Napabuntong-hininga si Ashton. Para bang may malaking batong naalis sa dibdib niya. Hindi niya napigilan ang sarili at bahagyang lumapit kay Marcus para marinig siya ni Arvill.
“Kuya Arvill, please ask her,” sabi niya nang malakas, halos pasigaw para marinig sa kabilang linya. “Why isn’t she answering her phone?”
Napalingon si Marcus sa kaniya, pero itinuloy niya ang tanong. “Why isn’t Aviona answering her phone, Arvill?”
Mabilis na sumagot si Arvill. “Ah… naiwan po niya ang cellphone niya sa kuwarto niya, Sir. Nag-aalala nga rin ako kasi hindi ko siya natawagan maghapon.”
Tahimik na nakinig ang lahat.
“Pag-uwi po niya kanina,” pagpapatuloy ni Arvill, “diretso na siyang nagpahinga. Mukhang pagod po at parang hindi rin maganda ang pakiramdam.”
Sandaling katahimikan ang sumunod. Nagbug
