتتكلمى معاه لكن لازم تتأكدى انى هفضل متمسكه بيكى كصديقه واخت واتمنالك دايما التوفيق

دينا :شكرا ليكى وده شرف ليا

ريماس:انا هكلم سكرتيرة المهندس بيجاد واطلبلك مقابلته

دينا :هو وماينفعش تبلغيه عنى

ريماس:للأسف لأ لازم يناقش معاكى أسباب الاستقاله

دينا :خلاص تمام كلميها

أجرت ريماس اتصالا وحددت موعد بعد نصف ساعه

مرت الدقائق على دينا وكأنها شهور وهى تقاوم التفكير فى المقا**ه إلى أن اتى الوقت واخبرتها ريماس بالذهاب لمكتب بيجاد

جمعت دينا أشلاء قوتها وشجاعتها وتوجهت إلى مكتبه استأذنت بالدخول

بيجاد:اهلا بيكى يابشمهندسه اتفضلى ارتاحى

دينا:شكرا ياافندم

بيجاد محاولا التمسك بهيبته:بلغونى ان حضرتك مصره على الاستقاله

دينا:أسفه طبعا اذا كنت قابلت كرم حضرتك بقبول الت**يم وطلب الاستمرار بإصرارى لكن ده غصب عنى

بيجاد بعصبيه:يعنى ايه غصب عنك حد بيضايقك هنا قوليلى وأنا اتصرف

دينا نافيه:لا لا ابدأ لكن عندى إحساس انى اقدر احقق طموحى فى أى مكان تانى اكتر من هنا انا ليا سنه ونصف هنا ده تقريبا اول ت**يم انفذه

بيجاد:ولو قولتلك انى ممكن اد*كى الفرصه دى وتشاركينى فى ت**يم أكبر صفقه دخلتها الشركه على مستوى الشرق. الأوسط

دينا:للأسف هحس وقتها انى ضغط على حضرتك باستقالتى وانك فضلتنى على زملائي وساعتها هتبدأ المشاحنات بينا

بيجاد وقد وصل لذروة الغضب:يعنى حضرتك م**مه على قرارك

دينا:بعد اذن حضرتك ايوه م**مه

بيجاد وهو يوقع على الاستقاله:وانا قبلتها يابشمهندسه دينا ..

وقفت دينا للخروج ووقف بيجاد تشابكت الايدى فى سلام والتقت العيون وكان لها حديث آخر لا يفهمه غير العشاق ...تبا ايها الرجل على قلبك اذا عشق فيعود عليك بقمة الضعف الذى ترتضيه لنفسك

دينا بمشاعر متخبطه:مع السلامه يابشمهندس كان شرف ليا انى اشتغل فى شركتك

بيجاد :انسه دينا الشركة فاتحه أبوابها ليكى فى أى وقت ولو غيرتى قرارك ده شئ هيسعدنى انا شخصيا

خرجت دينا من مكتب بيجاد وأغلقت الباب ورائها ولكنها لم تكن تعلم انها تفتح جرح قلب كاد أن ينزف على تركها له

القى بيجاد بجسده على كرسيه بإهمال وتعب ووضع وجهه بين كفيه

عادت دينا إلى منزلها بعد أن جمعت أغراضها وودعت زملائها..عادت وعندها شعور بالندم على ت**يمها على قرارها

اما بيجاد فعاد إلى منزله وهو محمل بخيبة امل من التقرب منها عن طريق العمل واحساس بالتوهه من بعد الفرحه ..

قابلته والدته وتألمت لحاله كثيرا فهى تعرف مدى تعلقه بهذه الصورة التى تجسدت فى جسد وشكل تلك الفتاة وعلمت أن ماوصفته لها ريماس فى الهاتف بعد ترك دينا للعمل اليوم كان هين على ماهى تراه الآن فى ملامح ولدها.. وحاولت **ر **ته واشغاله بأى حديث

راجية :بيجاد يا حبيبى احضرلك الغدا

بيجاد:لا ياأمى ماليش نفس أنا محتاج ارتاح شويه

راجية بخبث:عملت ايه مع دينا

بيجاد:مشيت ياأمى قدمت استقالتها وسابت الشغل

راجية:وايه يعنى لما تسيب الشغل ياحبيبى المهم انك لقيتها وعارف عنها كل حاجه يعنى ممكن تروح تتقدم لها كزوج وحبيب مش مدير وصاحب شغل

بيجاد بقهر ووجع:رفضت تكون معايا فى مكان واحد بمسمى الشغل تفتكرى هتقبل تشاركنى بيتى وحياتى هى رفضانى انا شخصيا بتتهمنى أنى متكبر وعايش فى برج عالى بعيد عن موظفينى

راجية :هى لسه مش عرفاك ولما هتتعرفوا على بعض الوضع هيختلف

بيجاد:ماوفقتش ياأمى ماوفقتش رغم كل العروض إللى قدمتهالها ...بالله عليكى سيبينى ارتاح ياأمى

راجية :ارتاح ياابنى وسيب كل حاجه على ربنا سبحانه مقلب الأحوال

صعد بيجاد لغرفته واغلقها على قهره..وصعدت راجية لغرفتها وأغلقت على نفسها جيدا واستعدت لاجراء مكالمه لعلها تريح قلبها وتساعدها على تهدئة ابنها