“Parang nanghihina ang mga tuhod ko, kuya. Next time na lang ako mag-exercise,” pagtanggi niya at tumayo na para sana lumabas na lang ng gym room, pero bago pa niya magawa ay muli nang nag-usisa si Draven.
“Bukod sa pag-inom, ano ba ang pinaggagawa mo kagabi para manghina ang mga tuhod mo at umuwi ng walang malay?”
Napahinto siya at napakagat na lang sa labi. “W-Wala naman. Nag-inuman lang kasama ang mga kaibigan at sumayaw,” she lied.
Ngunit bago pa siya makalabas ng gym room ay mabilis nang nakalapit si Thrynn sa kaniya at bigla na lang siya nitong binuhat bago itinakbo papunta sa umaandar na treadmill.
“Kuya!” reklamo niya at napasipa pa.
Pero ngumisi lang si Thrynn at tumakbo lang sa treadmill habang buhat buhat siya.
“Ibaba mo ako, kuya. Hindi pa ako nakakaligo.”
Inamoy-amoy na
