At doon niya muling nakita si Marcus. Mas bata talaga itong tingnan kaysa sa aktwal nitong edad. Pero ganoon pa rin ang tindig… dominante at kontrolado ang lahat ng bagay.
Saglit na nagtagpo ang mga mata nila. At sa isang iglap, bumalik ang alaala.
Nasa ICU si Aviona, nakaratay, may tubo sa bibig at may benda sa iba’t ibang parte ng katawan.
Halos hindi siya makahinga sa takot noon. At sa corridor, nakausap niya si Marcus noon.
“Your sister is stable now,” kalmadong sabi ni Marcus noon. “My son did what he could.”
“Yeah. Salamat po sa pagpunta niyo rito.”
Tumango si Marcus at ngumiti.
“As we have said earlier, should you need financial assistance, my office will handle it,” dagdag pa ni Marcus, parang normal na business arrangement lang.
Sinsero ang bawat bitiw ng mga salita kaya p
