Doon ko nakita ang totoong reaksiyon niya… masaya siya at kitang-kita iyon sa kislap ng mga mata niya.
Napabuntong-hininga pa nga siya, napahawak sa batok na parang hindi pa rin makapaniwalang pumayag ako sa alok niya kahapon.
“Thanks,” sabi niya. “Promise… I will be a charming boss.”
“Hindi pa iyan sigurado,” biro ko, pero nangingiti na rin ako. “Masungit akong empleyado.”
Ngumisi siya. “Mas gusto ko iyan… paghahandaan ko na iyan.”
Lumapit siya nang kaunti, pero huminto bago ako mahawakan.
“So,” tanong niya, maingat pa rin, “kailan ka puwedeng magsimula?”
Napaisip ako saglit. “Next week. Magre-resign muna ako nang maayos sa bar.”
“Deal,” sagot niya agad. “I’ll handle the rest. Contract. Schedule. Sahod.”
Tumaas ang kilay ko. “May kontrata pa?”
“Siyempre naman,” seryoso niyang s
