KINABUKASAN ay pinalipat mga siya ng bahay ng kaniyang asawa, pero hindi niya ito kasama sa paglipat, tanging tatlong katulong lang ang kasama niya na inutusan nito, dahil nang magising siya kinaumagahan ay hindi na niya naabutan pa ang kaniyang asawa.
Ang bahay na kaniyang nilipatan ay sa gitna ng kagubatan na malayo sa mga kabahayan at highway. Parang lumang mansyon pero malinis naman sa loob at kompleto ang mga gamit.
Hindi na siya sa vault room ikinulong, kundi sa normal na kuwarto na. Gayunpaman ay nila-lock pa rin ng mga katulong mula sa labas para hindi siya makatakas basta-basta, dahil kabilin-bilinan daw ng amo ng mga ito na huwag siya hahayaang makalabas.
Pero kahit papaano ay may bintana naman sa kaniyang kuwarto, kaya nakakasilip siya sa labas, iyon nga lang puro kakahuyan l
