بين الماضي والحاضر

الفصل الحادي عشر

كان يعمل بجد حتي تعب لينظر بجانبه حتي وجد ذاك الظرف الأ**د ليأخذه ويفتحه ليقرأ ما به ويصدم بشدة ما هذا نيللي وابنه عزام بعد كل هذه السنوات نعم كانت غلطة واحدة عمل علي تكفيرها طوال السبع سنوات الماضية ولكن ما لم يكن بحسبانه ان غلطته تلك ستظل تلاحقه مدي حياته يا الله ماذا عليه أن يفعل بل والفاجعة الكبري ماذا ستفعل زوجته بالطبع ستتركه مثلما فعلت بالمرة الماضية لن تستمع له بالتأكيد خرج من مكتبه وذهب حيث مكتب رفيقه قائلًا...

_انا حياتي خربت يا كريم..

نظر له كريم بدهشة....: أقعد بس الأول في ايه..

أعطاه سامر الظرف ليقرأه كريم وملامح الصدمة علي وجهه...: إزاي نيللي غنيم وبعدين احنا نضمن منين انه ابنك..

سامر بتوتر....: مش عارف ومش فارق معايا غير دعاء لما تعرف انت فاكر عملت ايه لما طارق حكالها اني كنت بكلم بنات وأعرف ستات عليها وهي صدقته واتطلقت وقتها وكمان كان كداب ما بالك بقي والكلام اللي بتقوله نيللي صح وممكن يطلع ابني..

كريم بحيرة....: مش عارف بصراحة بس اللي أعرفه ان الهجوم خير من الدفاع عشان كده لازم تحكيلها كل حاجة أحسن ما تعرف من حد غيرك وقتها فعلا ممكن تسيبك..

نهض سامر قائلا وهو يغادر....: انا هروح احكيلها دلوقتي واريح نفسي..

كريم بصوت عالي حتي يصل له.....: أيوه كده أحسن فعلا وابقي طمني..

خرج سامر من الشركة مسرعًا ووصل حيث المنزل وصعد ركضًا حيث غرفة دعاء ليجدها شاردة ليجلس بجانبها قائلا.....

_دعاء عايزة أقولك علي حاجة..

نظرت دعاء له وللظرف الذي بيده بهدوء ثم نظرت أمامه وهي تقول....: عارفة..

سامر بدهشة...: عارفة ايه؟؟

دعاء...: عارفة انت عايز تقول ايه انا قريت الظرف إمبارح واستنيتك تيجي تصارحني..

سامر بهدوء...: طيب ياريت تسمعي .. ثم أخذ نفس عميق وتابع...: الكلام اللي مكتوب كله صح بس أنا مش عارف ده ابني ولا لأ...

نزلت دمعة وحيدة من عينيها وهي تسمعه لتقول بصوت مبحوح....: انت خونتني يا سامر..

سامر بحزن...: والله انا مش عارف عملت كده إزاي مكنتش في وعي خالص..

دعاء بدموع...: بس ده مش مبرر علي فكرة مفيش مبرر للخيانة..

سامر وهو يحتضنها....: عارف .. عارف أنه مش مبرر بس والله ديه الحقيقة انا مش عارف ده حصل إزاي انا بقالي 7 سنين بستغفر وبعمل كل حاجة يمكن ربنا يقبل توبتي بس أهو رجع اللي يفكرني تاني..

دعاء......: مش عارفة عايزة وقت أفكر أشوف هعمل ايه بس لو طلع ابنك هتتجوزها؟؟

سامر...: مش عارف .. مش عارف حاجة خالص .. انتي هتقعدي فين؟؟

دعاء بدموع....: هقعد هنا عايزني أمشي كمان ومقعدش معاك .. ده بعينك يا ابن أمينة..

ضحك سامر عليها بشدة ليقول...: هتفضلي هبلة كده حتي وانتي زعلانة..

ضحكت معه هي الأخري ولكن بداخلها خوف من المستقبل شديد...

~•~•~•~•~•~•~•~•~•~•~•~•~•~•~•

استعد مهاب للسفر وأخذ أولاده وأثناء جلوسه في القطار هاتفه عزت ليخبره بأن فريدة تريد الحديث معه...

فريدة....: مهاب أنا فكرت وقررت..

مهاب بخوف...: ها وقررتي ايه؟؟

فريدة....: موافقة بس بشرط..

مهاب بسعادة....: اشرطي براحتك..

فريدة...: متفرحش اوي كده انا موافقة بس عشان فيري وأدهم غير كده مكنتش هوافق...

مهاب...: مش مشكلة عشان فيري وأدهم ولا عشان أبوهم الاتنين واحد..

كتمت فريدة ضحكتها وهي تقول...: طيب انا عايزة نور .. إلا هي صحيح مجتش معاك ليه؟؟

حكي لها مهاب ماذا فعل عمها وكيف هددها لتوافق علي الزواج وانه ذاهب لأجلها الآن..

فريدة بصدمة....: وانا إزاي معرفش حاجة عن كل ده..

مهاب...: محدش كان يعرف أصلا...

فريدة بسرعة...: طيب أقفل اقفل خليني أكلمها أشوفها..

مهاب.....: طيب متزوقيش ايه ده..

أغلقت معها مهاب الهاتف وجلس بشرود لتقول فيري..: بابي هو احنا رايحين فين؟؟

مهاب وهو يعدل خصلات شعرها...: رايحين عند نور..

أدهم....: طيب وليه رايحين وهي فين أصلا..

مهاب وهو يغمض عيونه...: لما نروح هنعرف..

~•~•~•~•~•~•~•~•~•~•~•~•~•~•~•~•~•

وعلي الناحية الأخري في منزل فريدة هاتفت فريدة جودي ودعاء في مكالمة جماعية وقصت عليهم ما حدث ليهاتفوا ثلاثتهم نور وجري الأمر كالآتي...

جودي بإندفاع وحدة...: انتي يا متخلفة إزاي تبقي هتتجوزي النهاردة وإحنا منعرفش؟!!!

نظرت نور للهاتف بصدمة ثواني وتن*دت بقلة حيلة وهي تقول...: معلش والله كل حاجة جات بسرعة لدرجة اني نفسي مش مستوعبة..

دعاء بغضب....: يعني ايه الكلام ده بقي؟؟

نور....: هو اللي حكالكم ماقلكمش اني حتي معرفش شكل العريس..

فريدة....: لا قال يا ست نور بس إزاي وإزاي في يوم زي ده منكنش جنبك...

نور بحزن.....: مش عارفة يا بنات ومش عارفة اللي بعملوا ده صح ولا غلط..

جودي بغضب....: غلط طبعا مش محتاجة سؤال ده جواز مش لعب عيال..

دعاء....: معاها حق يا نور متتسرعيش..

فريدة....: محدش يقدر يغصبك علي حاجة مهاب واقف جنبك..

دعاء بسخرية....: اقعدي علي جنب انتي يا بتاعت مهاب..

نور وجودي سويًا....: ايتا ايتا هو في حاجة احنا منعرفهاش...

دعاء.....: حاجة واحدة قولوا حاجاااات..

جودي....: طيب قولي انتي هتنقطينا...

فريدة....: ما خلاص بقي ايه مهاب اتقدملي وانا وافقت..

نور بصدمة.....: ميييييييين؟؟

جودي بصدمة مماثلة.....: وا ايه ياعنيا انتي مش مخطوبة يا بت...

فريدة....: ااه بس .. وقصت لهم ما حدث لتقول نور بسعادة....: اووووه انا مش مصدقة نفسي اخيرااااا ده انتوا نشفتوا ريقنا...

دعاء...: شوفتي يا نور ده احنا زهقنلاهم والله...

فريدة بغضب....: وانتي يا ست جودي مالك ساكتة مش عوايدك؟؟

جودي بهدوء وخوف....: اصله شادي اتقدملي وانا وافقت....

نور....: الله وانا معرفش عنكم حاجة..

فريدة وجودي....: يعني احنا اللي نعرف..

دعاء بضحك.....: مرحبا بكم في نادي المتزوجين هههههه..

ليضحك معها الفتيات ومن ثم تغلق نور من أجل مراسم كتب الكتاب...

ارتدت نور فستان من اللون النبيذي به تطريز أبيض وطرحة من اللون الأبيض ولم تضع مساحيق تجميل......وخرجت لتجد مهاب يقف جوار أولاده لتقترب منهم وتحتضنهم وهو تقول.....

_كتاكيتي وحشتوني...

وسلمت علي أخيها واحتضنته ليقول....: أومال فين عريس الهنا..

نور بلا مبالاة...: معرفش ممكن خرج .. وبعدين أحسن يارب ما يجي..

مهاب بغضب....: انا لسه زعلان علي فكرة..

نور بحزن....: يا مهاب والله غصب عني انا خوفت وبعدين انا متضايقة اكتر أنا لحد دلوقتي مشفتوش....

احتضنها مهاب...: لو مش عايزة محدش يقدر يغصبك...

نور...: لأ عايزة وموافقة يلا بينا ندخل...

دخلا الغرفة التي بها عمها وزوجته وخالتها التي تعرفت عليها منذ يوم واحد وجلسا بإنتظار العريس والمأذون وبعد قليل سمعت عمها يرحب بالعريس والمأذون ولكن لم تسمع صوت أخاها لذا استعجبت بشدة ورفعت رأسها لتقول بصدمة وصوت عالي....

_لؤى!!!!!

لينظر لؤى لها ويصدم بشدة ليقول....: نور .. انتي؟!!

~•~•~•~•~•~•~•~•~•~•~•~•~•~•~•~•~•~•

خلص الفصل واتمني أعرف رأيكم وتوقعاتكم للي الجاي..