“Sige,” sabi ni Deckard. “Follow me.”
“Anong follow me? Mas kabisado namin itong school namin kaysa sa ‘yo,” pabirong kontra ni Melody kay Deckard. Muli itong napangiti nang malapad.
Tapos, nauna na siyang naglakad, kasunod kami ni Melody sa likod.
Habang papalapit kami sa gym, mas rinig ang tunog ng tumatalbog na bola at ang echo ng mga sigawan.
Pagpasok namin, bumungad agad ang malawak na court. May ilang players nang nagwa-warm up. Matatangkad. Mabibilis kumilos at halatang sobrang seryoso.
Biglang nagbago ang awra ni Deckard. Mas naging focused. Mas naging… intimidating.
“Uy, Coach Deck!” tawag ng isa sa teammates niya.
Nagtaas lang siya ng kamay bilang sagot.
“Coach? Ikaw ang coach nila?” hindi makapaniwalang bulalas ko.
Kumindat lang sa akin si Deckard at tumakbo na papunta
