Hormones
"Matagal pa ba?" Inip na tanong ko sa kanya.
Kasalukuyan akong nakaupo sa kama dahil sumasakit na ang likod ko kakahiga at gusto kong pag dumating ang mga anak ko ay diretso ko silang makita.
"Malapit na nga." Naiinis niyang sagot sa akin.
Prenteng nakaupo si Sierra sa sofa habang may katext sa cellphone niya.
"Gaano ba katagal yang malapit mo?" Kanina pa yang malapit niya pero hanggang ngayon hindi pa sila nakakarating.
Padabog niyang ibinaba ang cellphone niya. Masama niya akong tinignan na naging dahilan ng pagkalabog ng puso ko. Tangna!
"Malapit na nga Kib Dustin!" Sigaw niya sa akin.
Napapikit ako at napahawak bigla sa puso ko. Malungkot ko siyang tinignan ngunit di pa rin nagbabago ang ekspresyon ng mukha niya.
"Hindi mo na ako mahal?" Wala sa sariling tanong ko.
