الفصل الأول

1732 Words

اشرقت شمس يوم جديد وكعادته يقوم من نومه يتوضأ ويقضى فرضه ويلبس ملابسه. الرياضيه وينزل للجرى على كورنيش بحر الإسكندرية يمارس رياضته المفضله يوميا لمدة ساعه ويعود بعدها لفيلته التى لاتبعد كثيرا عن البحر فهو يعيش مع والدته السيدة راجية فى إحدى الفيلل الاثريه الموجوده بمنطقة رشدى بالاسكندريه والتى اشتراها بعد محاولات عديده مع اصحابها من الخواجات وتحديدا الأرمان الذين أقاموا فى الاسكندريه لفتره كبيره وتوارثها أبنائهم واستطاع بالفعل إقناع الاحفاد واشتراها وانتقل هو ووالدته للسكن بها من حوالى عامين عاد بيجاد لمنزله ليجد والدته فى انتظاره على الفطور وهو تقريبا الوجبة الرسميه التى يتقابلون فيها لانشغاله بأعماله وعدم عودته يوميا غير فى مواعيد متأخره جدا من الليل راجية :صباح الخير ياحبيبى بيجاد:صباح الورد على عيونك ياست الكل هاخد شاور سريع وألبس وانزل فورا أفطر مع اجمل أم راجية:مستنياك ياقلبى أمك وبالفعل فى خلال عشر دقائق كان بيجاد اشيك رجل ببدلته الرماديه وقميصه الاسود ولم ينسى قبل خروجه من غرفته ان يلقى بكلمات الحب والغرام على صورة فاتنته بيجاد:صباح النور على إللى بدعى من قلبى فى كل صلاه انى اقا**ها وان ربنا يجمعنى بيكى من وقت مارسمتك وانا كل يوم حبك فى قلبى بيزيد ومش قادر اشوف أى ست غيرك انا بقيت مجنون بعشقك راجيه مقاطعه :ياابنى ياحبيبى هتفضل لحد امتى مستنيها يابيجاد نفسى اشوف ولادك قبل مااموت بيجاد:ربنا يد*كى الصحه وطول العمر ياأمى وحياتى بلاش كلامك ده انتى عارفه انه بيضايقنى راجية :اسفه ياحبيبى بس خايفه عليك تفضل ساجن نفسك فى وهم بيجاد :انا بحبها هى وبس وعمرى ماهرجع فى كلامى واتجوز حد غيرها هتقوليلى دى مجرد صورة هقولك زى كل يوم انا مجنون بعشق صورة دى فتاة أحلامى ولو مالقيتهاش زى مارسمتها وحلمت بيها مش هكون لواحده غيرها .....ويلا بينا ياست الكل احسن انا عندى اجتماع مهم ولازم امشى راجية:ربنا يوفقك ياابنى ويعترك فيها نزل بيجاد ووالدته لغرفة الطعام وتناولوا الفطور وخرج ركب سيارته وذهب لشركته وصل الشركه وزى كل يوم دخل وسط انبهار الموظفين وهمسات الموظفات بالأخص من شياكته ووسامته وضخامة عضلاته إللى كل يوم بتظهر وتزيد عن اليوم إللى قبله بيجاد:صباح الخير يامدام نيهال نيهال سكرتيرته الخاصه:صباح النور يافندم ثوانى والقهوه تكون على مكتب حضرتك بيجاد:المهندس مازن وصل ولا عنده مرور على المشاريع انهارده نيهال :وصل يافندم وسأل على حضرتك بيجاد :تمام بلغيه بوصولى ....مازن مهندس شاب من نفس عمر بيجاد وزميل دراسته وذراعه اليمين لايثق فى أى شخص غيره متزوج من ريماس زميلتهم فى الدراسه والعمل يحبها بل يعشقها والشخص الوحيد بعد والدة بيجاد الذى يعرف بفتاة أحلام بيجاد ولكن لم يرى صورتها الى الآن لكن مازن يتميز بروحه المرحه رغم التزامه ودقته فى العمل لكنه متهاون بعض الشئ عن بيجاد اتصلت نيهال على مكتب المهندس مازن وابلغته بوصول المهندس بيجاد وأنه فى انتظاره دخل مازن على بيجاد بدون سابق إنذار وبابتسامته المعهودة بيجاد:هفضل لحد امتى اعلمك تستأذنى قبل ماتدخل مازن:لحد مااموت ومش هستأذن برده بيجاد:طيب ياسيدى عملت ايه فى الإسمنت الناقص من فندق توليب مازن :وصل والعمال بدأوا الشغل من بدرى بيجاد:تمام ..عاوزك تجمع المهندسين وتشرحلهم شكل المساحات للمشروعات الجديده وتخليهم كل واحد ينفذ تصوره للمشروع على الورق ونشوف افضل ت**يم مازن:ليه انت مش ناوى ت**م انت الشغل الجديد بيجاد:هفضل لحد امتى ا**م انا محتاج اشوف الدم الجديد يامازن مازن :بس انت عارف ان ت**يماتك مميزه وده سبب شهرتنا بيجاد :خليهم يبتكروا وبعدها هقرر هعمل ايه بالضبط مش بياخدوا مرتبات على الفاضى هما مازن:خلاص خلاص انا هجتمع بيهم وابلغهم ولو انى كنت افضل انك تجتمع بيهم انت ده انت لحد انهارده ماتعرفش حتى اسمائهم بيجاد:وانا هعمل ايه بأسمائهم انا ليا شغلهم ..وبعدين يامازن انا مش فاضى للتفاهات دى انا عندى اجتماع مع الشركة الامارتية علشان مشروع دبى مازن:بالتوفيق ياصاحبى اسيبك انا تنزل اجتماعك وانا اروح اجتمع بالمهندسين خرج مازن وبيجاد جمع أوراقه وت**يماته ونزل يقابل الوفد الاماراتى اصحاب الشركة المنفذة للمشروع واجتمع مازن بالمهندسين والمهندسات وبلغهم بقرار المهندس بيجاد وكنت مفاجأه بالنسبه ليهم مازن:خير ياجماعه شايف الدهشه واضحه عليكم جدا ريماس مرات مازن ومهندسه من المهندسين :بصراحه لان اول مره المهندس بيجاد يطلب حاجه زى كده مازت:هو شايف انه لو دخل ت**يمات جديده وتخيلات مختلفه مع تخيلاته للت**يمات هيكون افضل وفى نفس الوقت انا شايف انه من الطبيعى انكم تعتمدوا على نفسكم إحدى المهندسات :لكن دى مسؤليه كبيرة جدا وتخوف لان كلنا عارفين ان المهندس بيجاد مش بيعجبوا حاجه مهندس آخر:هى مسؤليه لكن مغامره ومنافسه وبصوت قوى وتحدى ملحوظ ترد مهندسه أخرى:ولا مغامره ولا منافسه ده حقنا من وقت مااتخرجنا لكن المهندس بيجاد بحكم انه صاحب الشغل كان مستحوذ عليه ريماس ملطفه:أنتى اكيد مش قاصده كده بالضبط يادينا دينا:لا طبعا أنا بقصد كلامى حرفيا مازن بعصبيه:وايه إللى جابرك يابشمهندسه تكملى فى شركه صاحبها د*كتاتور وحاجر على طموحاتكم زى مافهمت دينا بعصبيه مماثله:لان دى أكبر شركه هندسيه ده غير أن الخبره إللى بنكتسبها من المهندس بيجاد بتتحسب للسى فى بتاعنا ريماس :استهدوا بالله ياجماعه دينا تقصد ان هى عندها ت**يمات وابتكارات لكن بتثقلها بخبرة المهندس بيجاد مازن:واضح قصد الباشمهندسه وماتحوليش تبررى اكتر من كده دينا بغرور :وانا قاصده كل كلامى ولو ريماس بتبرر موقفى فده لطف منها ولأنها خايفه عليا من إللى ممكن واكيد انه هيوصل للمهندس بيجاد ومن قراره بعدها بخصوصى ريماس :خلاص بقى يادينا فى ايه مالك انهارده مازن:باشمهندسه دينا بتتهمنى انى ببلغ المهندس بيجاد بكل حاجه ومع ذلك ده عادى وده حقه لانه صاحب الشركه ولازم يعرف كل صغيرة وكبيره ومتقلقيش ياباشمهندسه انا مش هبلغه كلامك حفاظا على وظيفتك دينا:لا عادى يافندم تقدر تبلغه واقدر كمان ابلغه انا بس هو يتنازل وينزل من برجه العالى ويتقابل مع مهندسينه الغلابه مازن:انا مضطر انهى الاجتماع ونكمل بعدين واعتقد انى بلغتكم بالمطلوب والوقت المحدد وهو ده التحدى الحقيقى ليكم جميعا خرج مازن من غرفة الاجتماعات وهو متعصب جدا من المهندسه دينا وأسلوبها وكلامها على صديق عمره وخرجت تجرى وراه ريماس لحد ماوصل مكتبه ودخلت وراه ريماس:مازن اهدى حبيبى بلاش عصبيه هى طيبه جدا والله لكن كلامها دبش مازن:وانتى بتدافعى عنها كده ليه ريماس:لأنها بجد بنوته طيبه جدا هى مشكلتها انها حاسه ان بيجاد متكبر ومش بيحاول يتعرف عليهم مازن:وهى.هتناسبه هى ليها شغلها وبس ريماس:يامازن وهو فين شغلها مجرد أوامر من بيجاد والمكتب كله بينفذها دول شباب متخرج جديد ولسه عندهم شوية حماس زياده مازن:ده على اساس انك عجزتى ولا ايه ريماس:كده يامازن انا عجوزه مازن بضحكه من قلبه:مش انتى إللى عملالى فيها حكيمه وبتحللي إللى صاحبتك عملته ريماس:ماشى يامازن انا مش هحاسبك دلوقتي لينا بيت نتكلم فيه ياباشمهندس مازن وهو بيغمز لها بخبث:طيب ايه هتودى يارا عند مامتك ولا ايه ريماس بعند مصطنع:هههه لا ياحبيبى اصل بنتى بتوحشنى ومش هقدر ابعد عنها مازن:بقت كده خلاص براحتك انا كمان ماما وحشتنى وهروح انام عندها انهارده ريماس:براحتك ياقلبى ..سلام خرجت ريماس من عند مازن ورجعت المكتب الهندسى إللى هى رئيسته بحكم انها اقدم منهم وتقريبا من وقت بداية الشركه ريماس:دينا انتى زودتيها اوى انهارده دينا:والله ياباشمهندسه انا بس انفعلت من طريقة الأمر لكن انتى انى مقصدش حاجه وحشه ريماس :وده كان السبب إللى خلانى ادافع عنك دينا:انا اسفه ليكى انتى بس لكن لسه عند كلامى ومستعده لأى قرار يتاخد ريماس:لا ياحبيبتى انا متأكده ان مافيش حاجه هتحصل لكن ورينى همتك وعاوزه اشوف ت**يم يثبت انك كان عندك حق فى كل كلامك دينا :ان شاء الله انا مش هنام لحد مااخلص الت**يم وربنا يقدرني وأكون عند حسن ظنك ريماس:انا عارفه انك قدها يادندون بالرغم من أن دينا اصغر من ريماس سنا الا ان ربطتهم ببعض علاقة صداقه بتلقائية دينا وقلبها الابيض إللى قربها من ريماس فى وقت قصير وده طبعا كان بيضايق بعض المهندسات واللى بيشاركوهم نفس المكتب رجع بيجاد الشركه وهو محقق نجاح فائق وقدر يمضى عقود ت**يمات وبناء الفندق والمول التجارى المقرر بناءه بأمارة دبى وده بالنسبه لكل الشركات العربيه أنجاز ليس له مثيل مازن:حمد الله على السلامه ياهندسه بيجاد :الله يسلمك يامازون مازن:ههههه مادمت قولتلى مازون يبقى اخدنا الصفقه بيجاد :عيب عليك ياابنى والله لو فكرت فى صاحبك انه يخسر مازن محتضنا بيجاد:الف مب**ك ياصاحبى قدها وقدود بيجاد:الله يبارك فيك ياحبيبى....المهم طمنى انت عملت ايه مع المهندسين مازن بضيق واضح:بلغتهم بقرارك..وطبعا اتفاجأوا بيجاد:ويتفاجأوا ليه ده المفروض ولا هما اخدوا على الراحه مازن:والله ده إللى حصل وعموما هما هيبداوا شغل بيجاد :بس ليه انا حاسس ان فى حاجه حصلت فى الاجتماع مازن:هيكون فى ايه يعنى بيجاد :بقولك ايه انا جاى فرحان قوم شوف مراتك فين وتعالى نخرج عازمكم على الغدا بمناسبة الصغقه الجديده مازن :ايوه بقى هو ده الكلام على الاقل تعوضنى حرقة الدم إللى اتحرقتها دى بيجاد:مش بقولك فى حاجه...عموما نتكلم واحنا بنتغدى هستناكم فى العربيه اجتمعوا كلهم ووصلوا رستوران مشهور بتقديم الأسماك طلبوا الغدا بيجاد:مش هتقولى ايه إللى حرق دمك فى الاجتماع ريماس:هو مازن حد بيحرق دمه ده هو إللى حارق دمى علطول بيجاد:ايه يامازون المدام بتشتكى منك مازن:لا وانت الصادق دى بتغطى على عاملة صاحبتها ريماس وهى بتبرقله:وهى كانت عملت ايه يعنى علشان ادارى هى قالت رأيها بيجاد :بس انت وهى مين صاحبتها وايه علاقتها بالاجتماع وايه رأيها ده إللى حرق دمك ريماس:هو ده غدا ولا استجواب بيجاد بضحكته الساحره:والله غدا بس مش هيمنع انى افهم ايه إللى حصل ريماس:يبقى تسيبنى انا احكيلك بيجاد :ماشى احكيلى انتى بس بمنتهى الحياديه زى ماانا متعود منك ريماس:رغم أنك كده ثبتنى لكن بجد هحكيلك وحكت ريماس إللى حصل وطبعا وهى بتحكى بتبرر موقف دينا ..لكن اتفاجئت برد بيجاد بيجاد:على فكره كلامها كله صح انت نفسك يامازن لسه قايلى انهارده انى حتى معرفش اسمائهم واتفاجئت بقرارى زيك زيهم ريماس:يعنى انت مش زعلان بيجاد:بالع** انا محترم وجهة نظرها جدا وده هيخلينى اتعرف عليهم بس بعد مايعملوا الت**يمات علشان يكون عندهم حافز يطلعوا افضل ماعندهم مازن:انا هاكل وطلع غيظى فى الاكل بدل مااقوم اطلعوا فيكم انتوا الإتنين بيجاد:انت طول عمرك مفجوع ياحبيبى انت هتتلكك بينا ريماس :اه والله يابيجاد عندك حق مازن:لا والله ماشى خليه ينفعك هو وست دينا دى بيجاد:هى اسمها دينا ريماس ومازن :أيوة اتغدوا مع بعض وسط ضحكاتهم وذكرياتهم عن ايام الدراسه ورجع كل واحد لبيته .........اما فى منطقة جليم وفى إحدى ال*قارات القديمه المقا**ه لكورنيش البحروصلت الجميله دينا لمنزلها الهادئ بدونها ... ومع وصولها تبدأ الضوضاء كما تقول والدتها دائما دينا:السلام عليكم يااهل الدار ...ايه ايناس هو مافيش حد هنا ولا ايه الأم السيدة ميرفت:اهلا بالازعاج كله وصلتى ياحبيبتى ناولينى قرص الصداع مبدأيا كده دينا مصطنعه الغضب:كده برده ياماما يعنى اشوفلى بيت تانى اعيش فيه والدها المهندس سالم مقاطعا:لا يادودى ده احنا نسيب البيت وانتى لأ ياقلب بابا من جوه دينا وهى تضم والدتها :اما عارفه ان الكلام ده مت ورا قلبك وانك بتموتىىىى فيا ميرفت:طبعا ياحبيبتى وانا عندى غيرك انتى وحضرة الضابط دينا:ربنا يرجعوا بالسلامه سالم:اطلع انا منها يعنى دينا وهى بتجرى تضمه:لا ده انت ضهرى وحبيب العمر كله ياسلم سالم:يابت اضحكى عليا دينا:لا بجد حضرتك عارف انى بحبك اد ايه ..وبعدين هو مافيش اكل ولا ايه الكلام ميرفت:فى طبعا ادخلى اتوضى وصلى على ماجهز الغدا دخلت دينا وجهزت والدتها الغدا ...اتغدوا وقعدت بعدها بدأت فى تنفيذ الت**يم دينا باتت الليل كله تشتغل فيه علشان تخلصه وتثبت انها كان معاها حق فى كلامها..وقد كان وانتهت من الت**يم مع ظهور قرص الشمس معلنا عن بدأ يوم جديد

Free reading for new users

Scan code to download app

App Store Google Play

Facebookexpand_more