NASA dining room na silang lahat at kasalukuyan nang nakaupo sa harap ng mahabang table para sa breakfast. Pero kung kahapon nakaupo si Roxy sa tabi ng asawa niyang si Thrynn, ngayon naman ay nasa tabi na siya ng ex-boyfriend niyang si Thaddeus.
Saglit na namayani ang katahimikan sa kanilang pito. No one touched their food; all eyes were fixed on Thaddeus, waiting.
“So, what's your announcement?” tanong na ni Zayden na hindi na nakatiis pa.
Roxy swallowed hard. Nag-umpisa nang manginig ang mga kamay niya at parang pinagpapawisan na rin ang mga palad niya dahil sa labis na kaba. Gusto niyang umalis na lang para makatakas sa sitwasyon, pero alam niyang wala na siyang kawala pa. Mukhang katapusan na yata niya ngayong umaga. Kinakabahan na siya at natatakot sa kung ano man ang kalalabasan.
