“Ako ang bahala.”
Hindi niya sinabi kung paano. Hindi rin niya binanggit kung kailan. Pero kaya niya pala nang ganito kabilis. Ano iyon? Hindi na siya natulog? O sadyang marami lang gagawa para sa kaniya?
“Aviona?” tawag ni Melody, napansin sigurong natahimik ako.
“Hm?”
“Okay ka lang?”
Tumango ako.
“Oo… sobrang shocked lang ako.”
“Sino naman ag hindi masha-shock… grabeng iskandalo ito para sa school!” bulalas niya.
Hindi ko kayang sabihin sa kaniya ang totoo. Na maaaring si Kuya Asher ang may gawa nito bilang ganti sa ginawa nila kay Ashton.
Muli ay sinagilihan ng takot ang puso ko. Dito ko mas napatunayan kung gaano kalaki ang kapangyarihan ng mga Aguilar. Hindi talaga namin sila kakayanin ni Kuya.
Third Person POV
6 Hours ago…
Maaga pa lang, nasa private room na ni Ashton si
