Aviona’s POV
Lumipas ang mga araw na parang umiikot lang sa pare-parehong routine ang buhay ko.
School. Ospital. Bahay. Paulit-ulit.
Mula nang lumabas ang iskandalo nina Prof at Dean. Hindi na sila pumasok o nagpakita pa kahit kanino. Pinaghahanap na rin sila ng mga pulis dahil sa mga iba’t ibang reklamo ng pang-aabuso.
Ako naman ay busy rin sa pag-asikaso kay Ashton. Gigising ako nang maaga, papasok sa klase na parang wala sa sarili minsan dahil a puyat.
Kahit nagsasalita ang professor sa harap, si Ashton ang nasa isip ko… kung masakit pa ba ang binti niya, kung nakakakain ba siya, kung hindi ba siya naiinip.
Pagkatapos ng klase, diretso agad ako sa ospital.
Hindi na ako halos dumadaan sa bahay para magpahinga. Minsan naman ay si Kuya na ang sumusundo sa akin sa school at ihahati
