من العالم الأخر

الجزء السادس

فكرة انى اكون عارف ومطلع على المستقبل وتبقى عارف الخطوة اللى جاية او اللى بعدها هتكون ايه هى دى فى حد ذاتها مرعبة لأنك مش بتكون عارفها لأنك مخططلها لاء بالع** انت بتكون عارفها ومفروضة عليك يعنى مينفعش تغير فيها حاجة هى كده كده جاية زى ما انت شوفتها قدام عنيك وتنبأت بيها تخيل كده تكون قاعد فى امان الله تشوف صورة اغلى حد عندك قدامك وبتسمع الهاتف اللى بيقولك انه بكرة مش هيكون موجود فى حياتك اد ايه ده احساس قاتل انك تبقى عارف مصير حد وميعاده محدد بالنسبالك ومتقدرش تنقذه او تخليه يستنى معاك شوية كمان او انك حتى تكون قادر تعوضه عن حاجات كتير اوى هو كان نفسه يعيشها ويحققها

صعب جدا ومستحيل حد طبيعى وعنده قلب واحساس يقدر يستحمل حاجة زى دى ويعرف يتعايش معاها عادى كده من غير اي توتر وقلق وحزن وخوف من ان يكون الدور الجاى على امه او ابوه او حد من اخواته او ابنه ولا بنته او مراته الناس القريبة اللى مش هتستحمل انك تكون عارف ميعاد موتهم ومستنيه ومطلوب منك تتقبل وتستحمل وتستنى اللحظة

الوحيد اللى بيكون عارف انه خلاص قرب يموت هو المحكوم عليه ب الاعدام وبرغم عن كده هو مش بيبقى عارف اي ساعة بالظبط هيموت فيها لكن فكرة انتظاره لليوم اللى اتحدد لموته دى لوحدها بيكون عذابها اصعب من الموت نفسه مع ان الطبيعة اللى ربنا خلق بيها الدنيا ان زى ما فيه بعث فيه كمان موت يعنى دى طبيعة والناس كلها مقتنعة ومسلمة بوجودها ومحدش يقدر يقول لاء دى حاجة ممكن نمنعها كل بنى ادم وكل كائن حي فى الدنيا عارف ان له يوم هيموت فيه لكن محدش عارف امتى بالظبط هيكون اليوم ده حتى المريض نفسه اه عارف انه تعبان جدا ومالهوش اى علاج لكن مش عارف الميعاد اللى حياته هتخلص فيه

ومش متخيل ازاى انسان عنده عقل قادر على انه يبلغ حد ميعاد موته كده عادى بسهولة ازاى قلبه يقدر يستحمل انه يرهب حد اه طبيعى الموت حق لكن له رهبة فظيعه محدش بيقدر يتجاوزها وللاسف دى كانت اول مرة فى حياتى من وقت ما اصبحت مبتلى با****ة دى انى اواجه حد بميعاد موته مش عارف ازاى انا عملت كده وازاى قدرت اقولهاله بالسهولة دى مش مستوعب انى عرفت اقتل حد بالكلام قبل ميعاد موته اللى مكتوبله

وجع مابعده وجع وخوف ورهبة والمشكلة الاكبر انى كنت الوحيد اللى واقف قدامه وشايف رد فعله على اغرب جملة سمعها طول حياته كلها وانا واثق انه مستحيل يكون سمع جملة اغرب منها

بلغته بميعاد موته ومش عارف ليه اتصرفت بالشكل ده لكن اللى كنت متاكد منه انى جوايا خلاص مبقاش مستحمل انى اكتم الوجع بتاع التنبؤ القاتل ده روحي تعبت من انى افضل محتفظ بالسر ده ليا لواحدى اعتقد انى قولتله علشان محتاج حد يعرف انا ايه اللى مخبيه جوايا ويشيل معايا الوجع او حتى يسمحلى انى ارمي جزء من وجعي ده عليه وفى الاول والاخر احنا مش هنتقابل تانى وحتى هو نفسه مش هيعيش بالسر بتاعي كتير ده هو كله يوم واحد ويمكن كمان اقل من ال24 ساعه

بس انا حالتى بتسوء انا متأكد من كده معنى انى واجهت حد بحقيقة زى دى يبقى انا فعلا وصلا لاسواء حالاتى النفسية والعصبية اللى تخلينى افقد القدرة على كتمان الوجع عن حد تانى ومش اى وجع ده وجع الفراق اللى مفيش فيه رجوع وجعته وانا مش عارف هو كانت ايه خططه اللى جاية لبكرة ياترى عنده اولاد مواعدهم بالخروج ولا عنده اجتماع شغل طيب عنده هائلة هو امانهم وسندهم طيب امه او ابوه الناس اللى هتتوجع عليه علاقته بيهم عاملة ازاى طيب هو من الناس اللى هيتزعل عليها ولا الوجع عليه مش هيتخطى يومين او تلاته حاجات كتير اوى مفكرتش فيها غير بعد ماصارحته حسيت ان خلاص المواضيع تخطيت عالم الجن والعفاريت لأنى كنت خلاص اتعودت على وجودهم حواليا او دلالاتهم لكن اللى بيحصل ده مشكلة فيا انا مش فى عالم الجن

قولت الكلام وحاولت اهرب بعينى فى كل مكان وانا بتهاجمني كل الشخصيات اللى لمحت فى عنيها نظرة الموت وعرفت الميعاد المحدد ليها

انا نفسي مش عارف ازاى شخص عادى زيي كده يبقى عنده علم زى ده وبعدين ده مش علم ده علم الغيب يعنى مش مسموح لحد انه يفتي او يفنن فيه

افتكرت كل شخص قابلته وعرفت ميعاد موته واحتفظت بيه لنفسي وجوايا وكان صعب عليا انى اشوف اللحظات الاخيرة فى حياة اشخاص انا اعرفهم بالفعل

الموضوع صعب لكن الاصعب بقى رد الفعل الحقيقي للرجل الراقى اللى لسه مصارحه بتارخ موته وفراقه لكل حايته بكل اللى فيها

كان بيبص ليا بمنتهى الثقة ومش عايز اقول الاستهانة او الاستهتار بالكلام هو كان ارقى من كده لكن طبيعي جدا مياخدش كلامي على محمل الجد

الشخص.هو انت بتعانى من مشكلة

خالد عمار.قصدك ايه

الشخص.الاول اعرفك بنفسي انا كامل رجل اعمال

خالد عمار.وانا اسمى خالد.خالد عمار

كامل.تمام انت كده عرف*نى عن نفسك لكن انا عايز اعرف اللى انت قولته ده معناه ايه.وهل انت بتعاني من اي مشكلة

خالد.مش عارف هي مشكلة ولا لاء بس انا للاسف عندى القدرة على معرفة ميعاد موت الاشخاص اللى بيكون ميعادهم قرب فى حالة انى قابلتهم بقدر اعرف من على وشهم ومن نظراتهم انهم فى خلال يوم مش هيكونوا فى نفس العالم بتاعنا

كامل.تمام.يعنى انت عايز تفهمني ان انت عندك علم بالغيب بتقدر تحدد ميعاد الموت طيب معلش هو ده نوع من انواع الدجل ولا انت نصاب بطريقه جديدة

خالد.عندك حق تقول كده على فكرة انا كمان مفيش مرة فكرت اواجه حد بكلام زى ده بس مش عارف ليه حسيت ان انت الوحيد اللى ممكن اكون واضح معاه وشك وملامحك الهادية دى حسستنى انك مختلف عن اي شخص انا عرفت انه هيموت مش عارف ايه السبب ومش فاهم كمان ليه انت بالذات بس برغم انى مستغرب اللى قولتهولك واتوجعت من انى قولته لكن سلامك النفسي وهدوئك ده غريب بالنسبالي فكرة ان حد يستقبل خبر الموت بالسلام ده مالهوش غير تفسيرين ومنهم واحد مش مقتنع انه ينطبقى عليل

كامل.وايه هما

خالد.الاول ان قوة ايمانك تكون متخطية قوة ايمان الانبياء والرسل اللى كانوا برغم عظمتهم بيحسوا برهبة الموت واعتقد ان مفيش حد اتخلق عنده سلام وتسامح غير الانبياء

اما التفسير التانى اللى انا مقتنع انه لاينطبق عليك كمان انك تكون عندك مشكلة نفسيه مخلياك تستقبل كلام زى ده بالهدوء والسلام ده

كامل.بس فيه تفسير تالت انت مجيبتش سيرته

خالد.واللى هو ايه؟

كامل.انى اكون مش واخد اى حرف خارج من ل**نك على محمل الجد من الاساس

مش عارف ليه شايفاك نصاب او كداب برغم ان شكلك لايدل على انك ممكن تكون كده بس معلش دى طبيعتى مش بسلم ب اى كلمة اى شخص يقولهالى غير لو عنده اثبات ملموس ليها .