Kaya nais niyang kausapin si Aviona para ipagtapat na lang nila ang totoo kay Arvill.
Aviona’s POV
Naalimpungatan ako nang marinig ang pagkasara ng pinto. Tapos bumalik ang katahimikan sa kuwarto.
Naroon pa rin ang mahinang tunog ng monitor sa tabi ng kama ko… regular, paulit-ulit, parang nagpapaalala na buhay ako. May malamig na hangin mula sa aircon na dumadampi sa balat ko, at may amoy pa rin ng disinfectant na halos nakasanayan na ang ilong ko.
Dahan-dahan akong nagmulat ng mga mata. Hindi ako gumalaw agad. Narinig ko ang paghinga niya.
Nasa upuan si Ashton, sa tabi ng kama ko. Bahagya siyang nakayuko, ang dalawang siko ay nakapatong sa mga tuhod niya.
Tahimik lang siya. Nakatingin lang siya sa sahig. Parang may mabigat na iniisip.
Sa kabilang side ng kama, malapit sa maliit na
