I'm running late. Mga 1 am na akong nakauwi kagabi para matapos yung pinagawa ni Sir Clay. Hindi tuloy nakapag-duty si Liza. Nakakahiya talaga. Ilang beses akong nag-sorry dito sa sobrang abala na naidulot ko. Kaninang umaga, late pa ako gumising. Ayaw ko na nga sanang ipabantay kay Liza si Ice pero wala naman akong choice. Buti na lang talaga at ang bait ng batang yun. Hindi ko alam kung ano ang gagawin ko kung wala si Liza.
Isang minuto na lang at andito pa ako sa labas ng opisina. Kakababa ko lang sa jeep. Malas ko pa at punuan ang mga jeep kanina kaya halos isang oras din akong naghintay ng masasakyan. Mukhang di ko araw ngayon. Tsk.
"Good morning ma'am." bati ng guard.
Ngumiti ako. "Good morning din po." bati ko pabalik.
