Natahimik si Ashton. Tila may nais siyang sabihin ngunit mas pinili niya ang makinig.
“Pagdating ng mga pulis,” dugtong ko, “katabi na namin ang mga katawan ng mga magulang namin. Doon ko talaga naramdaman… na ulila na kami.”
Hindi ko napigilan ang pagnginig ng boses ko.
“Lumipat kami sa tiyuhin namin,” sabi ko pa. “Mabait siya. Pero ang asawa niya…” Napailing ako. “Ginawa kaming alipin. Bata pa lang ako, nagtatrabaho na ako sa bahay. Isang beses, nabasag ko lang ang plato… at halos maging mitsa na iyon ng buhay ko.”
Napatingin ako kay Ashton. Kita ko ang pagbabago sa mukha niya… lumarawan doon ang galit na pilit pinipigilan.
“Binugbog niya ako, hinampas ng sinturon,” mahina kong sabi. “Halos hindi na kayanin ng katawan ko, kaya nilagnat ako at dinala sa ospital.”
Napamura siya nang
