HINDI MAITAGO ang lungkot sa mga mata ni Zionne kinabukasan nang mapuna niya na malamig pa rin ang pakikitungo ni Paul sa kaniya. Ngunit may kaunting sayang nararamdaman dahil hindi nito nagawang umalis kahit nalaman na nito ang katotohanan.
Nauna silang magpunta ng karinderia ni Zyrielle upang maglinis doon habang si Zephanie pa rin ang nagbabantay kay Mang Teodoro sa kanilang bahay. Matapos maglinis ay saktong dumating si Aleng Zenaida galing sa palengke.
"O, anak, muntikan na akong hindi makaabot sa binibilihan natin ng baboy sa palengke, aba, e, may gustong pumakyaw ng paninda niya bago ako dumating," sabi ng kaniyang ina habang tinutulungan niya itong magsalansalan ng mga pinamili. Hindi kasi siya nakasama kaya panay ito sa pagkuwento.
"Mabuti naman po at nakabili ka, nay."
"Aba'
