الجزء الخامس

1203 Words

ولأنى كنت متعمق فى عالم الجن وحضورهم فكنت متأكد ان الصوت ده مالهوش علاقة بوجودهم وبرغم انى عارف ان مش وجود الجن سبب فى تردد الصوت ده لكن حسيت جسمى كان بنفس برودة التلج كنت برتعش بسبب خوفى ان الصوت ده بعيد كل البعد عن الجن والشياطين اكيد طبعا الجن والشياطين وان هما ينذروك بموت شخص معين دى حاجة مرعبة جدا وتستاهل الخوف لكن ان ده بالنسبالك يكون مجهول المص*ر ف ده كان مرعب ومخيف اكتر واكتر وكان الصوت بيتردد اكتر وبيزيد خالتك هتموت ..خالتك هتموت بكرة مفيش مفر واتكررت لدرجة انى حسيت بدماغي هتنفجر من تكرارها وسرعة القائها جوايا وعلى ودنى وعقلي حاولت استمر فى انى اردد ايات القرأن اللى حافظها كلها لكن مش عارف ليه لقيت نفسي مش عارف اقراء وكان الصوت اللى خارج بيشتت انتباهى وكأنه بيمنعنى اكمل لكن كنت م**م اكمل علشان الاقى نفسي بردد الايات بطريقه غلط وده تقريبا كان بيزود المشكلة اكتر بيزيد الصوت لحد ما لقيت نفسي بصرخ ياااربي ليه ؟ ليه انا وليه دلوقتى وليه خالتى بالذات؟ ليه ياربي خصتنى انا ب انك تشيل عني حجاب حاجة فى علم الغيب انا مش عايز ده انا مش قادر استحمل ده يااااارب كان الصوت مش بيقل بالع** بيزيد وانا كمان ابتديت احس ان جسمى بيتقل وكأنى بتخدر وبرودة جسمي بتزيد خالتك هتموت ..خالتك بكرة هتموت ..مفيش هروب كنت محتاج ابعد عن السرير وعن اوضتى كلها يمكن امنع الصوت انى يتردد يمكن يختفى لو حتى للحظات لكن مفيش اي فايدة صرخت ..صرخت وانا باصص للفراغ اللى قدامى وكان فيه حد انا مش شايفه واقف قدامى الغيب فى علم الله ..الغيب فى علم الله فضلت كتير اكرر الكلمة علشان يعاندنى الصوت وكأنه بيقول ليا او بيوصل معلومة انك مش هتخلص مني خالتك بكرة هتموت ..مفيش هروب خالتك هتموت بكرة وبعد ما كان بيتكرر وبيزيد بقى بيلح عليا بشكل مش معقول مش عارف ليه محدش في البيت حس بصوت صراخى ولا حس بصوتى وانا بحاول اسكت الصوت اللى فى ودنى انا مقتنع انى مش بخرف او بتخيل ده حقيقي انا مقتنع خلاص ان ده هيحصل فعلا علشان فى لحظة اشوف قدامى بمنتهى الوضح وش خالتى البشوش المتفائل اللى بتحب الدنيا وكمان الدنيا بتحبها اللى بتحب البساطة والحياة شوفتها نايمة على ضهرها على ارض من تراب وملفوفة فى الكفن الابيض وكان الظلام لافف حواليها وحواليا مش عارف ازاى وكأنه كفن ثانى علشان يفاجئنى الكفن الثالث وهو محاوطة القبر ليها وليا رعب ما بعد رعب ريحة التراب والموت بتخترق انفى ..مصدوم جدا من المنظر خالتى ميتة ومتكفنة ونايمة على ارض مقبرتها وانا معاها فى نفس المكان وكأنى اتكتب ليا انى اشوف بداية رحلة انتقالها لعالم اخر الرعب والدهشه والتوتر وكل مظاهر القلق اتمكنت مني خلاص مش قادر اتحكم فى اعصابي ولا اتمالك نفسى فى انى احافظ على توازن جسمى احساس ان خالتى خلاص ماتت ومش موجودة فى الحياة اللى انا فيها كان واجعنى وزود الوجع احساسى ب انى اكيد شايف كل ده لأنى هلحقها وهكون انا صاحب الدور اللى بعدها هى وقعت على الارض وانا بهذي ومش عارف ايه اللى كنت بقوله بس فى الغالب كنت بعزي نفسي على موت خالتى وكأنى خلاص سلمت ان اللى شايفه ده واقع علشان تبداء الصورة اللى قدام عينى تتلاشى من قدام عنيا وتختفى بالتدريج ويظهر قدامى صورة خالى محمود هو على علم شوية بالعوالم الخفية انا لازم اول حاجة اعملها مع ظهور الشمس انى اروح احكيله كل اللى حصل وكل اللى عيشته ده علشان تفضل تخايل عينى وعقلى صورة خالتى فى كفنها وهى نايمة جوة قبرها المظلم الكئيب وكأن ده قدرها المحسوم اللى مفيش مفر منه حاولت اشتت تفكيري عن اللى انا شايفه قدام عينى وبيدور فى عقلي حاولت اطرد صورتها من عقلى قاومت تعبى وارهاقى حاولت اطلع للسرير بتاعى وانا حاسس اني مصاب بالحمى فعلا ومعرفش ازاى ل اول مرة اسمح لدموعي تنزل بالشكل ده وبالكثرة دى كنت بعيط وكأن حزن الدنيا كلها خارج من قلبى مش عارف انا نمت ولا لاء اليوم ده محسيتش ايه اللى حصل من وقت ما طلعت على السرير لحد ما شوفت نور الشمس لكن كل اللى كنت مستنيه انى اسمع الخبر ..الخبر اللى كانت ليلتى كلها بتدور عنه خبر موت خالتى انا عارف انها هتموت النهاردة بس مش عارف امتى هو بلغنى باليوم لكن مبلغنيش بالوقت زى كده لما بيكون مريض حالته ميؤس منها والدكاترة تبلغه انه فى انتظار الموت فى اى لحظة ماهو مستحيل حد يعرف يحدد ميعاد موت حد دى حاجة فى علم الغيب لكن الدكتور بيعمل كده ويسيب المريض بقى لواحده فى كابوس الانتظار وده لواحده قاتل واصعب من الموت نفسه كنت عامل زى الطالب اللى مستنى نتيجة امتحانات هو فى الاساس مدخلهاش وبرغم عدم دخولى الامتحان الا ان نتيجته هتحدد مستقبلى الغريب انى قاومت نفسي من انى اروح لخالي او انى اتصل حتى بيه واقوله ايه اللى بيحصل او ايه اللى شوفته وعيشته بليل وكأن فيه حد منعنى او مش حد هو قوة معينة خفيه مش عارف مص*رها ايه لكن هو كان الهدف انى ابعد عن انى اسمع لنصيحة حد فات عليا اليوم ممل وكئيب جدا كنت حاسس ان الساعة واقفه مش بتمشى ومع تقل اليوم وبطئه كان الصوت مستمر مش بينقطع وكأنه صدى صوت بيرن فى ودني لحد ما رن جرس باب بيتنا وجه الخبر الاسود ..جه الخبر اللى كنت عارف انه هييجى لكن كنت بحاول اكذب نفسي لكن للأسف اللى حصل فعلا كان حقيقي مكانش وهم ولا كابوس مكانش خيال ولا عقل باطن ..للأسف عرفت ان غراب الموت نذير الشؤم ده اختارنى انا علشان يلازمنى واكون انا اول من يعرف الاخبار السودة دى ..نذير خلانى خايف جدا من نفسي واكيد كمان خايف عليها ومع مراسم الدفن و العزاء وكل الاجراءات كان حزنى بيزيد اكتر واكتر ان لم يكن كان اكبر وجع حسيت بيه فى حياتى لدرجة ان الناس اللى شاف*نى فى اليوم ده قالتلى واقسمت انى كنت تقريبا حزين عليها اكتر من اولادها وجوزها ..كانوا من شدة حزنى والارهاق الواضح عليا بيلحوا عليا انى امشى وارجع البيت علشان ارتاح واستجمع نفسي لكن مقدرتش اعتقد انى كنت هحس بتأنيب ضمير وذنب كبير ناحيتها خاصة انى مش هكون معاها ولا اوصلها لبداية الرحلة اللى تقريبا انا كنت اول شاهد عليها كنت بأنب ونفسي وكأنى مثلا كان ممكن اعمل حاجة ومعملتهاش او فى ايدي قدر كان ممكن اغيره لكن طبعا دى حاجة مش بتاعتى ولا بتاعت اى بنى ادم حاسس بالذنب مش عارف اذا كنت انا سبب موتها بالهاتف اللى جالى وكنت سامعه بوضوح ولا قرب ميعاد موتها هو السبب فى انى اعرف شكل البداية لانتقالها لعالم تانى هتكون عاملة ازاى وفضل تأنيب الضمير ده ملاحقنى لحد وواجعنى وتاعب قلبى من غير مبررلحد ما اتكرر اللى حصل مع عمي وعمتى وجاي وبعدها بياع الكتب بعد كل تكرار الحالات وتأقلمى على اللى بيحصل اتأكدت انى مش طبيعى لاء انا شخص ملعون .. فوقت من كل ده على صوت الرجل الوقور المحترم وهو بيقول هو انت بتشبه عليا ..انت من ساعة ما قعدت وانت باصص ليا وبتتأمل فيا تعرف حد شبهي طيب ولا ايه ؟ كان بيتكلم بمنتهى الذوق والرقي وبيحاول يقولها بطريقة طريفة كلامه رجعنى تانى وفوقنى من شرودى وذكرياتى وافكارى اللى بتلاحقنى وتوجعنى بس كان بالنسبالى فتيل قنبلة قربت تشتعل كلامه وترنى وخلانى رجعت تانى لملامحه وعلامات الموت اللى على وشه اربكنى وخلانى اقلق ومعرفش اتصرف لدرجة ان قومت وقفت من مكانى وبلم حاجتى بارتباك لدرجة ان قهوتى كانت هتتقلب على هدومى لولا انه لحقها من ايدي وقاللى اهدا بس اهدا مالك انا اسف لو ازعجتك هو انت فيك حاجة طيب تعبان علشان الاقى نفسي مش عارف اعمل ايه ولا حتى اقول ايه ولقيت الكلام خارج مني من غير وعي لاء اعتقد انك هتموت قريب

Free reading for new users

Scan code to download app

App Store Google Play

Facebookexpand_more