Hindi agad sumagot si Bobby sa tanong ko. Sa halip ay marahan lang siyang ngumiti at tumango papunta sa bahay.
“Pumasok muna tayo,” sabi niya. “Doon ko na ipapaliwanag lahat.”
Napakunot ang noo ko. “Sa loob?”
Napatingin ako sa pinto ng bahay. Mahigpit akong napailing.
“H-Hindi puwede.”
Nagtaka si Melody at Bobby sa reaksiyon ko.
“Aviona?” tanong ni Melody.
Huminga ako nang mabigat habang nakatingin sa bahay. Tumagos hanggang sa kaluluwa ko ang kirot ng mga alaalang pinagdaanan namin ni Kuya Arvill.
“Mayroon nang ibang nagmamay-ari nito,” sabi ko. “Binenta na ito fifteen years ago ng Uncle Rolly ko.”
Muli kong naalala ang araw na iyon.
Kung paano kami pinalayas sa lugar na ito. Kung paano kami walang nagawa dahil wala kaming laban sa desisyon ni Uncle Rolly.
“Hindi na namin bahay
