“OKAY ka lang ba, anak? Bakit dito ka natutulog sa kabilang kuwarto?” nagtatakang tanong ni Nanay Divine. “Akala mo ba hindi ko nahalata? Nanay mo ako, Lorrene. Huwag kang maglihim sa akin.”
“’Nay, ang sakit po, eh. Hindi ko kaya, ʼnay,” naiiyak na sagot ni Lorrene.
“Bakit? Ano’ng ginawa ng asawa mo? Sabihin mo sa akin, ʼnak,” nag-aalalang tanong ni Nanay Divine. Agad itong lumapit kay Lorrene.
“Hindi ko po kasi matanggap na may anak si Froilan sa ibang babae. Buntis po si Bianca, ʼyong kababata niya, anim na buwan na po ang tiyan at si Froilan ang ama.”
“Ano? Paano nangyari ʼyon, anak? Teka lang at pupuntahan ko si Froilan. Alam niya naman siguro na sinangla ng tatay mo ang kaniyang kaluluwa sa impyerno dahil gusto nitong mamuhay kayo ng tahimik. Tapos ganito lang ang gagawin niya?” g
