Kinabukasan, matapos maasikaso ang discharge papers at maihatid muna si Aviona sa lobby para hintayin ang sasakyan, may isang bagay na hindi pa tapos sa isip ni Arvill.
Habang abala si Melody sa pag-aayos ng mga gamot habang si Aviona ay nakaupo sa wheelchair, nakayakap sa napakalaking teddy bear na parang bata, tahimik na lumapit si Arvill kay Ashton.
“Ashton, puwede ka bang makausap saglit?” maikli niyang tanong.
May kaunting pagtataka si Ashton pero tumango siya agad. “Oo naman.”
“Sa labas,” dagdag ni Arvill.
Sa mini park ng ospital sila naupo… isang maliit na espasyo sa gilid ng building na may ilang bakal na bangko, dalawang puno ng acacia, at maayos na tinabas na damo.
May iilang bantay ng pasyente na nakaupo sa malayo, tahimik na nagkakape. May mahinang ingay ng mga sasakyan
