“Na planado po. Na may… may nag-utos…”
“Kanino?” mariing tanong ni Kuya Asher.
Napatingin sa akin si Hayden. Doon ako tuluyang nanginig.
“Sa… sa coach po namin… kay Head Coach Deckard…” nanginginig na sabi ni Hayden.
“What?” hindi makapaniwalang bulalas ko. Bigla akong napapaisip kung kaya ba talaga ni Deckard gawin ang ganoong bagay.
“And?” malamig na tanong ni Asher.
“At…” nag-aalangan siya, nanginginig ang labi.
Pero bago pa siya makapagpatuloy, bumukas ang metal door sa likod namin.
Pumasok ang dalawang tauhan ni Asher. Sa gitna nila ay bitbit nila si Coach Deckard na panay ang pagpupumiglas. Halos hindi nila ito mahawakan nang matino.
Nakatali ang mga kamay. Gusot ang buhok at puno ng pagtataka ang mukha niya.
“Aviona?” gulat niyang tanong nang makita ako, pero halatang kaba
