Ashton.
“Aviona,” tawag -pansin agad sa akin ni Melody, at tumabi siya sa akin. “Umamin ka sa akin. Kilala kita, hindi ka malanding babae para magpabuntis kay Deckard. Si Ashton ang tunay na ama ng bata, tama ba ako?”
Dire-diretso ang tanong niya. Ganito talaga si Melody at tama, hindi ako makakapagsinungaling sa kaniya dahil kilala niya ako mula ulo hanggang paa.
Huminga ako nang malalim pero hindi ko nagawang sumagot. Parang walang lakas ang dila kong aminin ang totoo.
“Aviona, magsalita ka!” nakikiusap na ang tono niya. “Naguguluhan na ako… ano bang nangyayari sa ’yo? Baka akala mo okay lang ako, ha? Hindi ako okay… sobra akong worried sa ‘yo!”
Unti-unti ay nag-angat ako ng mukha at tumingin sa kaniya. Nag-init na naman ang mga mata ko at sumakit ang lalamunan ko. Paano ba naman ay
