HINDI NAGING madali para kay Howard ang magdesisyon sa kung anuman ang alam niyang tama para sa magiging anak niya kay Ruzelle. Pero ayaw niya naman maging unfair para kay Baby Zirrius lalo pa't mas kinakailangan nito ng sapat o mas higit pa na pag-aaruga dahil sa kondisyon nito. Hindi niya alam kung bakit pagkatapos ng problemang kinaharap nilang mag-asawa ay mayroon na namang dumating na isa pa at ang mas ikinababahala pa niya ay baka ito pa ang maging ugat para magkaroon muli ng lamat ang kanilang pagsasama.
Wala siyang kahit na sinong pinagsabihan sa dinadalang problema ngunit kapansin-pansin ang kaniyang madalas na pagiging balisa at wala sa sarili na kwinestyon naman ng kaniyang mga kaibigan na sina Paul at Gelo. "Alam mo, tol, hindi namin maintindihan ni Gelo kung bakit nagiging ma
