Nagising ako sa sinag ng araw na dumadaan mula sa bintana. Saglit akong napapikit, pilit inaalala kung nasaan ako… hanggang sa dahan-dahang bumalik ang lahat.
Nanonood kami ni Ashton ng series, tapos… naalala ko rin ang sofa kung saan ako huling nakatulog.
Pero… nasa kama na ako ngayon.
Bumangon ako nang bahagya at napatingin sa paligid. Maayos ang kuwarto. Tahimik. May bahagyang amoy ng kape na galing sa labas.
At doon ko lang napansin… nakatulog ako nang maayos, may kumot, may unan, parang sinadyang asikasuhin ako upang makapagpahinga nang matiwasay.
Hindi ko naramdaman ang paglipad sa akin dito. Marahil ay dahil sa matinding pagod.
Bigla akong napangiti. Okay na ulit kaming dalawa…
May kumatok nang marahan sa pinto. “Gising ka na ba?” boses ni Ashton iyon, kaya lalong lumapad an
